300 ألــــف ريــــال هل لديـــــك الشجاعـــــه ان تغـــامر بــــها ..

اقول والله بس صقلك باللاند كروزر VXRفل اوبشن 290الف والله ولا احلى تقبل مروري

حبيبي لية تغامر 300000 الف اشتر لك جيب لكزس مستعمل 2008 2300000 الف اطلق انت تغمرك التجربة بس لا تتهور وتتحسف

لا تهمني الصيانه ابداً

تعرف ليش ؟؟

انا بشتريها بدون ضمان اول شي
ثانيا ابحث عن افضل مكان لصيانة السيارة
فمثلا معنا نحن ف سلطنة عمان مكان متخصص لغسيل السيارات وصيانتها اسم الشركة بريشن اعتقد
وسعرهم افضل من الوكالة ومتطورين اكثر من الوكالة حيث يتم سحب الايل عن طريق مكنسة كهربائية
ومرسدسات الوارد2007 يوديهم عندهم
ونحن السيارات الثلاث نوديها معهم

فلا تهتم بالوكيل والنيسان ليس اللماني والكل يعرف اصلاحة

فانت اشترري القطع من الوكالة وركبها بخارج الوكالة

موفق

^^^^^^^^^^
يااااخي لو انه في اكس ار كاان دفعت فيه 250 الف .. مع ان داخلية الباترول >> سيااحي << احلى منه



^^^^^^^^^^
كلااامكم يرفع الضغط

بس يعني 300 الف على باترول

سعر مبالغ فيه جدا جدا

وش خلوا للأنفنيتي

فيه دينالي 170 -210 الف

فيه الكاديلاك نفس السعر 300 الف

انا اقول توكل علا الله

وانشاء الله معاملته مع الباتول اح تتغير

الاخوان اللي يتكلمون عن نيسان ويحشون

حقيقة انا مستغرب ولا اكذبهم في نفس الوقت

جربت عدة سيارات من نيسان وانفنتي وما شاء الله كويسين مره معي

اعتقد ان جزء من الصيانة يعتمد على المالك ومحافظته على السيارة

معاد فيه ابو 300 هاذي فيئه نزلت عدد محدود وبيعت كلها
الحين افخم شي 240450 ريال سعودي واذا تبي اضافات كاميرات وشاشتين في الخلف تزود 7000 اشوف انه سعر مناسب

300 ويعذبك باسعار القطع .

باختصار شديد ،

سيارتي مكسيما 2010 فل كامل واول مرة اتعامل مع الحمراني نيسان وتمنيت ان ما شريت مكسيما ولا طبيت على وكالة نيسان

من عام 99 الى 2004 استخدمت فورد كروان فكتوريا 97 ( 5 سنوات )
من عام 2004 الى 2009 استخدمت سوناتا 2005 ( 6 سنوات )
من 11/2009 الى اليوم ( 7 شهور ) مكسيما 2010 وعانيت في ال7 شهور معاناة ما عانيتها في ال 11 سنة الماضية

يعني بكل اختصار ، انننننننننننننننننحشش عن نيسان وخذ كيا ، هونداي او تويوتا

يعني ادفع 300 ألف .. واقول والله معي باترول

ولا ادفع 300 الف .. واقول والله معي أودي

ولا ادفع 300 الف .. واقول والله معي بي ام

ولا ادفع 300 الف .. واقول والله معي لكزس


يارجل .. احس فشله اقول معي باترول ... لا واذا كملتها ابي اكشخ واقول ب300 الف حتى .. اخاف اترفس هه


لحد يزعل ولحد يعبرني ... لكن 300 الف .. لو الطبلون مطلي ذهب .. ماحطيته بـ ( باترول )

ادفعها اذا كنت مكوي على راسي...

المفروض تزود على الأستطلاع
لا أفكر أبدا بشراء باترول

والسبب 300 ألف سعر مبالغ به بشكل عجيب على سيارة من نيسان
من وجهة نظري أرى أنها لاتستحق هذا المبلغ الخيالي
ووضع هذا المبلغ لإشباع جشع التجار

شخصياً

أدفع 240 (قيمة أعلى فئة في الباترول) والباقي تجهيز للموتر

من عزبة وجنوط وكفرات .. :D

في السابق كان اللكزس الوحيد إلي يوفر لك أوف رود مع رفاهية

لكن الآن جاء الباترول (ومع إحترامي كبير لعشاق اللكزس)

وتغلب عليه من عدة نواحي

( السعر - الأداء - المواصفات - الجمع بين الراحة والقساوة في المدينة والبر - إلخ )

|1|

^^^
ولله اخ التيما
حسب مافهمت وسمعت انه الجيب فيه تقنيات لأول مره في العالم
وانا اتكلم عن نفسي مستعد ادفع هالمبلغ ليش
استفيد فخامه - اوف رود- طعوس بالاضافه للوسائل الترف الموجوده
هناك سيارات بنفس السعر واغلى ولا تمتلك هالامكانيات
اذا في هذه الحاله اشوف انو الباترول هو المستحق للاقتناء
تحياتي
:)

ما أدفع 300 الف في باترول وحتى لو وكيله جيد جداً.

أنـا اشوف بطل الدروب (الفئة الخاصة) يستحق أكثر من 300 الف .. ليش ؟

1. السيارات الأوروبيه ذات الدفع الرباعي (8) سنلدر .. أسعارها اعلى من 300 ألف !

ومع ذلك هي صغيرة الحجم مقارنة مع الباترول .. وصيانتها معقدة وتحتاج إلى شركة

متخصصة .. وقطع غيارها أغلى .. وأسعارها بعد الاستخدام تنزل إلى مستوى محرج

لأصحابها .. وليس لها شعبية في البلاد ذات البيئة الصحراوية .

2. الباترول قبل لا ينزل خضع لتجارب وتطوير لسنوات عدة كما أوضحت الشركة (لا أعلم

كم عدد السنوات) .. وتأخر نزولة كثيراً ، وهذا أمر إيجابي (كل تأخيرة فيها خيره) .

3. التصميم الخارجي ( إلي شافه على الطبيعه) مبهر جداً .. والديكور الداخلي منتهين من

أمره ولا يحتاج إلى تعليق .. كما أن عملية الأختيار مابين نظام السير على الرمال أو

نظام السير على الجبال أو الثلوج أو ..الخ شي ممتاز ولا يأتي إلا على السيارات ذات

الثمن الباهظ ( ليس من المعقول أن يأتي هذا النظام على سيارة ثمنها زهيد ) .

4. الباترول أبو 300 الف < إصدار محدود ولم يصنع أكثر من المحدود .. وهذا أمر بحد

ذاته يرفع من قيمة السيارة من أجل أعطاء التميز والخصوصية ، ولا ننسى أن هذهِ

هي السنة الأولى للباترول (الجديد كلياً) في السوق ، وهذا الأمر يعطي قيمة عالية

للسيارة إذا كانت ذو مواصفات عالية جداَ .

5. لو لم يكن السعر (300) الف مدروس .. لما تم حجز معظمها في الإمارات ، وسمعت أحد

الأعضاء يؤكد أن الفئة المحدودة بالسعودية تم حجزها بالكامل أكرر (سمعت ولم أتأكد) .


وفي النهاية السيارة لها شعبية (عالية جداً) لدى عشاقها .. وجهة نظري .. تقبل مروري .