== قلة المواضيع عن المستوبيشي ==

جالنت 2006 كنت بابيعها واشتري يارس اخر مديل او كامري 2003

بس الحين بطلت وصارحتنا الجالنت قويه بس صار فيها شويت خرابات وكل ما اسال احد قالي بيعها على انها اطلق من الكامري بس الحين بطلت وباقي استنى شويت قطع اركبها وانتهينا

واما L 200 سيارة جيده كان عند الوالد واحد ما شاء الله اذا كنت بتيع لانه واقف ما منه فايده صح اما تبيعه وانت الحين تستخدمه لا خله معك

وش السياره الي معك أخوي ووش رايك بالـ L200 بصفه عامه وموديل 99 بصفه خاصه لآني مثلك متردد أبيعها والا أخليها

أشكر الجميع على المرور والردوا والمناقشات الراااااااااااائع
الله يعطيكم العافيه حمستموني لاني كنت بابيع سيارتي بس الحين بطلت

المستبيشي سياره عمليه جدا ويكفي وجودها في سباق الريلايات
بس عيبه التصميم والتجهيزات والموصفات البخيله وثانيا قطع الغير لا يوجد غير الاصلي
والسوق السعودي ما هو مقياس للسيارات لانه كل شىء يفشل برى ينجح عندنا مثلا الجمس الفورد هل يوجد مقارنه بين الاعتماديه بين اليوكن او السوبر مع الباجيرو؟
بنهاية اقول المستبيشي مظلوم في السعوديه ولكن مرغوب في كثير من الدول

انا مابزيد عن كلام خوي
ميتسو حلو سوقه فل عندنا فل الامارات بسبب وكيل لي عندنا ما شاء الله عليه موفر كل شي للشركه وحمد الله مانحاتي بشي
و كل مابتطلع بس بتاخذ لك لفه بتحصل لك سياره من ميتسو وها لي حاصل صراحه
وصح انه قطع غيار ميسوبيشي غاليه بس حمد الله بناحيتي انا ماعندي مشكله واهم شي انه
ركبت قطعه وانساها لانه معروف ميتسو ميه فل ميه وانا مجرب مره ركبت قطعه صار لي سنتين ولحد لحين مارديت اركبها مره ثانيه .
المهم سوال خوي لي كاتب موضوع انه قله اخبار ميتسو يمكن مشكله انه مافي كثير لي موجودين فل منتدى عندهم هاي سياره بس تعال وشرفنا فرابطه هناك بتشوفنا :xyxwave:

من وجهة نظري التصميم السيء يأخذ القسم الاكبر ثم قطع الغيار الغالية وتوفرها بمواصفات ستاندرد من قبل الوكيل.

والا الميتسو مايعلى عليها.

^^^^^^^
و الله لحد الحين الجيل الجديد من الجالانت ما طلعت فيه مشاكل

اللي يعيبها فقط انها صناعة امريكية

وشرايكم في galant 2010?

والله أني ما دخلت هالفسم الأ أدور أحد يتكلم عن المستوبيشي ومالقيت للأسف الا هالموضوع هذا بس

أنا لقيت لي L200 موديل 1999م مخزنه وأفكر أشتريها طبعا هي معي تقريبا من أسبوعين ومافيها مشاكل والحمد لله حرارتها طبيعيه وشيكت عليها من كل النواحي ومافيها شيء ولله الحمد

شرايكم يالربع أتوكل على الله وأخذها والا أتصرف وأبيعها وأعطي الرجال فلوسه

أبي أراء المجربين لها شرايهم فيها هل واجهتهم مشاكل معها

الدليل على أن الوكيل جاب العيد في السعودية هو أنه وقف أفضل سيارة من وجهة نظري

وهي الماجنا وخصوصا الماجنا الرياضي VR-X ( يالبيييييه :a1120(86): )

من أجمل وأقوى وأفضل السيارات وقفها في عام 2005 علشان يمشي الجالانت <- ليته

جايب الجالانت بمواصفات :a120(115):

الميتسو سوقه حلو في الإمارات

يعني اللانسر يا كثر ما تشوفها لدرجة جات فترة كانت ياخذونا تكاسي

والجالانت والماجنا سابقا

هذا غير جيوبها الي أصبحت منتشرة إنتشار مو طبيعي مثل الباجيرو والأوتلاندر والناتيفا

يعيب الميتسو شئ واحد في كل موديلاته التصميم الداخلي كئيب جدا

لدرجة خرجت مرة مع ربيعي وقمنا من الفراغ نلفلف بالوكالات وكان من ضمن الوكالات الي زرناها نيسان , هيونداي وكيا , ميتسوبيشي , مرسيدس

وفي كل وكالة كنا نشاهد العجائب ما عدا الميتسو الي أصبنا بخيبة أمل فيها بإستثناء بعض الموديلات كالباجيرو واللانسر EX والإيفو

مع ذلك برأي أشوف الميتسو كمواصفات ممتاز جدا ولا أخفيكم أنني أعتبرها من أكثر السيارات عملية

الصراحة تحتاج لتطوير بعض المحركات والجيور ... خاصة بعد التجربة الناجحة للانسر EX

أقصد أكثر محركاتها SOHC وهذا برأيي سبب من أسباب الفشل ،

مثلا الباجيرو سبورت . صحيح V6 3.5 لكن 190 حصان ، وقير 4 سرعات .
تخيلوا لو انه DOHC بنظام MIVC ، وقير CVT ست سرعات ؛ بيصير 290 حصان ، لا ودفع رباعي مستمر ... اش رأيكم بينجح ولا لا ؟

السلام عليكم ورحمة الله وبركاته...
من وجهة نظري ميتسوبيشي سيارة عملية 100%
وصراحة الوكالة في البحرين من احسن مايكون
و قطع الغيار متوفرة و باسعار معقولة

السيارة اعتمادية لأبعد حد
صناعة يابانية 100% و لا يعيبها شيء سوى الوكيل وكمية الطلب في السوق مما يجعل قيمة إعادة البيع متدنية

ياناس السيارة مايعيبها الا وكيلها في السعودية وبالنسبة لأسعار قطع الغيار غالية نوعاً ما لبعض القطع فقط وذلك بحكم انها صناعة يابانية وحتى قطع البلاستيك ياباني وعلى فكرة مو اغلى من الهوندا

أشكر الجميع على التواجد والردود الرائعه ..

لقلة مستخدمينهآ ~

في موآضيع عن آلبآجيرو وقليل عن آللآنسر ~