السلام عليكم اخوي ..
عالبركة السيارة والله يعطيك خيرها يارب ويكفيك شرها ..
وانا صار لي فترة اتردد على الجبر للإستفسار ..
وقررت اني اتوكل واخذ وحدة ستاندرد لون أسود وعندي بعض الإستفسارات ,,
- هل في الستاندرد كمبيوتر تحكم في السيارة ( شاشة وسطية ) لها خصائص متعددة؟ لاني اشوف لونها غير عن اللي بالفل اوبشن؟ او هي نفسها ؟
- لون الطبلون ؟ هل هو نفس لون الفل اوبشن؟ او انه اخضر؟ لانك ماصورت السيارة داخلياً في الليل ..
- هل واجهتك اي مشكلة في السيارة؟ وهل سافرت في السيارة مثلا طريق اكثر من 200 كلم ؟ وواجهتك مشكلة فيها؟
- انا كلمت المندوب وقلت له ابي حساسات تتركب في الاستاند قال موجودة ويركبونها لك مقابل 350 ريال إضافية .. ؟ فهل اركبها من عندهم؟ وهل سئلتهم هالسؤال ؟ او تنصح اني اركبها من برا ؟ لان يقول ان من عندهم أفضل لانها راح تدخل مع ضمان السيارة ؟
- هل فكرت في تغيير جنوطها؟
- عرضها علي المعرض بـ 77,400 ريال الستاندرد مع الخصم وقبل الخصم قالي بـ 84 ألف .. واذا باخذها اقسط بتطلع علي بـ 81,000 ؟ هل تسوى السيارة هالمبلغ لانها عاجبتني جداً بس خوفي تطلع مو مريحة او شي من هذا .. بحكم تجربتك , رأيك ؟
- والله يوفقك دنيا واخرة .
وعليك السلام اخوي
والله اسمح لي ارد على اسئلتك بعد اكثر من شهر لأني كنت في السفر و توني شايف اسئلتك
الكمبيوتر موجود لكن الشاشة غير ملونة يعني مو مثل الفل اوبشن ، بس تطلع لك بيانات السيارة و كم ماشية و كم ساعة مستخدمة و كم باقي من البنزين و ...
الألوان الداخلية في اليل تكون الاضاءة داخل السيارة حمراء
لا الحمدلله ما واجهتني مشكلة معينة و سافرت بها من البحرين الى الخبر السعودية مرتين
اذا يركبون لها حساسات بـ 350 ريال ممتاز ، يعني الحساسات بس يطلع لك صوت انذار ؟
اشوف جنوطها حلوة بس ما ادري اشلون التكاليف لتغير الجنوط ما سألت عنها الصراحة !
