ممكن مساعده...

CINNABON @user_222449 · 10-05-2010

بسم الله الرحمن الرحيم

السلام عليكم ورحمة الله وبركاته

اخواني..

انا من زمااان وانا متابع لهذا المنتدى العظيم ولاخباره وحان الوقت اني اختار السيارة اللي ابيها وانا افكر بموستنج شيلبي 2007 او 08 او جي تي بس ابغا اعرف مواصفات الاثنين غير المعلومات عن المكينه .. ابغا اعرف كيف السيارة داخليا وخارجيا و انا حاط ببالي النوعيه اللي تجي عليها خط في النص وهذي اظنها تكون اساسي بالشيلبي واختياري بالجي تي ما عدا جي تي بريميوم وابغا اعرف اسعارهم ووين القاهم وهل الافضل اخذ امريكية ولا سعودي ؟

رجاء يا اخوان ساعدوني ..

واذا كان الموستنج ماهو زين فهل اخذ التشارجر RT ?

وشكرا ...

CINNABON @user_222449 صاحب الموضوع · 11-05-2010

^^

مشكور عالرد اخوي ..

وانا واحد عزابي وادور سيارة تميزني عن غيري التشارجر موجودة بكثرة في حارتنا بس ما ادري وش انواعها مع اني اعتقد انها SXT لكن ابي اعرف الـ SRT 8 او RT يفرقون بشي عن الـ SXT غير المكينة يعني داخليا وكم اسعارهم لو قلنا نبي 2007 او 08 ؟؟
بس ابي اعرف اي نوع فيهم اللي يجي فيه خط بالنص ؟؟

+
انا صراحه مرتاح للموستنج مع انه يمكن يضايقني شوي قسوة السيارة بس هيبتها تعوض عن هذا..^^

بس للحين محد قالي كم اسعار الشلبي والـ GT بريميوم ؟؟؟ طبعا امريكي

hayoulek @user_159061 · 11-05-2010

^^^^^^^

في المعتاد .. ما احب اقارن بين سيارة كوبيه وسيارة سيدان

والسبب لان كل وحده من فئة مستقلة وبعيده كل البعد عن بعض

ولكن طالما هذه رغبتك وهذه حيرتك .. فالامر راجعلك

انا شخصيا احب السيارات الكوبيه، لانها ذات طابع رياضي

لكن نظرا لما عانيته من سياراتين وكلها كانت كوبيه في بداية شبابي
صرفت النظر والفكر عن امتلاكها مستقبلا

وتوجهت للسيارات السيدان ذات الطابع الرياضي

من عيوب سيارات الكوبيه بدون استثناء
(( قطع الغيار اما انها غير متوفرة او اقل توفرا من السيدان + في المعتاد تكون اسعار قطع الغيار اكبر سعرا من السيدان + اذا فكرت في البيع يطيح سعرها بطريقة مفجعة + السيارة تنفع للعزاب اكثر وحتى العزابي ما يقدر يمشي اهله مزبوط: اما يكون عدد افراد العائلة كبير او كثرة المقاضي ما تكفي في السيارة + عادة تكون السيارة قاسية او اكثر قساوة من السيدان في المطبات + اذا جيت تسال عن السيارة وتاخذ اجابة صاحية سواء من مهندسين او ملاك ما تلقى اجابات شافية ، لانها غير منتشرة، وووو...))

يعني بعد الفلم هذا كله :: انا انصحك بالتشارجر RT لانها الافضل من جميع النواحي المذكورة سابقا

وترى كلامي هذا مو معناته ان الموستينج سيارة سيئة .. لا والله الموستيج سيارة جميلة وعملية للعزاااابي فقط، واذا ما كان يهمك ما ذكر اعلاه

هذه تجربتي الشخصية للسيارات الكوبيه والسيدان

CINNABON @user_222449 صاحب الموضوع · 11-05-2010

+

ابغا اعرف كيف وضع قطع الغيار ( توفرها + اسعارها )