يوكون 2006 ماشي 60 الف يحتاج للمساعدة بالصيانة<< ارجوا دخول راعين الجموس

والله الشباب كفو ووفو واحسن شي تسويه غير الزيوت كلها سو تصفيه للسياره وشيك على تحتيه السياره والاقمشه ودرب السلامه وانا اخوك فالينها من بدري اجل امسك الصيف من اوله هههه ^_^ تروحون وترجعون بالسلامه

تحياتي ..... حسام ومعاي دينالي 2005 161 الف بيني وبينك 100000 كيلو خخخخ يلعن ام الشطحه الي كذا

اي .. انا عارف انه الشكل القديم ... حتى عندنا انفوي 2007 لما بغيت ابدل زيت القير .. سألني عن الموديل .. استغربت خابر انه زيت واحد للكل .. فقال لي : 2006 و فوق زيته dexron 6 و على كلامه انه هالزيت يعمر و يحافظ على القير اكثر لأنه يتحمل درجة حرارة اكثر ..

صحيح كلامك ابخلي القديم معي مع العدة ممكن يصير شي لاسمح الله

والله غريبة ليش موجود نوعين للزيت حق القير

طب لو اروح وكالة الجميح او التقوى وش يبي يعطيني 6 او 3 ؟

على فكرة ترا 2006 هو الشكل القديم للجمس لان بعض الناس يعتقدون انه الشكل الجديد

يعني 2006 يختلف عن زيت 2005 وتحت؟

ماقصروا الاخوان

وحاول تخلي معك سير احتياطي

ممكن تحتاجه لاسمح الله والله لايحوجك له ,

الاخوان ما قصرو .. كفو و وفو ..

بس في ملاحظة مهمة .. اذا كنت ناوي تبدل زيت القير .. تأكد ان الزيت يكون Dexron IV ديكسرون 6 ... لأن الموديلات 2006 و فوق تستخدم هذا الزيت ..

لأن اللي منتشر بالسوق هو Dexron III ديكسرون 3 ... و هذا الزيت ممكن يتلف لك القير ..

و درب السلامة ان شالله ...

اهلا اخوي انا مهتم جدا من ناحية البنزين مااخلي السيارة تنزل عن الربع ابدا


ترا مايخرب الطرمبة الا انت تخليها على الE وهذا غلط كبير على الاقل تخليها للربع وحاول اذا جيت تعبيها عبها فل مب 10 ولا 15

وهذا الشي عن واقع تجربة جمس 1999 حق خويي

تشكر على المعلومة

اولا الله يجزاك لف خير

ثانيا فيه اشياء راحة عن بالي مثل الاستبنة والبطارية والتشحيم

ومن ناحية السير مغيرة ان شاء الله

البواجي اتوقع انها كل 100 الف والا انا غلطان؟ بس ابشيك عليها ابفك واحد ان كان رايح فيها ابغيره


وتشكر على الرد النموذجي

اخى العزيز موضوع الصيانة موضوع فى غاية الحساسية حاول الالتزام بالمواعيد وزيارة التوكيل وهم يعملوا فحض شامل ويدلوك على الاشياء المراد صيانتها وميعاد الصيانة التالى زى الدكتور كده حتى تحافظ على السيارة خصوصا مع السفر والشغل القاسى
لا تنسى تغغير الكاوتش فهو من اهم الاشياء
اخيرا رحلة سعيدة

تشكر كثير على ردك

وان شاء راح اغير الموية وشي ولا 100 ريال ميخالف وانا اللي بغيره مايحتاج لميكانيكي:ch19:

والكفرات جديدة ولله الحمد ومافيها اي تهريب للهواء

والله يخليك لاهلك

اخوي اسف نسيت اذكرلك موية اللديتر انك تغيرها وايضا لا تحاول تغير فلتر البنزين لانه مو زي القديم لانه من 2004 تقريبا الفلتر داخل التانكي ويتغير بعد حوالي 150000 الى 200000 حفاظا على طرمبة البنزين فلا تشيل همه .

حياك الله اخوي بما انك ستقوم بجولة في ربوع بلادنا العزيزة ويرافقك افراد عائلتك

فاولا اتمنى لكم ان تسافروا وتعودوا وانتم باحسن حال

اما بالنسبة للموتر فاقترح بعض النقاط اللي تساعدك على سفرك وانت مرتاح::

1- شيك على الكفرات والاستبنه وغير ما يحتاج تغيير
2- ترصيص الكفرات ((عن الرجه بالطريق)) والتشييك على الاذرعه والركب (( والوزن عن الحذفه وميلان الطارة))
3- التشييك على الزيوت (( مكينة - قير - دفرنس - فرامل - دركسون ))وتغيير ما يلزم تغييره بالاضافة الى تشحيم السيارة اذا بها مشاحم
4- التشييك على الرديتر من الخارج (( الطبات)) ومائه وغطائه والخراطيش وبلف الحرارة
5- التاكد من عمل كافة اضاءة السيارة (( انوار امامية - فرامل -اشارات..))
6- فحص كبيوتر شامل اذا تحس شي بموترك
7- التشييك على السيور والبكرات والشداد
8- التشيييك على المكيف ولياته وبرودته
9- التشييك على البطارية (( مهمة جدا ))
10- التاكد من عمل المسجل والراديو بكفائة (( ونسيك بالدرب))
11- التشييك على الفحمات والهوبات والقماشات
12- تغيير الفلاتراذا احتاج الامر (( فلتر هواء - زيت - بنزين ))
13- تغيير البواجي (( اذا مبطي مركبه ))

هذي غالب النقاط المهمة في السيارة وخاصة عند السفر

ولا تنسى التوكل على الله واخذ كم شريط وسيدي لمحاضرات وقراءات لسماعها بالطريق

من ناحية سيارتك ماشاء الله لا يضرك ولا يضرها

1/غير زيت مكينة مع الفلتر
2/غير زيت القير مع الفلتر في كتلوج الوكالة عندي كل 60 ألف أعتقد وجب تغيره
نصيحة لا تغير وجه الكرتير لأنه لو رحت الوكالة ما راح تلاقي مثل شد بلده نظفه واهتم دائما في تركيبه عندي 2005 من فضل الله ما قد غيرت زيت القير حقه لكن عندي 1991 من يوم شريته إلا الحين والوجه وجه شد بلده ولا لقيت مثله
3/ماء الرديتر لأنك بتروح أماكن أجوائها حاره الآن
4/الكفرات لا تتهاون فيها أبدا شيك عليها وإذا تحتاج تغير لا تغير إلا من أفضل نوعيه ومن الوكيل نفسه البناشر مضروبة.
5/دعاء السفر والله يحفظك أنت وأهلك ولا يريكم مكروه ويردكم دياركم سالمين غانمين


تحياتي لكم,,,

ههههههههههههههههه
لا عزيزي مويه الريديتر مو مهم تغيرها الا اذا شفت انها متسخه كثير

كلامك صحيح وهذا اللي بسويه ان شاء الله

وتراه بدون دبل دفرنس واحد بس



شباااب من ناحية موية الاديتر هل تحتاج للتغيير مع ان الحرارة سليمة ولا فيه اي مشاكل بس بما انها 60 الف
؟؟؟؟؟؟؟

عزيزي اذا ماسويت له صيانه 40 الف اجل تاكد قبل السفر انك تغير زيوت الموتر كلها من زيت المكينه الى زيت القير بوكس الى زيت الدفرنسات ولاتنسا زيت الدفرنسات حقت الدبل اذا كان موترك دفع رباعي
وتروح وترجع بالسلامه يالغالي

الله يعطيك العافية الجمس اللي معي مايشتغل الا في اوقات معينة مثل سفر عزيمة عرس بس
والا هو واقف بالحوش دايم مايتحرك الا للعائلة بس

ومن ناحية الصيانة اتوقع اخر مرة يوم تمشي 20 الف ومن بعدها سحبت عليهم خخ

من ناحية الهوبات والفحمات كلها جديدة مركبها بس زيت القير ماغيرته ابدا وعلى كلام واحد لازم كل 40 الف تغير الزيت


يعطيك العافية اخوي والله انك كفو

اجل شكلي ابغير الزيوت كلها مع الفلتر وفلتر الهواء وابشيك بعد على الفحمات والاذرعة والعضلات وكلش

واتوقع بعد على البواجي


ننتظر الاعضاء:xyxthumbs:

هلا والله براعين الكوابرس

الكفرات سليمة شاريها قبل سنة بالضبط من شركة قوود يير

البواجي ماغيرتها من الوكالة لكن كلام الوكالة كم يقول كيلو اغير البواجي ؟؟ ترا الكتلوج ضاع مني خخ

وفلتر البنزين هل اقدر انا اغيره يعني تراي ميكانيكي مبتدئ وفلتر الهواء عاد سهلة


تسلم