السلام عليكم نداء الى الفنيين والمختصين الكرام في الجربكس ان يتفضلوا وشكرا

السلام عليكم ورحمه الله وبركاته

عندي كم مشكله تختص بالجربكس ومالي الا الله ثم انتم يا اعضاء منتدى السيارات والفنيين والمختصيين الكرام

اولا بالسياره لينكون توين كار موديل 97 ليا فتره طويله ما غيرت زيت الجربكس وماشاءالله الزيت عياره ممتاز وما ينقص واعتقد اذا ما خاب ظني انه اللزوجه طيبه وكأني شايفه لونه احمر يعني ماشاءالله طيب ويبغالي اتأكد واردلكم .
المشكله هنا عندي زي الرجه او النفضه مثل كأنك تمشي على ( عيون البس ) وهذي تجي فقط بين سرعه 70 الى 100 بين هذي السرعات وتاخذ ثانيه على ثانيتن فقط واكثر شي تجي على سرعه 70 وملاحظه بشده وعند السرعات العاليه تلاحظ السياره كأنها فيها تفتفه مع اني مغير بواجي واسلاك بواجي وكل شي فيما يخص التفتفه
وبالنسبه اذا بغير الزيت كيف طريقه التغيير لأنه خايف اغيره وبعد اسبوع يخبط الجربكس هالمشكله معروفه اكيد عند المختصيين لأني كنت ماشي بالزيت فتره طويله واذا غيرته بالكامل اكيد راح يضرب فما ادري ايش الحل انا قلت ممكن افك الطنجره بالكامل وانظفها مع الفلتر واحط الزيت نفسه بالكامل او بقليل واوزد معاه زيت جديد شويه ولا وش رايكم ياليت تفيدوني ولا اخلي السياره زي ماهي افضل ... لكن اريد الحل لمشكلتي في الرجه والتفتفه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نجي للمشكله الثانيه وسياره لنكون نافيجوتر موديل 2002 عندي الجربكس بعد النمره الثانيه يطووول بس تحس الجربكس ناعم جدا لمن يغير يعني لو شخص عادي كان ما لاحظ طول النمره والسياره هذه مافيها عيار زيت جربكس ولوحظ تهريب من تحت عند زيت الجربكس وسؤالي هو هل المشكله تطويل النمره من نقص الزيت ام هناك أمر اخر بالجربكس طيب اذا قلنا السبب نقص الزيت لمن اغير الزيت نفس سؤال التوين كار كيف اغيره وخايف يضرب عليا لأنه واضح انه له فتره طووويله ما اتغير وانا اصلا مو خايف الا متأكد راح يضرب لو حطيت زيت جديد لأني مجرب وخوي عنده جمس سوبربان موديل 2008 مشى بزيت الجربكس طويل تقريبا 90 الف كيلو وبعدين غيره جديد بعد ثلاث ايام ضرب على طول لأنه من يوم غيره راح عليها جده - الرياض والعوده ولا اذا غيرته تكون رجله خفيف الرجاءالاجابه من المختصين الفنيين وجزاكم الله الف خير وشكرا