ما الذي يميز ألتيما على الأكورد ؟

الفضي لون رائع لكن داخليته لونها غامق (قريب من الاسود) وكئيبه بصراحه اذا كانت بدون جلد وبعض الزوائد الفضيه حقت الفل كامل


بخصوص السيارات الي شفتهم ترى الفضي نوعها سبيشل يعني ستاندر مع اضافة جنوط وفتحة سقف

والثانيه الي قلت عليها ستاندر يعني اقل فئه

هل تعتقد السيارتين الي قلت عليها تستحق كل هذا المبلغ ...؟

خذ جوله على وكالة نيسان وشوف مواصفات الالتيما واطلب القيادة التجريبيه

وجرب الاكورد قيادة تجريبيه ....وشوف الي ترتاح لها من السيارتين :xyxwave:

السلام عليكم

[COLOR=#ff0000]أنا وجدت في الوكالة أكورد:
2009 - 4 سلندر - فتحة - جنوط - لون فضي فقط - السعر 81.000 ريال !
[COLOR=red]2010 - 4 سلندر - بدون فتحة - بدون جنوط - مكيف خلفي - اللون اللي أبيه - 85.000 ريال !
[/COLOR]

[/COLOR]فعلاً أخوي الموضوع يحتاج له قرار لأنه محير


بس اللي يقهرك في الموضوع أنك تزيد 3 آلاف تأخذ ألتيما فُل كامل (( أتوقع بكاميرا))

والمواصفات اللي يحتاج لها موضوع لحاله ..


أنا ما أنحيك عن قرارك لأني لو أني مكانك كنت راح أستخير ..


تحيه طيبه

ماشاء الله تبارك الله

الله يعطيك خيرها ويكفيك شرها مقدما

اشوف انك تصلي الاستخاره واللي ترتاحله اتوكل على الله وخذه

بالنسبه لي اذا اني مكانك اتوكل على الله واخذ اللي بفتحه وجنوط ...اهم شئ الفتحه لها منظر

ومبرووووووك مقدما

والله أنا يا جماعة بعد استشارة واستخارة أجد نفسي عند الأكورد مرهون !

[COLOR=Red]أنا وجدت في الوكالة أكورد:
[/COLOR][COLOR=Red]2009 - 4 سلندر - فتحة - جنوط - لون فضي فقط - السعر 81.000 ريال ![/COLOR]
[COLOR=Red] 2010 - 4 سلندر - بدون فتحة - بدون جنوط - مكيف خلفي - اللون اللي أبيه - 85.000 ريال !


رايكم آخذ اللون اللي أبيه ، ومكيف خلفي ، بدون فتحة وجنوط ،، بسعر أغلى ، وموديل 2010 ؟
ولا آخذ اللون الفضي بفتحة وجنوط ،، بسعر أقل ، وموديل2009 ؟
[/COLOR]

جودة الاكورد اذهلتني لم اتوقع سيارة يابانية بهذه الجودة العالية في المواد الداخلية

الالتيما ما افتيك لكن عندي تصور ان اغلب موادها بلاستيكية

تأكد من مواصفات السلامة إيرباقات و خلافه

انا اعيب ع الاكورد ان ما فيه إيرباقات جانبية إلا في الستة سلندر!!!

لو كانوا بنفس السعر والمواصفات اقولك خذ اكورد

لكن اكورد غاااااااااااااليه وسعرها مبالغ فيه

خذ التيما وتوكل على الله

تبي سيارة تعيش الأكورد و لا تفكر

أدفع تجد .. شكل رساوة موآصفآت بزيآدة الأسعآر

و اللهـ يوفقكـ

يا أخوي أنا أنصحك إنك تأخذ إلا يتيسر لك وأستخير الله أول شيء وصراحة الاكورد والألتيما كلها سيارت روعة وبالنسبة أخوي عنده ألتيما 2008 ما شاء الله قمة وعزلها ممتاز ورساوة في الطريق ما شاء الله وقومتها قوية
وبالنسبة للاكورد إذا تبغ اكورد لا تأخذ إلا ستة سلندر إذا أخذت أربعة بتندم خوي إشترى هوندا أكورد أربعة سلندر فل أوبشن ندم كورلا تطرحه وتسبقه لكن بالستة سلندر

روح اركب السيارتيـــــن وانت احكـــــــــــــم من ناحية الجودة لا تخــــــــــــــــــاف كل السيارتين جودتهم عالية ولا يهمك اللي يقول يتهربد و الله حتى الأكورد تتهربد من المطاب والحفر مع الزمن حتى اللكزس تهربد وأكبر دليل سيارة أخوي
فيها أصوات ديكور لكن هذا شيء عادي في ظل وجود الحفر وإذا انت منت فاضي تهدي عند كل حفره مثل حالتي وحالت معظم الشعب
يكفيك من الألتيما بس مسكــــة المقووووووود صدقني ما ودك تركه تحس انك ملك الطريق خخخخخخخ أتكلم عن جد

والله يا غالي انا ارشح التيما واجهيه جديدة 2010
دخول من غير مفتاح
نظام الصوت بووس
والخ


استخير الله
توكل

ولا راح تندم ان شاء الله

بس هي سيارة يبغالها دلع شويتين

عشان تدلعك 3 شويات:bigggrin:


:xyxthumbs:

^^^^^^^^^^^
سيم سيم
والي يقولك يتهربد قوله عندك التيما الجواب معروف لا والجير عليه
ضمان 10سنوات الظاهر ومتأكد شوي لاني سمعت ناس كثير تقول بس مدري
واذا انت من الشرقيه و تبي تشوف تعال وشوف على راحتك التيما
و2010لاتنسى فيها شاشه وكاميرا
الاكورد زين منهم 2010حاطين لك مكيف خلفي
اذا تبي تكشخ التيما واذا تبي تقاوم التيما واذا تبي مواصفات التيما
واذا واذا الخ
راعي المازدا لاتطوف الفراري بس 3.7المازدا وماتمشي مع التيما وابو6.0يمشي بعد200
ومبرك عليك السياره مقدما

والله ياحبيبي انا انصحك بالالتيما

رساوه عاليه + قير قوي وسلس +شكلك رياضي+ عزل جيد + داخليه جميله بالالوان البرتقاليه + كاميرا خلفيه + جوده + الخ.... والله اتعب اذا قلت مواصفات الالتيما خاصه 2010

الاكورد حلوه وشكلها رسمي + لايوجد مواصفات

عزل الاكورد مثل عزل الالتيما والجوده انا اشوف الاثنين مثل بعض

بالنسبه لي اشوف الالتيما افضل من الاكورد من نواحي كثيره <<< والله مو تعصب لكن هذي حقيقه سيارتي

السلام عليكم

اخوي إذا تبي سيارة تقعد معك وتخدمك ولك وللزمن وما تتعبك صيانة وورش وقلق :

خذ لك : الأكورد

انا عندي اكورد 2003 بتكمل ان شاء الله الأسبوع هذا (260,000 ) ما شاء الله تبارك الله !

وتقريباً كل اسبوعين ماسك خط رساوة وثبات

وخراباتها قليلة ونادرة .. اما بخصوص قطع الغيار فهذي واحدة من عيوبها غااالية ..!!

إذا انت مب راعي قومات وما شابه خذ لك الاكورد .. وصدقني سعرها فيها بتحس فيها بعدين

اما إذا كنت تبي السرعة والقومات فخذ لك الالتيما !!

طيب شوف الأوريون

جامعة ما بين مواصفات الألتيما ومتانة الأكورد

وفي نفس الوقت فيها من رياضية وقوة الألتيما وهيبة ورسمية الأكورد

وبنفس سعرهم وبوكيل أحسن وسعر إعادة بيع أفضل

الالتيما افضل من الكورد في المكينه والقير فقط والباقي لصالح الكورد

أنا أبصراحة كثير أسمع إن الأكورد تتفوق على الألتيما بـ(المتانة والجودة) فهي الأكثر عملية ؟

لكن هل فعلاً ؟

ثم بعدين هوندا يحتاجون يدلعون الأكورد شوي .. يعني صعب سيارة بهالشعبية وتوهم يحطون فيها حساسات ومكيف خلفي ، ولا بعد مو كل الفئات بس الفل اوبشن !

ابي اعطيك اياها من الاخير

الاكورد : رساوة وعزل وثبات ...

الالتيما: تقنيات ومواصفات وشكل رياضي وحق قومات


بعدين الي يقول جير الاكورد اربع نمر

وين جالس حبيبي

الاكورد 5 نمر وتعشيقاتها حلوة وسلسلة وناعمة

الاليتما جيرها حلو صراحة ورياضي وحق قومات

بخصوص العزل ترا متقارب يعني مو ذاق الفرق الشاسع

وقطع الغيار نفس الشي كلها غالية

وصراحة الاكورد افضل من عدة نواحي

انها سيارة جودة عالية جدا جدا ..وثبات عجيب في المعطفات والطرق السريعة

المواصفات بالعكس فيها

في الفل اوبشين مسجل 6 سيديات مع 6 سماعات ...Aux في التكاية

عداد شكل حلو ومييز

يمكن صحيح تتفوق الالتيما

في الحساسات و والتشغيل بالزر والجيرالتبرونيك ...لكن كلها اشياء عادية لا راحت ولا جات

الحساسات مو مهمة لذيك الدرجة التشغيل بزر ايضا مو مهم

اما الجير...اشوف انهم نفس الاداء يعني ما يفرق كثير

والدليل اننا نشوف مازدا 6 تقوم على الالتيما والمازدا جير اوتماتيك عادي


اما صراحة من ناحية الفخامة الاكورد افخم بمراحل من الخارج والداخل

الالتيما رياضية وحقت شباب

فاشوف اذا اخذت اكورد احسنلك شكل رايق واحلى

وبالنسبة للسعر الالتيما ارخص

لكن هذا ما يعني ان الاكورد سيئة بالعكس

مع ان سيارتي المازدا متفوقة على الاكورد في بعض الاشياء

لكن ماني متعصب للمازدا

يعني يا جماعة نتوكل على الله وألتيما !

لكن ما جاوبتوني عن ((((((( العزل )))))))) ؟

الألتيما افضل بالنسبة لي !! وعن موضوع الهربده ..!! هي على حسب الاستعمال

يعني تقاوم .. تاكل مطبات وانت مسرع .. مع كل لفة تسحب البريك .. اكيد السيارة ما تستمر معاك زي ما انت تبيها !!