وش الفرق بين تاهو الجميح وتاهو العيسى ؟

على كذا بدور الارخص طال عمرك وباخذه

انا بشتري في شعبان أن شاء الله مع العروض

بالنسبه للالوان مابي الوان غامقة ... افكر بالفضي الجديد

وش رايك فيه ؟

ويعطيك العافيه تعبتك معي يالغالي

الضمان خمس سنوات أو ثلاث سنوات ضمان جنرال موتورز

الضمان يشمل العيوب المصنعية والصيانة الدورية

( في حالة السيارة بها عيب مصنعي او الصيانة الدورية كل 5 خمس الالف كيلو)

كل الوكلاء يقبلون ضمان جنرال موتورز بس يفضلون عميلهم على العميل من وكالة آخرى.

لما تشتري من الوكالة يخيرونك على الضمان وانت تختار لانة فيه زيادة بالسعر حول 1400 ريال تقريباً و المعارض ضمان 3 سنوات فقط او 60الف كيلو

يعني تسوي الصيانة لدى أي وكيل بالمملكة أو الخليج

في حالة وجود عيب مصنعي واعلان عنه تروح للوكيل وتصلحها عندهم .

كل 5 الالف كيلو لها تسعيره بالصيانة
( لانة صيانة وتشيك و تغير زيت وفلتر المكينة وتشيك على المكيف والزيوت القير والفرامل وموية الرديتر وموية المساحات ويشيك على الاضاءه والكهرباء للسيارة... والخ وقطع الغيار على حسابك وقيمة الصيانة بس

يالغالي الصيانة سمعت انها تصلح مع كل الوكالات

لان الصيانه لـ جنرال موتورز ماهو للجميح خاصة او للعيسى خاصة

هل هالكلام صحيح ؟

اما بالنسبه للاسعار ... قصدك كل 5000 الاف كيلو ياخذون 200 او 700 مثلا ً على حسب كم ماشيه السيارة ؟

هل هذا الشيء عند الجميح والعيسى ؟

او وش قصدك مافهمت بالضبط

لم يتم بعد الشراء .. بنظري السعر مبالغ فية جداً

نفس السيارة تم بيعها عام 2009 م 140 الف ريال واخر الموديل تم بيعها 130الف

عند الجميح .. ولا يفرق العيسى عنة الا 8 واقل

اذا تفكر بالصيانة ... العيسى خدمة كويسة بس لاتستغرب تدفع 500 ريالأ أو اكثر على صيانة 1000 كيلو او 5000 كيلو

اذا تفكر بالسعر الجميح اقل (( وعلى ترى الصيانة على حسابك وكل سيارة تقبل الصيانة لدى الوكيل الاخر بدون رسوم اضافية بس هم يعقدونك شوي))

ضمان خمس سنوات مفتوح الكيلو (( من المصنع وليس الوكيل )) بالمعارض 3 سنوات او 60.000 الف كيلو

اخاف يقول هذا سعرنا إذا لقيت ارخص خذه

رعبوب انت شريت ولالا ؟

لاني شفت مواضيع لك تدور على تاهو Z71

اسمحلي عالفضول بس ابي رايك

أخذ من العيسى ولا من الجميح

اذا انت معزم .. رح لأي وكيل وقل انا لقيته باقل منكم

http://www.assayyarat.com/forums/thread205682.html

وشف العرض بعدها .. وتدعي لي

اخوي رعبوب يعطيك العافيه

الاسعار اللي لقيتها

عند الجميح 166
وعند العيسى 168

هالكلام قبل اسبوعين

بس الشراء بيكون في شهر شعبان ان شاء الله يعني موب الحين

قدامي شهر اجمع معلومات عن افضل مواصفات وافضل وكالة

كلهم نفس المواصفات الجميح والعيسى بس مافية تبريد للمراتب للجميع في فئة Z71

سعر البيع في 165.400 ريال شامل ضمان خمس سنوات

يمكن يشلون الضمان ويخفضون السعر بس انت اضغط عليهم بالضمان
مع العلم الضمان بفلوسك انت مو بلاش بالصيانة

واللوحات والاستمارة والتأمين للسيارة ( ضد الغير فقط)

( انت حاول تضغط عليهم بالتخفيض ) اذا انت جازم بالشراء

واذا لك معرفة بأحد الوكالات .. خلة يجيب لك خصم مدير المبيعات أو بيع الشركات

( مثل شركة الفلاح ومعرض علي والخ ) تنقص في السعر 10.000 ريال

تزيد أو تنقص يطلع لك في بحر 155 - 150 الف ريال

الالوان المتوفرة : للجميح والعيسى ( فيراني .. فضي .. أبيض .. أسود ) فقط

وملاحظة على السيارة تغليفه بلاستيك مكتوب عليها :

( لازم تزال قبل تاريخ 3/5/2010م وآخرى بتاريخ 30/6/1010م )

لانها واصله للوكلاء من شهر يناير 2010م

العيسى يتميز بالصيانة الدورية ( ماتطول سيارتك عندهم ) (مخرج 5 ومخرج 25)

والجميح ( الناس مستـاه منة ّ) مع العلم فتح ورش صيانة جديدة .. بس معاملتهم معاك من غير نفس

ما أدري....لكن


اللي أعرفة أن الجميح أغلى سعر وأبيخ مواصفات وأبيخ صيانة بعد البيع

لكن العيسى أرخص سعر أفضل خدمات بعد البيع


ننتظر رأي المجربين....

لا أعلم بالضبط

ممكن يكون الفرق بسيط جدا بالاكسسوارات.

ياليت الشباب يفيدونك.