فرق رهيب بين سعر فلتر التكييف بين الكامري والآلتيما

بدون زعل والله فيه ناس يصلحون مناديب دعايه وأعلان مشاء الله عليهم بس هههه :bigggrin:

الله يسعدك يوفقك

يارجال انا معي ازيرا 2008فل كامل سعر الكشافات الطقم 750 راح واحد من الشباب بياخذ كشافات لسيارته كامري 2006من عبداللطيف جميل طلعت الكشافات سعر الواحد ب870بعد الخصم ونستمر ونقول تويوتا قطعها رخييييييييص

عندي سيارتين

كامري 1999 ---تغيير قزاز امامي بـ 1400

ألتيما 2010 ---- تغيير قزاز أمامي 840

لاتذمون التيوتا ولا تذمون النيسان
ذمو الوكلاء النصابين لا بارك الله فيهم

معاي ارويون 2010 اخذتها تقريبا من 7 اشهر الى الان ماغيرت فيها ولا شي ولله الحمد
ماشيه 40 الف ولا فيها اي مشاكل احمد ربي واشكره

في النهايه ياشباب السياره عند الاستخدام

عليكم السلام ورحمة الله وبركاته ..

هلا وغلا بـ الشيخ : معاذ :) ..

أولاً:

الله يعطيك خير سيارتك ويكفيك شرها ..



اللحين يا غالي ليش تقول عليهم موسوسين هنا ؟؟

ليش ما قلت عليهم كذا في (( المنتدى المجاور )) ؟؟ :)

عموماً : يـ الغالي : المسألة هي على حسب الإستخدام ( يعني ما هم موسوسين ) :) ..

على سبيل المثال : إذا كان الواحد راعي خطوط أو ما يدعس في السيارة كثير : أكيد راح تطول معاه , لأن إستخدامه للفرامل قليل جداً ..

أما : اللي راعي مطارحات أو من اللي يدعسوا بالسيارة كثير : أكيد ما راح تطول معاه ..

هذا الشيء : مو بس بـ الألتيما , هذا الشيء : في كل السيارات !!

فـ لا تقول عليهم موسوسين : لأنك ما تعرف وش ضروفهم !!

:)



أولاً : الله يعطيكم خيرها ويكفيكم شرها ..

بس أنا لي تعقيب على بعض الكلام اللي ذكرته !!

أولاً : ذكرت (( الزيوت )) , وهي مالها أي علاقة بـ جودة السيارة !!

لكن لها علاقة : بـ جودة الزيت نفسه : فيه زيوت تمشيك 2000 وفيه 5 آلاف وفيه أكثر ..

ـــــــــــــــــــــــــــــــــــــ

ثانياً : السيور : أنت ذكرت إنها أطول عمراً ..

مع أن سيارتك ما شاء الله موديلها 2009 وعلى كلامك أنك ماشي لحد الآن 66 ألف كم ..

كيف حكمت : إنها تطول , وسيارتك لسا ما مشت لحين موعد تغيير السيور , وهو ( بعد 100 ألف كم ) ؟؟

يعني لو كنت ماشيء أكثر من 120 ألف كم , وباقي ما غيرت السير ( ممكن تقول هذا الكلام ) !!

لكن حالياً : فـ أنت أستبقت الأحداث , وحكمت على شيء في علم الغيب !!

ـــــــــــــــــــــــــــــــــــــــــ

الأقمشة : أنا مثلك غيرت أقمشة سيارتي : بعد 50 ألف كم , مع أنه كانت راح تطول ولولا الوكالة وسوالف الضمان أنا ما غيرتها ..

وقريبي : اللي معاه الكامري ذكرت أنه غيرها بعد 60 ألف كم ..

وفيه أشخاص معاهم : كامريات اللي غيروها قبل واللي بعد ..

فـ مثل ما ذكرت : أن شغلة الأقمشة هذه : على حسب الإستخدام ..




عفواً أخوي :

أنت على كلامك أنك جربت كامري 2004 , والكامري : من 2006 وتحت : هذه بواجيها عادية ..

وعمرها الأفتراضي : هو كما ذكرت أنت , مع أن لو ترجع لـ سعرها :

تحصل بـ الكثير : 20 ريال للبوجي الواحد ..

وشيء طيب : إنها توصل لهذه المسافة , مقارنةً بـ سعرها ..

ــــــــــــــــــــــــــــــــــــــــــــ

لكن لو تجي : للكامريات الجديدة ( 2007 وفوق ) :

على كلام الوكالة و كتالوج السيارة : ( إنها تتغير بعد الـ 100 ألف كم ) ..

مع أنه ممكن تطول , وممكن تكون تحتاج تغيير ( قبل هذه المسافة ) ..

والسبب : يرجع (( للمحافظة )) ..

وبالأخير : مرة أخرى : وللجميع الله يهنيكم بـ سيارتكم , ويعطيكم خيرها ويكفيكم شرها ..

وأن شاء الله إنها تطول معاكم , وبدون أي مشاكل أو خرابات ( آمين ) :) ..

تحياتي للجميع ~ :xyxwave:

السيارة :sonata v6
الموديل: 2006
اسم القطعة : فحمات اماميه
سعرها : 245 ريال
ماادري وش المقصود برقم القطعه !!
رقمها 581013ka61

جنط 17 = 565
غطاء الجنط = 27
فلتر زيت = 10


الكلتش للسوناتا من 2006 - 2008 = 4400 ريال مع الشغل
وموديل 2009 - 2010 = 4700 ريال مع الشغل

عكس يمين
السوناتا ب 849 ريال

صدام امامي
السوناتا ب 440ريال

نور امامي
السوناتا ب 540

رديتر التبريد
السوناتا ب 880 ريال

باب امامي يمين
السوناتا ب 860 ريال

باب خلفي يمين
السوناتا ب 790 ريال

هذي بعض اسعار القطع و المصدر لو بغيته ارسلتة لك على الخاص لأن وضعه هنا مخالف

لتعليمات المنتدى ولكن كلامي أسعار قطع هونداي الكورية مقاربة لأسعار شركات يابانية مثل

تويوتا و هوندا ومازدا وهي بالأصل أقل جودة . لا تزعل من كلامي ولكن هذا الواقع

السلام عليكم

انا معاذ اللي مغير الاقمشه على الــ 50 الف في منتدى نيسان اربيا

تعرفون ليش البقيه يغيروها بدري ؟؟؟ لانهم اكثرهم بصراحه موسويسين وصيانات سياراتهم في الوكاله والوكاله تقلهم غير الاقمشه على طول طيب غيرها وهيا لسه باقي جديده

انا اخر صيانه سويتها بسيارتي صيانه الـ15000 وبعدها سيارتي ماشمت ريحه الوكاله

يعلم الله اني مهمل السياره بشكل مو صاحي واكثر من رجل على السياره وانواع الدعس وكبس الفرامل وماشاء الله ماغيرتها الا على الـ50000 كيلو << هذي الاماميه

الاقمشه الخلفيه الى الان ماغيرتها ابدا ابدا ماشاء الله والسياره الان ماشيه 66000 والاقمشه الخلفيه ماشتكيت منها ابدا الحمدلله

الاقمشه اللي غيرتها الاماميه وماخذت اقمشه اصليه ركبت تجاريه اعتقد سعرها 110 ريال والان يعني ماشي على الاقمشه التجاريه 16000 والحمدلله ممتاااازه وهيا تجاريه



بالنسبه للي يدوم اكثر للقطع الالتيما او الكامري .... راح اقول رأي بكل مصداقيه

عندنا كامري موديل 2004 والان ليه سنه معاي التيما 2009 .... بالمختصر المفيد الالتيما تدوم اطول وجودتها اقوي من قطع الكامري ... سواء الاقمشه او السيور او الزيوت او الفلاتر وغيرها

بالنسبه للبواجي معروف بواجي الالتيما تمشيك 150 الف بالرااااااااحه

اما بواجي الكامري حدها 80 الف كيلو

يعطيك العافيه

هلا أخوي ..

أنا راح أطرح صور صناعة ( بعض القطع ) في الكامري 2007 وفوق :

فحمات :



هوبات :



فلتر البنزين :




البواجي :




لكن صيني : أنا ما قد شفت ..

يا ريت إذا شفت ( صيني ) وأصلي , يا تصورها لنا ( مثل هذه الطريقة ) ..

تحياتي لك ~ :xyxwave:




عليكم السلام ورحمة الله وبركاته ..

هلا أخوي التيما اليتيما ..

:)



أخوي :

الأسعار اللي ذكرتها ( في ردي السابق ) :

كل القطع : اللي ذكرتها : (( الكامري هي الأقل سعر )) , مع العلم : أني أتكلم عن قطع ( 2008 ) وفوق ..

مسألة : إنها تطول أكثر : هذا رأيك أنت , وأنا أحترم رأيك ..

لكن :

نخالفك فيها ..

وأكبر دليل , هو :

الفحمات :

ذكرت لك : كم عمرها الإفتراضي في الألتيما موديل 2008 وفوق ..

وذكرت لك : كم عمرها الإفتراضي في اللكزس حقي والكامري حق قريبي , لأنها نفس الفحمات ..

فـ يا ريت يا عزيزي : نتجاوز هذه النقطة , لأننا ندور حول دوامة لا تنتهي :bigggrin: ..

والأفضل : نتركها للجمهور :) ..




ما أدري عن أي موديل تتكلم عنه : للـ ( ألتيما ) !!

أنا ذكرت لك :

العضو : مغيرها : عند 50 ألف كم , ومستغرب أنا واصله معاه لـ هذه المسافة , والباقين : ذكرت لك متى غيروها !!




أخوي : لا تفكر أنا لما طرحت تجارب ملاكها :

أنه أنا أبحث عن عيوب الألتيما ؟؟


بالطبع لا : فــ كل المسألة : حبيت أوضح كم عمر القطعة في هذه السيارة , وتلك ..




جميل جداً :) ..

الألتيما : من نيسان ,,, صح ؟؟

الألتيما والأرمادا والماكسيما البايثفندر وغيرها ( مصنعة بـ أمريكا ) !!

الألتيما : فازت بـ أعلى جودة ..

هل أفهم من هذا : أن الألتيما أفضل السيارات جودة من نيسان ؟؟

طبعاً : لا !!

أجل وش سر : أن (( نيسان )) مستواها : متدنيء في jd power !!

فـ الأمر : صراحة يدخله ( بعض الشكوك ) , ويحتاج للـ تعمق أكثر في هذا الموضوع :) ..

تحياتي لك أخوي ~ :xyxwave:

الله يعنيك عليهم

السلام عليكم




انت ما فهمت وش أقصد

ممكن تركز معي عشان يكون الحوار راقي وهادف كما هو عادتك ..

انا أقول مثلا : هناك واحد معه كامري يروح وواحد معاه ألتيما

وراحوا لقطع الغيار الكامري الفحمات بـ 150 والألتيما بـ 215

فيجي يقول شفت الكامري ياخي رخيص القطع

طيب هل التفت أن القطعه أصليه ولا مو أصليه واين صنعت وفي اي مكان

وكم تجلس ؟؟ طبعاً لا حنا شعب يشتري برخيص مو مهم متى تخرب ..

لكن قارن أصلي الكامري مع أصلي الألتيما راح تشوف الأسعار متقاربه

ورغم ذلك متأكد أن بنسبه كبيره راح تكون العمر للألتيما ..(( من واقع

تجربتي الخاصه ))



- تمشي 180 في صحراء (( حاله أسعافيه ))

- تمشي عليها 70 ألف كيلو في أول سنه

- مركب جنوط 18 غرابي (( يعني مو أصلي )) نيكل وانكسرت جنوط ثلاث منها .

- حارتنا أسمها حارت المطبات والسبب المفحطين

- عندنا استراحه في قريه تحتاج تدخلها 5 كيلوا تراب " تكرم " ومن يسمع

كيف ما أحافظ ؟؟

لكن تعال شوف بعض التجارب :

قبل اسبوعين غيرت الاقمشه الاماميه للاتيما لانه بدأت اسمع صوت احتكاك الهوب بالاقمشه

اخي لو ابغى ابحث بقوقل واكتب عيوب كامري ما راح أخلص

ونفس الشئ للألتيما والمرسيديس والأودي وغيره انا اتكلم عن تجربتي الشخصيه

هههههه , اللحين أقولك قطع إستهلاكية ( فحمات - مساعدات - سيور .. وغيرها ) , وتقولي :

(( لمبة )) ..

:smile:


يا رجال ديتها 10 ريال

ذكرت اللمبه هنا عشان اثبت انها مقارنه خاصه فيني ودقيقه ..

الصورة لا تظهر :) ..

تفضل





تحيه طيبه

؟؟؟؟؟


فحمات السوناتا الأمامية سعرها 150-200 ريال

وفلتر مكيف الآزيرا بـ 70 وفلتر الهوا بـ 85 مغيرهم قبل فتره

ومن متى قطع الهونداي سيئة وأغلى من تويوتا ونيسان ؟؟؟ :confused1:

احح 225 ريال غاااااالي بالحيل، هو معروف انه اغلى من فلتر هوا المكينة عشان النسيج المصنوع منه الفلتر بس مو لها الدرجة السعر، وسعر فلتر الألتيما طبيعي، العادة مابين 50 الى 100.

أخي الكريم من حقك أن أقدم لك الإثبات وهذه المعلومة أخذتها من محل الضحيان لقطع الغيار ، حيث أنه قام بوضع لوحة في محله وقد كتب فيها بالحرف الواحد (( إن شركة تويوتا تمتلك عدة مصانع في جميع أنحاء العالم ومن ضمنها جمهورية الصين ، وبهذا فإن بعض القطع قد تختلف بلد الصناعة فيها ، وهي جميعها قطع غيار تويوتا الأصلية )) هذا ما قرأته وسأقوم بتصوير الإعلان ووضعه بين يديكم في أقرب فرصة إن شاء الله .
عندما تكون الصناعة صينية فهذا لا يعيب الشركة ما دامت تحت ضمان تويوتا ووفق معايير الجودة الصارمة التي تتبعها ولكن عندما يختلط الحابل بالنابل فلا نستطيع بعدها التفريق بين القطع الأصلية والتقليد فهذه المصيبة .
أخوي لا أريد أن أخرج عن الموضوع ولكن الكل يعرف بأن سيارات كامري إسترالية الصنع ، وأيضاً لماذا أسعار كامري 2002 ما زالت مرتفعة مقارنة بمثيلاتها في السوق من السيارات الأخرى .
هذه وجهة نظر شخصية أحببت طرحها بين يديكم ، وأتمنى دوام الصحة والعافية ووافر السرور للجميع.

شكرا لكاتب الموضوع .

والشكر موصول لكل من شارك فيه .

تنبيه :

الجميع منا له ميوله لنوع معين من السيارات .

وبالتأكيد راح يبين مزاياها ويعددها ، وهذا الامر لاشئ فيه .

لكن ان يتطور الامر الى هجوم شخصي بين الاعضاء ، فهذا ما لا نرضاه .

والكلام هنا عام وليس موجها الى شخص بعينه .

فارجو من الجميع الالتزام بالاداب ، فنحن اخوة قبل كل شئ .

تم حذف المشاركات التي فيها تعرض لاشخاص بعينهم والتي خرجت عن اطار الموضوع الاساسي .

محمد الحربي
VIP 111

للمعلومية سعر فلتر الهواءأصلي دودج دورانجو 2006 بعد الخصم 72 ريال ،، وسبحان الله بعض الناس قالو لي انه غالي ،،، لكن بعد ماعرفت سعر فلتر الهوا حق الكامري حمدت الله على هذي النعمة

فعلا الكمبروسر من تركيب مصنع ابو جميل
كان عند اخوي كامري 2009 سعودي تكييف سئ
وواحد من اخوياي عنده كامري خليجي تكيفها احلى مايكون
هذا الشئ اثبتلي ان الكمبروسر من تلفيق ابو جميل

آمل أن يلتزم الأعضاء بآداب الحوار والنقاش وعدم إخراج الموضوع عن مساره