همر H2 2010 استفسار (( ناوي اشتريه )) ياليت تعطوني نصيحة ^__^

ترى مكينته ومكينة الدينالي والاسكليد واحد

للي يقول ماهي زينه مافيه احد يصلحه

الله يوفقك ويكتب لك الي فيه الخير

أعلنت مجموعة جنرال موتورز انهيار صفقة بيع شركة سيارات همر التابعة لها إلى شركة شيخوان تنغتشونغ هيفي ماشينري الصينية، مبينة أنها ستبدأ عملية تصفية الشركة المتخصصة في إنتاج سيارات الدفع الرباعي.


ولم تفصح جنرال موتورز -التي تعد أكبر شركة سيارات أميركية- عن أسباب فشل الصفقة بعد شهور من الإعلان عنها.


وأعرب نائب رئيس جنرال موتورز للتخطيط جون سيمث عن الشعور بالإحباط بسبب انهيار الصفقة، وأشار إلى أن جنرال موتورز تعمل الآن مع عمال همر ووكلائها ومورديها لإنهاء نشاطها بطريقة منظمة ومسؤولة.


يشار إلى أن صحيفة فايننشال تايمز الأميركية قد ذكرت قبل يومين أن الحكومة الصينية رفضت صفقة همر وبررت ذلك باعتبار أن سيارات همر تستهلك الوقود بكميات كبيرة وهو ما يتعارض مع نهج الحكومة الصينية في الحفاظ على البيئة وخفض نسبة الانبعاث.


واتفقت جنرال موتورز مع تنغتشونغ في أكتوبر/ تشرين الأول الماضي على شراء همر لكن الجانبين أجلا موعد نقل الملكية بسبب عدم موافقة السلطات الصينية.

وتجدر الإشارة إلى أن تنغتشونغ متخصصة في صناعة آلات ثقيلة لقطاع البناء والبنى التحتية وقطاع الطاقة، وهو ما شكك في قدرتها على تحقيق النجاح في عالم السيارات.


وجاء قرار جنرال موتورز بيع همر في أعقاب الخسائر التي سجلتها وتراجع المبيعات بشكل كبير نظرا لمعدلات استهلاك الوقود العالية لهذه السيارات الكبيرة الحجم.


يشار إلى أن جنرال موتورز اضطرت أيضا لبيع ساب السويدية لشركة سبايكر الهولندية لصناعة السيارات الرياضية.

http://www.aljazeera.net/NR/exeres/A12C41FF-ECAF-4540-967E-54CC6BA96009.htm

دام الموتر معجبك خذه يكفيك انه من شركة جنرال موترز

والـh1 عسكري يعني انه قوي فوق اي واحد يتخيل

يا شباب اللي مايعرف ... لا يتفلسف

اللي استغرب منه من يقول مكينته ضعيفه؟؟!!

6.2 تنتج 393 حصان وقير 6 نمر...وتسارع مرضي جدا على وزن 3 طن !

ويقول مكينته ضعيفه !

لا تنسى صلاة الاستخارة والله يكتب لك اللي فيه الخير

بالتوفيق

لو فكرت بعقلك بتلاقي انه في سيارات افضل ومعروفة ومضمونه مثلا عندك ال vxr فل اوبشن

او الباترول الجديد

اخووي H1 وقف تصنيعه لانه عسكري
اما H2 خقق بصرااحه خاصه اللون الجديد
بس عيبه انه صيني يعني قطعه راح تكون استهلاكيه فووق اللزوم
بس لو انا مكانك 260 ااخذ الباترول الجديد خققق

ماخبرنا السيارات موضه وانا اخوك ، ويضل رأيك بالاول وبالأخير

وعلى فكره ، ترا فيه ورش تصلح الهمر وأحسن من الوكاله واذا انت ماتعرف هالشي خلك ساكت ابرك

أهل مكه ادرى بشعابها

وحنا معنا همرات ونعرف وين نصلحها :bigggrin:

السلام عليكم

انا من وجهة نظري ، إذا بشتري سياره ما أشاور الناس فيها ابدا ، لأن الكل بيعطيني رايه بشكل عاطفي الا من رحم ربي (وهذا نادر)

عموما ، الواحد قبل يشتري أي سياره ، يجاوب على ثلاث نقاط

ما اريد (انت تبي تشتري السيارة ليش ، وش هدفك يعني منها)
ما أحتاج (وش ابي المواصفات اللي تكون متوفره فيها)
الميزانية (فلوسك تناسب اختيارك للسيارة ولا لا)

وعلى ضوئها تستخير وربي بيكتب لك اللي فيه الخير


عموما ،
الـ H1 وقف تصنيعه وآخر موديل له 2006
والـ H2 وقف تصنيعه واخر موديل له 2009
الـ H3 مازال تحت التصنيع ولم يتوقف إنتاجه حتى أواسط عام 2011م إلا في حالة شراء الشركة في تلك الفترة

واللي يقول صيني وغيره ، ترا الأيدي العاملة صينيه (في حال شراء الماركة) وليس المقصد ان القطع صينية

واذا توقف إنتاجه (وهذا احتمال كبير وقد يكون صحيح) فإن الشركة ستستمر في صناعه قطع الغيار لـ 10 سنوات قادمة من آخر موديل تم إنتاجة

وبالنسبه للسعر المعروض بالوكالات هو 255 ألف ، وإذا جادلتهم شوي وفلوسك معك بتطلع بـ 240 الف ويمكن أكثر (حسب علمي إنه مافيه الا كم سيارة تنعد على الأصابع وبمدينة جده بعد هذا بالنسبة للـ H2)

ولك رساله على الخاص إذا أنت مهتم بالموضوع

والله يكتب لك اللي فيه الخير

السلام عليكم
اخوي سعره تقريبا حول 260 يزيد او ينقص شوي
انا اقول كانك مستعد تدفع كل هالمبلغ خذ لك سياره تستاهل اصرف لك من الهمر
الهمر مو حلو وموضه قديمه ومكينته مهي زينه وكثير خراباته ولا يتوفر ورشات كثيره تصلحه
انصحك بـرنج روفر او بورش او الكاديلاك الجديد srx

انا كمستخدم عادي وش يهمني اذا كان صيني ولا لا!! في النهايه اظن انه راح ينتج بنفس الجوده ..


عالعموم هو الى الان امريكي اصلي ..

وبغض النظر .. وعدت جي ام بتوفير قطع غيار للهمر لمده 10 سنواات قدااام :bigggrin:


اما الي يقول للهمر انه موضه وانتهت بالعكس اشوف انه الى الان سياره روعه وقويه وفخمه وجميله ورزه .. والدليل انتشار اشباه الاتش 2 .. مثل الاتش 3 والافجي كروزر والكوماندر والسيارات الصندوقيه .. ...


عالعموم لو انا محلك ماترددت فيه وعلى طوول اشتريه ..وهذا راييي
والل يكتب لك الي فيه الخير. .

حسب اللي اعرفه..
ان الشركة اوقفت انتاجها حتى تتبين من مصير شركة همر..
عموما..
الهمر سيارة ممتازة وعزمها عالي..لكن وزنها ثقيل ويبي لها حريف بي الرملة..
تقريبا نفس محرك الدينالي مع مميزات افضل لأداء الأوف روود..

الهمر شكله الخارجي حلو لاكن المحرك زفت .. وبعدين داخل المدينه صعب



انصحك بـ 3 سيارات رينج روفر .. رانجلر جييب .. بورش كاين ..


لا تبعد عن السيارات هذي مواصفاتها عاااليه و روووعه

الهمر اذكره كان موضه وانتهت خلاص

يعني لين 2005 والناس طايحه فيه بس بعدين ماعد احد يبيه

وأنا بعد سمعت كذا...يعني وش لك بالهمر شكل مسمـــــــــــوح...(سيارة اسعاف)

إذا تبي جيب شف لك رنج أصرف...