محتار بين الأكسبدشن 2010XLT و التاهو 2010 LT

الله يجزاكم خير الجزاء يا شباب و ما قصرتوا والله .

تسلم حبيب ألبي أبو دانه

أنا أستغرب من اللي يسب أداء التاهو بالبر

أنا آخر تجربه له اليوم بالطعوس والله ما شاء الله أداء يبيض الوجه مع إن سيارتي جنط 20 ونسمت الكفرات لحد 25 ( يعني ما نسمت ) ولله الحمد أرقى الطعوس بكل حلاوه , لا ومسوي فزعات كل ما غرز أحد قبل ينزل من السيارة وأنا جايه ( تبغاني أسحبك :bigggrin:)

انصحك انا بالاكسبدشن افضل من ناحية الراحه والعزل الصوتي والسعه
بحكم انه خالي وعمي يملكونه وبالبر اداء لايعلى عليه

كلا ً يمدح سلعته
:bigggrin:
بس أهم شي أنا مع [ أبو ديالا ] في كل شي يقوله //
وأحب أضيف أنو التاهو أقل في الصرفية بحكم نظام السلندرات
وخصوصا ً في البر لأنو ماراح تمشي بسرعة عالية هذا الي يخلي السيارة
تمشي على 4 سلندر وبالطبع راح يكون توفير ، وكذلك الي يقول انو 2007 -2008
فيها مشاكل في القير والدبل أقول مهب كلها يعني صعب الحكم
على الموديلين بالكامل .
دمتم بود .

اخوي توكل على الله وخذ الاكسبدشن الكل يمدح فيه
وانشاء الله ماتندم

تقبل مروري

خذ الاكسبدشن تراه عملي اكثر ويتحمل لان التاهو 2007 و2008 صارفيهن مشاكل مصنعية بالقيروالدبل بس 2009 و2010غيرو القير الى6 غيارات وماسمعنا عن مشاكله بس اذا كانك راعي بر خذ الاكسبدشن لاني لاحظت بعض شباب القصيم حقين البر طاحو فيه من 2007ويمدحونه بس التكييف لك عليه ماهو زي التاهو وافضل لك استاجر السيارتين وجربن واستخر والله يوفقك لما يحبه ويرضاه

الاكسبديشن اخوي اريح بكثير من التاهو وبامكانك تجربهم من اقرب صديق ولا من عند الوكالات نفسها

وفي البر بطل لكن يحتاجلك تعرف تسايسه زين

ةفي الجر ماتحس باللي تسحبه انا ساحب عليه مايعادل 2 طن مسافة 120 كيلو بكل سلاسه وسرعتي تاصل الا 120 اهم شي يتعلق باللي انت بتسحبه ومدى جاهزيته للسحب


بالنسبه للتاهو الشباب ماقصروا وضحوا لك ومن وجهة نظري وعن تجربة تعتبر قاصرة جيد جدا لكنه لايرتقي للاكسبديشن

هذا واي استفسار في الاكسبديشن ابشر بسعدك

التاهو ثم التاهو
مبروك مقدما

التاهو روعه وبدبل جنان

أحترم وجهة نظرك بالإختيار بس عندي بعض التعليقات على مشاركتك .

وأنا لا أزال عند وجهة نظري إن السيارتين مثل بعضها ولا يستاهل إن الواحدي حتار بينها

أتمنى تقبل وجهة نظري بصدر رحب

توكل على الله وخذ الاكسبشن
تونا العائلة مطلعين اكسبديشن 2010 ايدي باور والآن ماشي 2000 كيلو متر
بعد تجربة واحيار بين السيارتين استخرنا واخذنا الاكسبدشن
مريح جدا في الطرق الطويلة ومقاعد واسعة وخاصة الخلفية التي تكفي ثلاثة ركاب بالغين براحة تامة ناهيك عن المقاعد الأمامية
من ناحية صرفية الوقود اقتصادي أكثر من التاهو بحكم سعة المحرك الأقل طبعا 5.4 لتر
لكن رغم سعته الأقل الا أنه يستطيع جر أربعة أطنان وثلاث مئة كيو جرام
الأمر الذي يعجز عن التاهو
في البر جربناه في الطعوس بدون تنسيم أدى أداء رائع جدا طبعا مع جنط مقاس 20 وضغط هواء 35
بالنسبة للهدوء الداخلي فهو الأفضل عن تجربة


أنصحك بالاستخارة وتجربة السيارتين قبل الشراء

أبوديالا هذي معلومه جديده تشكر على نصحك .. وماشاء الله عليك كثر ماستفدت منك

انا والله مدري عن الاكسبدشن بس من وجهة نظري الشخصيه شكله مو عاجبني ابد

وعن تجربتي للتاهوLT2010 أشوفها سياره مريحه وقويه وممتازه رغم ان السياره
توها جديده معي ( 16 يوم )
وان شاء الله يفيدونك اصحاب الخبرات الي جربوها فتره طويله اكثر ,, موفق ان شاء الله

إذا تهمك الراحة ووقع الإختيار على التاهو

فأنصحك تشتري جنط 17 وتبتعد عن الـ 20 لأنه بالحقيقه غير مريح بحكم كبر الجنوط

جنط الـ 20 يعطي السيارة منظر حلو لكن للأسف خرررررب سمعت هالسيارات بالراحه

مادامك قلت ابي الراحه اهم شي

عن كلام واحد من اخوياي معه دينالي فل واكسبديشن فل

الراحه لايعلى عليها بالاكسبديشن , مب تقليل بالدينالي بس انه اريح منه !

والمراتب اظن اوسع واللي متآكد منها المرتبه الثالثه تشيل 3 اشخاص بالغين

الله يوفقك ,

تآهو من نظري أفضل لأني جربته وعندي 3 أشخآص معهم تآهو وكلهم مآ أشتكو أبد مع العلم إنهم كلهم رآعين بر ووآحد منهم شغآل بـ أرآمكوا ويمشي به بعض الفترآت مشوآر يومي لآ يقل عن 200 إلى 300 كيلو من ضمنهآ 50 إلى 60 كيلو طريق صحرآوي والسيآرة إلى الآن ولله الحمد مآ أشتكى منهآ أبدًا ..

أتمنى أن يبآرك لك ربي باللي تختآر ويجعله الصوآب يآرب .. :)

تقبلني ..