ماذا ..... نستفيد ؟

[da7aam]

السلام عليكم ورحمة الله وبركاته

من زمان وانا ودي انزل هذا الموضوع
ماذا ..... نستفيد؟

ماذا ..... نستفيد من تويوتا مغرز او عطلان؟
ماذا ..... نستفيد من شفر مغرز او عطلان؟
ماذا ..... نستفيد من فورد مغرز او عطلان؟
ماذا ..... نستفيد من نيسان مغرزاو عطلان؟
ماذا ..... نستفيد .................................؟
سواء ياباني او امريكي او كوري

معظم الردود فيها تعصب وعدم فائده
ومعظم الشباب يفكر ان عنده افضل سياره في العالم
ويحاول انه يقلل من شأن السيارات الباقيه
وترى الموضوع ما يستاهل

قبل لا تكتب الرد شوف هل من الممكن ان نستفيد من اخطاء الاخرين
عشان ما نقع في نفس المشكله

وميزه هذا المنتدى ان اسمه منتدى السيارات
وليس منتدى
تويوتا او شفر او جمس او نيسان او .........

ارجو من الجميع
قبل لا ترد
اسئل نفسك
ماذا ..... نستفيد؟




وتقبلوني بصدر رحب

[wellwell_32]

دائما القرد في عين امه غزال ..... يعني كل واحد يشوف اللي عنده ما في افضل منه


صحيح بعض الاخوان يرد و لا يفكر في مصلحت الشخص اللي طلب المشوره و كأنه مدير اعلامي لدى شركه معينه

[~ ســ ع ــــد ~]

تسلم لطرحك الموضوع اخوي وهالموضوع طال فيه النقاش لكن لاحياه لمن تنادي..
يجيك شخص في امان الله يسأل عن شي..الموضوع فجأه وبدون سابق انذار يصير عن قوة تطعيس ههههههههههه

والله فوجئت لما قال احد الاخوان لي..ان في عالم السيارات تعصب اشد من التعصب القبلي

والله الهادي

f i n e

[KhaledALZahrani]

وعليكم السلام ورحمة الله وبركاته

كلامك صحيح للأسف

فيه عينات لو نفتك منها في المنتدى هذا ..حنا بخير

اللي يبغى يقلل من قناعات الناس واختياراتهم لا لشيء...وإنما لأنها ماتوافق قناعته الشخصية

واللي يستهزئ بسيارات وشركات...فقط لأنها ماتعجبه

خل الناس يختارون اللي يعجبهم واختر اللي يعجبك

وبيض الله وجهك يادحام

[م.الحارثي]

حلوه هذي الحين انا مجرب عدة سيارات من حقي اعيب في الاي ابي ومن حقي امدح الاي ابي ولكن ((مو ملزوم تصدقني ولا انا ملزوم اصدقك ))
كل وحد يعبر عن وجهة نظر ونتناقش فيها بادله وبراهين وعن تجربه بس يجك وحد مثلا يكذبك او يطلع موضيع ضد شركه معينه كره لها ولا كره لوكيلها وعيب عليها ويحطها اقل واخس موديل وصناعه هذا اقوله وقف حدك واعلمه السبب والبراهين

[EXPLORE]

دائما القرد في عين امه غزال ..... يعني كل واحد يشوف اللي عنده ما في افضل منه


صحيح بعض الاخوان يرد و لا يفكر في مصلحت الشخص اللي طلب المشوره و كأنه مدير اعلامي لدى شركه معينه

[أنـــــس]

كلامك صحيح ..

مافيه سيارة في الدنيا ماتغرز ..!!

شكرا لك

[Abu Ghada]

صحيح ولو رجعنا لبعض تغاريز بعض السيارات ترجع للسائق وليس السبب السيارة أحنا نتكلم في التغاريز. لاكن الأعطال لازم الواحد يذكر من باب التجربه لكي يتفادى البعض الأخر من هذه الأعطال.