انا عندي هيونداي اكسنت 2001
قير عادي .. اشتريتها قبل 3 سنوات
السيارة ماعليها كلام خراباتها قليلة >>> لان ما فيها مواصفات اصلا ..
خدوووووومة الى ابعد حد ..
لكن في الفترة الاخيرة صارت لي فيها مشاكل
طبعا بحكم ان لها 10 سنوات في الشوارع وهي :
- يطلع صوت طقة مع قومة السيارة كأنه صوت عكوس..
- البوجي رقم 4 لازم اغيرة كل شهر لانه يكون غرقااان زيت .. ليش مدري ؟؟؟
- المكينة اغسلها وبعد اسبوعين القاها مليانة زيت متبخر ..
- الزيت ازود علبة كل 10 ايام .. هل هو تبويش .؟؟؟
- السيارة اذا مسكت بها خط توصل اخر شي 145 كم بس ولاتزيد نهائيا .
مع العلم ان السيارة ماتطلع دخان ازرق ولا اسود ولا غيره
ولا يظهر عليها علامات التبوييش !!!
ولا ترتفع حرارتها ولا شي الحمد لله
ومويتها ما تنقص الا بعد شهرين تنقص حاجة بسييييطة ..
ايش الحل ياشباب ؟؟
المكينة مبوشة والا لا ؟؟؟؟
للمعلومية : قد ارتفعت علي الحرارة قبل كذا
وراح علي راس المكينة ووضبته ب450 ريال مع شغل اليد
وخرطت الراس وغيرت له وجهين للراس واحد بلاستيك وواحد المنيوم
وبعدها السيارة مشت معي شهرين زي الحلاوة وبعدها
بدء معي التهريب والتبخير ..
وعلى فكرة صفاية البنزين وين مكانها ؟؟؟
تكفووون اللي عنده حل لها المشاكل يقووووول لي
انا رجالن ما عندي سالفة في هالامور ..
تكــــــــــــــفــــــــــــون ســـــــــــــاعــــــــــدوني
