فورد وكابرس

موضوع قديم


يغلق

أولا الفورد:
رأيي فيه هو التالي: سيارة عملية لحد ما . صرفية البنزن متوسطة بحكمها 8 سلندر. المحرك متناسب لحد ما مع الحجم. من الداخل ضيقة جدا مقارنة بالكابرس وخاصة المساحة للمقاعد الخلفية. العكوس الخلفية ضعيفة من موديل 2005 وانت طالع. المساحة مستغلة في الكبوت تقريبا ثلث مساحة السيارة تحصلها كبوت. وسائل الراحة لا يوجد أي وسيلة راحة الشي الوحيد اللي أضيف من موديل 98 حتى موديل 2008 هو تسخين المرايات الجانبية في الفل بس . القير سيء في الاستجابة إذا عشقتها في الريوس تاخذ حوال 5 ثواني ليتم نقلك إلى الريوس .وما راح أتكلم عن الشكل لأن الأخوان تكلمو عنه بما فيه الكفاية.

مرة طلعت على رصيف صغير يعتبر مواقف قد لا يتعدى ارتفاعة 5 سم ، بالكفر الخلفي الأيمن انعطف العكس الخلفي وصارت الفرامل تدف رجلي لما أدوس على الفرامل ـ أكرمكم الله ـ وديتها لورشة أعرف صاحبها وعنده عمال زينين والله قال هذا العكس ، قلت ايش الطلبات قال اكتب عندك
1 عكس خلفي 2 رمان بلي 3 زيت وقعد يعد لين كرهت نفسي:confused1: رحت لقطع الغيار وشريها بحدود 700 ريال وشغل اليد 300 ريال. كل هذا عن رصيف صغير.
هذي مساوء الفورد :a1120(121):

ثانيا الكابرس سيارتي الحالية:
قمة في الفخامة والرزة وسيارة رفاهية من الدرجة الأولى.
يعني لما تمسك خط مستحيل انك راح تمل أو حتى تقدر تنام. مميزات هائلة لو أعد من هنا لبكرة ما راح أقدر أكملها بس بأجيبلكم بعضها.
صرفية البنزين أقل من الفورد بكثير على الرغم من حجم مكينتها التي تساوي مكينة ونصف من مكينات الفورد. يتحكم القير بقوة وسرعة في القوة الهائلة الواردة من المكينة ويتميز بسرعة النقل إلى الريوس. تحتوي على 3 شاشات . وستة سي دي. المكيف أكثر من رائع بنظام الأتو. التشغيل عن بعد . أيام الحر أشغل السيارة من البيت وأطلع لها وهي زي الثلاجة مع وأيام الشتاء أحصلها زي الفرن مع تسخين المقاعد:smile:. التسارع فيها هائل عندي حوالي 7 ثواني فقط من الصفر إلى 100. حجم مكينتها ما تحصله زيه إلا في السيارات الرياضية 6.0ــ 6000 سي سي.

ومميزات كثيرة ما أقدر أعدها لك ويمكن حتى كتاب ماراح يكفيها

إذا كان في الكابرس عيب فالمميزات الأخرى تغطيها

والله لو جلست الفورد 100 سنة ما تجيب زي ذي المواصفات.

يا شباب ترا الموضوع يختلف من ناحية اين تنظر نظرا لاختلاف الوجهات اعتقد من واقع تجربه انا لدى والدي 3 سيارات امريكية (ماركيز 2008 أمريكي - تاهو 2009 سعودي - أكسبلورر 2006 سعودي) وسبق لنا أن استأجرنا كابرس2007 أو 2008 ماني ذاكر الشاهد... أنه من ناحية التقنية الكابرس افضل من الماركيز و من ناحية اكبر مساحة من الخلف الكابرس من ناحية الطول ولكن نجي للمركيز لا يوجد تقنية جديده سوى انه المكيف الكتروني و الطبلون فيه مربع اخضر لقراءة العداد و السرعه ولكن من ناحية راحة مركب اجد ان الماركيز اريح من الكابرس و لكن الكابرس اريح من غيره و من ناحية السرعه وقوة العزم بدون منافس (من واقع تجربه) الكابرس اقوى عزما و لكن فيه مشكلة انك اذا دعست السيارة من ورا تلعب و ما ادري هل هذا عيب ام ميزة اما الماركيز ما هي للأمور هذي هذي سيارة ركادة و طولة عمر ولا يعني ذلك ان الكابرس لا يعيش و لكن عدم الثقة في الشكل الجديد هو سبب التخوف من التجربة وهذي ثاني مرة تحدث للكابرس من يذكر عند نزول الصابونة كان الناس قالوا نفس الكلام الي ينقال الحين وبعد نزول موديلان اتجه الناس اليه و بكثرة و بعكس ما حدث مع الفورد عندما تغير للشكل الحالي اتجه اليه الناس تاركين الاشكال المغبرة التي تنم عن القدم و المشاكل .... وشكرا واتمنى منكم ان تحترموا وجهات النظر الي تصدر من الآخرين

قسما بالله كلامك مزبوط مية بالمية انا امتلكت الكابريس القديم 1989 وكنت اقول مافي سيارة مثلة وجاء 2002 وكنت محتاج سيارة جديدة وادور رحت لم الكابريس لكن الحمد لله ربي فكني منه وشريت فكتوريا والله انها تذكرني بزمان فات با89 الي الان 2010 وهي معي كملت 300000 كيلو قير مكينة دفرنس شد بلاده لو انها كابرس يخدم كذا والله ماضنتي.

اسمع مني

ماعمري عرفت احد الى يومك ذا الا وذم الكابرس

والله بتسببلك هم وغم ,, بتسير متوضف لجل تصرف عالسيارة

بس الكابرس محترم

مايخرب الا اذا نزل الراتب ..

اما الفورد .. لااله الا الله

والله اخوي كلامك صحيح ومافي اي خطأ وانا احترم وجهة نظرك ولكن لكل شخص وجهة نظر اخرى وانا عن نفسي املك فكتوريا وماكيز(مارودر سابقا) سيارات رياضيه بمعنى الكلمه وماشا الله كرف مابعده كرف ولكن اخوي نحن في عصر السرعه والتحديات بغض النظر عن نظام ساهر واحتكاره المفروض علينا ويبقى للكل ان يتمنى ان يمتلك سياره بالمواصفات التي يريدها وهذه ابسط التمنيات ومثل ماقلت اخوي المهم سياره تكفي مشاويرك بس مو تصرف عليها اكثر ماتصرف على نفسك (يعني لازم تكون السياره مريحه من جميع الجهات سرعه قوه راحه وفخامه بالمعقول :xyxthumbs: ) واظن هذي اهم شيء مو تاخذ سياره اسمحلي اخوي حدها 30 ولا قربعه من كل جهة ولا وسائل السلامه تكاد تكون منعدمه ولاتتعطل في الطريق لانعدام الصيانه:blue:

اخوي بالنسبه لموضوع 500 كم ب45 ريال هذا كلام غير صحيح بتاتا لان 200 كم تكلف 30 ريال فأكثر واذا بتدعس اكثر من 40 ريال وانا شهريا ادفع فوق ال300 ريال فحبيت اخوي اصحح لك المعلومه لانها 8 سليندر وماينفع تنزل عن الربع لتلافي مشاكل ميكانيكيه ماهي 4 سليندر زي الكورلا واليارس (تويوتا) ولا البروتون اللي تعبيها 5 ريال توديك وتجيبك مسافات...


بالنسبه اخوي لسرعه 214 لكابرس HSV وسائل السلامه فيها على اعلى مستوى ونظام كمبيوتر توجيهي خيالي وسرعه ماظن حتى ساهر يلحقها وداخليه وشكل خارجي متناسق لابعد الحدود وغير متوفره في المملكه بكثره. فعلا اول سياره تعجبني في الشفر ككل بعد الكمارو.

اخوي في النهايه تقبل تحياتي ولاتزعل من الكلام :xyxwave: ولك من خالص الشكر والتقدير
:ch19:
Marauder 2003

يا رجال اهم شي سياره حديد و تمشي على هواء وبس

السياره وسيله لا غايه اخي الكريم .. إيّاك ان تنظر للفخامه لانك ما راح تستفيد منها .. والسرعه ما راح تستفيد منها في الوقت الحاضر لانك تعرف ان نظام ساهر صاروا يطبقونه في كل منطقه و قريباً في كل مدينه .. يعني عصر السرعه راح .. وانا اتعجب من كلام الأخ اللي يقول في سياره اسمها [COLOR=red][COLOR=black]سوبر شارجر وتمشي 214 .. طيب مين هذا المتهور او بالأصح المجنون اللي يمشي 214 ؟؟ انت تمشي على هواء اخي الكريم واي شي يضرب الكفر فبتروح لحم مفروم .. في هذا الزمن الغلط كل الغلط ان الإنسان ينظر للسرعه والفخامه وكأن الشخص ما اشترى هالسياره الا لحب المظاهر بين الناس .. ومثل ما قلت السياره وسيله لا غايه .. ومد رجولك على قد لحافك .. انا عن نفسي احب السيارات اللي تغنيني عن سؤال الناس واهم شي توديني للعمل والمشاوير .. ومن خلال سؤالي لخبراء الفورد والذين اعرفهم معرفه شخصيه لا معرفه عن طريق الإنترنت يقولون ان الفورد ممتازه جدا جدا وسياره عمليه و تتحمل ومكيفها ممتاز وقطع غيارها رخيصه وصرفيتها للبنزين قليله واذكر واحد من الزملاء قالي بانه مشى مسافة 500 كيلو وقام بتعبئت البنزين بـ 45 ريالاً فقط .. مع العلم بأن سيارته فورد جراند ماركيز موديل 2004 .. اما عن الكابريس ما اعرف عنه شي .. ولكن انصحك بصلاة الإستخاره اولاً واخيراً وايّاك ثم إيّاك ان تنظر للفخامه والسرعه فقط ولا تخدعك المظاهر .. وتوكل على الله سبحانه .. وفقكم الله جميعاً يا اخوان .
[/COLOR][/COLOR]

كااااااااااااااااااااااااااااااااابرس وبس

نصيحتي خذ كابرس انا معي كابرس 2006 ال تي زد والله رزه وفخامه وسرعه وكل شي احسن من الي ماتغير شكلها من اتوقع التسعينات

تم التصويت للكابريس

ارجع مره اخرى اخواني واقول ان افضل مافي الشفر واللي فعلا تمنيته اللي هو الكابرس HSV سوبر شارجر لانه مره جذاب وشفت له مقطع على اليوتيو[COLOR=black]ب وصلت 214 كم/س في 14 ثانيه فقط [/COLOR]اما السيارات الاخرى من شفر ممتازه بس كله حسب ثقافه الشخص وتعامله مع كل سياره معامله خاصه عشان تعمر فتره اطول وماتكون الورش من نصيبها :confused1:

والفورد مثل مااتفضلو الشباب عطوكم كل مافيها من مزايا وعيوب وايضا الشفر

ورجائي لاأحد يضايق من اي كلام مكتوب لانه في الاخير تعبير عن رأي ولك حق الرد :xyxthumbs:

تحياتي لكل الزملاء
:ch19:
Marauder 2003

الكابرس افضل من قوة ورزه وشكل وراحة


والي يقول الكابرس ما يتحمل

اتحداك اي سيارة تكرفها ولا تخرب

كران فكتوريا افضل

عمليه

كلاسيك

وسيعه

قويه

وممتازه على الخطوط وحق السفر

تعمر اكثر

انا محتآار برضو بين السيارتين مع انـي آاعششق الكآابريس ..

لكن آانا طالب يعني مآاني بـقد الخراباات ,, لو انـي موظظف اخذ الكآابريس من دون مآاشاور احد ..

طبعن ليش قلت لو اني موظف لاان كلآم النآاس يخخوف عنها خربات و و و ..

مع ان اعرف نآاس مسستخدمه الكآابريس ولا اشتكت منوو واعرف شخص معاه

2006 ولااششتكي منوو ومآاحب الكآابريس الا بعدما اشتراهـ ..

ويدآاوم عليه يروح قريه 500 كيلوو اسبوعياً

,, ذحين بيشتري 2011 اذا نزل ..

وتججيك نآاس تذمه ذم تفججعك :( ..

وربــي ححيره ..

الكابرس للأسف ليست سيارة عملية وبها جودة والشواهد كثيرة ..

الفكتوريا يعيبها شكلها لم يتيغر منذ 98 لكن أرى بأن تاخذ قراند ماركيز فهو يجمع بين الجودة والشكل الرائع ونوعاً ما يعتبر حديث مقارنة بالفكتوريا ..

سياره عمليه وتتحمل

اسأل مجرب الاثنين وشوري لك
فورد

لاتفكر ولاتحتار غير الكابريس لاتختار !

صوتي راح للكابرس سيارة روعه وخصوصاً رويال تحفففه فنية

الفورد كنت اقدرة واحبه

بس خلاص سقيم انا اشتري 2010 بـ85 الف سياحي

ويجي جنبي واحد شاري مستعمل موديل 98 نفس الشكل وماتفرق اي شي وهو شاريه بـ20 الف !!!!

وشاكر لك اهتمامك

والله نصيحة مجرب والله العظيم ,,, ابعد عن الكابرس دامك

تقدر ,,, والله ان الفورد هو موتر العصر خالصة للطبقه ( الكوحيتي ):bigggrin:

قطعة ارخص بكثييير من الكابرس,,, هذا غير اللي بيظهر لك مع الوقت

والله اني انصحك من قلبي وابي لك الخير



احترامي لك