مررت بنفس تجربتك قبل 3 أعوام .. كنت محتارا بين الأكورد V6 ( الشكل السابق) و الأزيرا .. أخذت تست درايف للسيارتين في نفس الوقت والساعة. قررت عندها أن أشتري الأكورد بسبب جودتها وسلاسة قيادتها بينما الأزيرا كانت تعاني من الأصوات البلاستيكية داخل المقصورة وأيضا سلاستها أقل.
أنصحك أن تأخذ الأكورد فل كامل فهي فخمة ومترفة بالمزايا وشكلها ما زال جديدا. بينما الأزيرا تغيرت واجهيتها قليلا ولكن ستتغير كليا خلال سنة حسب توقعاتي، هذا إن لم تتوقف.
إن كانت ميزانيتك لا تسمح بالأكورد V6 الفل ، فكر في الفئة التي تليها ولا بأس بها أيضا.
الأكورد ببساطة قيمتها فيها + رياضية + فخمة + (((( يابانية)))
الأزيرا.. جميلة + محرك مرضي + فخمة + جودة مقبولة + تحتاج للمزيد من التطوير والقبول من الناس.
حبيبي الله يجزاك خير ويرزقك بالي تتمنى
وانا الحمدلله باذن الله ناوي على اكوورد بعد قناعة نفس ثم قناعتكم لي بالكلام عن الاكورررد
والازيرا يبيلها شوي تثبت جدارتها يعني اقل شي خمس سنوات
يعطيك العافيه على ردك الواضح مشكوور
شاكر لك
والله شوف يا أخي العزيز
انت بتدفع مبلغ جامد
الأزيرا ممكن تحصلها أقل من ال100
الأكورد مدري عن أسعاها لكن تقريبا ال6 سلندر فوق ال100
فأنا و من خلال اني أملك أزيرا و تصفحي في منتديات السيارات الكورية كثير
أغلب الأعضاء اللي معاهم أزيرا جديدة سواء 2009 أو 2010 يعانون من نتعة بسيطة في القير
و الله أنا ماني مستعد أدفع مبلغ 90000 في سيارة جديدة بعد فترة أحصل نتعة في القير
إذا كانت بسيطة ممكن أتقبلها
لكن أنا ايش اللي يضمني انها ما تجي مشاكل في القير بعد فترة
و لكن انت شوف و أسأل اللي معاهم أزيرات 2010 أو 2009 ممكن يفيدوك
واذا تقدر تجرب السيارة في الوكالة جربها
لأن ممكن ما تكوت نتعة لكن بعض الناس موسوس بزيادة
في نقطة ثانية بالنسبة لديكورات السيارة جودتها أشوف مو ذاك الزود
أنا أحيانا أرفع صوت المسجل عشان إزعاج الديكورات
و لكن بما اني ذكرت سلبيات الأزيرا فلازم أذكر أيجابياتها
رساوة + عزل صوتي + فخامة + عزم + مكيف بارد
بالنسبة لقطع الغيار
الفرامل الأمامية أنا مغيرها و سعرها 140 أو 160 ريال
و الخلفية ب 100 ريال
وصفاية البنزين قيمتها 70 ريال
طبعا هذه القطع مو من الوكالة و لكن من الموزعين المعتمدين
بالنسبة للهوندات ما أدري اذا في لها مشاكل ولا لا لأني غير متصفح لمنتديات هوندا
الأكورد الجديدة تأخذها تحط لها ليدات و زينون تطلع آخر حلاوة
و أنا على فكرة بالنسبة لي الليدات عندي أحلى و أفضل بكثير من حركة البي ام بالنسبة للأكورد
لكن لو أنا مكانك بأشوف لي الأوريون
جوواب مقنع وجميل .. وشي جميل انك ذكرت عيوب السيارهـ وايجابيتها
وطبعا {
لا يوجد سياره تخلو من العيوب }
وباذن الله تعالى راح اقتني اكوورد بحول لله وقوته
لكن { الاوريون} بعيد عن فكري تماما
بارك الله فيك وعلى مشاركتك ورائيك الطيب
