السلام عليكم جميعا ...
دار نقاش بيني و بين اخوي على اي السيارات تحمل و كفائه و اكثر اعتماديه و المبدأ على النحو التالي :
يقول مثلا تويوتا كانت ولا زالت أكثر السيارات اعتماديه و اقلها عطل بسبب انه ما دخلها الا صيانه وحده حقت 1000 كيلو < و أنا شاهد على هذا الشي و كل يوم ماسك بها خطوط , و السياره ماشيه الحين 350 الف كيلو و مرات يغير الزيت على حسب التصانيف ممكن 10000 او 20 الف !! < أيضا شاهد انا على هذا الشي و سبحان الله صوت السياره ما تسمع لا طقطقه في المكينه .. صوتها ناعم مره
و أيضا بعض القطع الاستهلاكيه لم تغير زي فلتر البنزين و بواجي الا نادرا و صيانه اللديتر و ما يتعلق بالمكيف يمكن ما قد طبت يده ميكانيكي و ايضا ان ماقد ارتفعت حراره المحرك ولا وقفت عليه ولا مره ماشاء الله تبارك الله
الي خلى الجدل يدور لانه بيشتري سياره جديده و محتار و قلتله ان السياره إذا حافظت عليها تخدمك و إذا اهملتها خربت .. طبعا انا عندي رينو ما اعتقد لو عاملتها مثل التويوتا راح تجمل معايا
بصراحه مدري رده علي يمكن صح او خطا بس احرجني لان سيارته مكروفه وما تدخل صيانات
سؤالي هو : هل هذا مقياس على تحمل السياره ؟؟؟
علما بأن الكورولا موديل 2005 و افتكر دايما لما يطلع موديل جديد في تويوتا يقولو الموديل يلي قبله احسن و اصرف و اكثر اعتماديه و نفاجئ انه كله زي بعضه يخدم !!!