بسم الله
أمس مريت التوكيلات العالمية , وعطاني سعر 128500 على تاهو دبل 2010 وقالي هذا السعر النهائي ولازم تحجز ألحين علشان مابقى إلا سيارتين
قلت لا أستعجل خلني أمر الجميح اول , وأنا في طريقي للجميح كلمت قريبي وقالي تأكد إذا التوكيلات فيها كاميرا خلفية او لا , وطلع مافيها
مريت الجميح وأنا كنت مارهم من قبل , وقلت للموظف تراني مسعر المعارض والتوكيلات وحتى العيسى بالرياض وعارف الأسعار قال إن شاء الله بنعطيك سعر حلو
طبعا طلبت اللون الفضي , وقالي مو متوفر حاليا إلا وحدة محجوزة بس مو مدفوع عليها عربون , وقالي قبل لا أعطيك السعر خلني أتأكد نقدر نفك عنها الحجز او لا , وفعلا كلم الموظف إلي حاجزها وفك الحجز عنها
طبعا السعر الي أعطاني إياه 129950 ضمان 3 سنوات والتمديد لخمس سنوات أزيد 1400
حاولت معه إن السعر يشمل التمديد رفض
توكلت على الله وحجزتها
طبعا أنا حصلتها بالمعارض ب129 بس الوكالة أريح للبال
