روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 3 من 3

الموضوع: نصيحة لجميع الأخوان لاتروحون عند أي ورشة الا اذا كانت معروفه بشغلها

  1. #1
    عضو الصورة الرمزية تاون كار2005
    تاريخ التسجيل
    13-02-2010
    المشاركات
    56
    معدل تقييم المستوى
    29

    نصيحة لجميع الأخوان لاتروحون عند أي ورشة الا اذا كانت معروفه بشغلها



    يا شباب نصيحتي لاتصلحون سياراتكم بأي ورشة تشوفها بوجهك

    وهذي من تجربة شخصية

    عندي التاون كار اول ماشتريتها استخدامها ماشيه معاي مثل العسل والله الحمد

    في يوم وانا جاي من الدوام صارت السيارة تقطع فوق سرعة 100 يعني وانا داعس
    على البنزين احصل ان السيارة تندفع وكأن شئ يمسكها وتندفع مره ثانية
    المهم انا على طول خفت يكون القير وديتها محل القيور والمحل مشهور عندنا بالشرقية
    وقالي لازم توضب القير طبعا كلمة توضيب عند هذي الورشة سهل
    تدرون ليه لأن نظامها يفك القير حق السيارة ويركب قير سيارة ثانية موضب وجاهز
    ولمن يوضبون قير سيارتي يركبونه على سيارة ثانية وكذا الدوامه
    أكيد مو مصدقيني
    "وديت سيارت الوالد سوبر محل التوضيب وركبوا بسيارة قير المهم لمن ابدل القير على D1 D2 D3
    مايبدل يعني حده D وD1 يعني شالوا قير سيارت الوالد القير السعودي وركبوا قير أمريكي
    لأن قيور الأمريكي مايبدل على D2 D3 المهم لمن رحت لهم قال لي السوداني صحيح
    وقالي هذا نظام الورشة علشان نمشي الزبون ومانعطله المهم تهاوشت معاه لمن جاب لي قير سعودي طبعا هذا الشئ يقهر لأن كانت مشكلة القير الي عند الوالد انه يفوت تفويت بسيط على الثالث اما القير الي ركبوه صار يحشر على الثاني والثالث يقوم القير ينتع يعني يعطي رفسه في اندفاع السيارة يعني حالت القير الي على سيارتنا قبل التوضيب كان مخبط تخبط جامد وقيرنا راح على سياره ثانية
    وهذا اعتبره غش "

    المهم نرجع لموضوع سيارتي لمن قالي نوضب القير تذكرتسالفتي معاهم
    والله لولا الحاجه ماكان جيتهم لأنهم يعتبرون أفضل محلات القيور ماادري على ايش

    المهم قلت بنفسي بودي السيارة عند واحد سعودي ما شاء الله عليه يعرف المشكلة من الوصف والصوت

    تتوقعون لمن جرب السيارة وش قالي قالي غير فلتر البنزين وغير البواجي وحط محلول تنظيف البخاخ في تانكي البنزين
    ونظف لي مجرى هواء الماكينه
    البواجي والفلتر ومحلول منظف البخاخ كلفني 120 ريال
    يعني الشغله كلها كلفتني 240 ريال مع شغل اليد

    والناتج صار الموتر مثل الوكالة واحس بعد صار عزم الموتر جامد
    لمن اوقف الموتر صافي ولا فيه اي رجفه او تقطيع

    و الأخ محل القيور يقول لي وضب القير ومثل ماقلت لكم هذي كلمه سهلة عنده
    علشان مايعور راسه في فحص السياره

    اتمنى انكم تنتبهون من هذي النقطه ولا تلجئون في حل المشكلة بالأشياء الكبيرة والمكلفه
    صدقوني اكثر خربات السيارة من اشياء بيسطه من حساس ولا كويل ولا بواجي
    ولا فيوزات لأن السيارات الجديده الحمد الله عليها نظام برودكشن على القطع الغالية الي فيها
    مثل سالفة الأرباق اذا جلس الراكب يشتغل واذا قام الراكب يفصل وهذا نظام حلو اذا صار حادث لسمح الله مايطلع ارباق الراكب لتقليل تكلفة التصليح

    واسف على الأطالة


    التعديل الأخير تم بواسطة تاون كار2005 ; 17-03-2010 الساعة 06:21 PM

  2. #2
    عضو نشط جدا الصورة الرمزية ls_2001
    تاريخ التسجيل
    05-07-2009
    المشاركات
    757
    معدل تقييم المستوى
    262

    رد: نصيحة لجميع الأخوان لاتروحون عند أي ورشة الا اذا كانت معروفه بشغلها

    بارك الله فيك .

    موضوع جميل اخوي ...

    واكثر المشاكل اولا واخيرا ً منك انت يالمستهلك ,,

    لانك من المفترض تعرف عن سيارتك ولو الشي البسيط ولا تسلم امرك للورشه على طوول

    __________________
    ونظامي اذا في السياره شي اعفس في السياره واطلع ولو بشي بسييط عن الخلل ..

    والخطوه اللي بعدها الف الصناعيه ورشه ورشه وشوف الاقرب للي وصلت له ,,,

    ويا فيه معلمه في ذي الورش يا شيخ ودك تاكلهم اكل

    _________

    نصيحتي للي بيروح للورش ,, لا يروح ل في الصباح فقط ,, وخاصه 8 الصباح

    تلقى لعامل توه مصحح والمخ نظيف وفيه حييل..

    اما في اعصر تلقاه تاعب من الشغل وصالخته الشمس ...

    _________________

    معليش على الاطاله بس عوايدي,,
    ____
    لك لتحيه

  3. #3
    عضو الصورة الرمزية قيس بن الملوح
    تاريخ التسجيل
    22-11-2008
    المشاركات
    73
    معدل تقييم المستوى
    32

    رد: نصيحة لجميع الأخوان لاتروحون عند أي ورشة الا اذا كانت معروفه بشغلها

    والله مهزله وهذا اللي انا اخاف منه اذا حطيت سيارتي في الورشه لاي سبب
    اخاف انهم يشلحون قطع من سيارتي ويركبون قطع مضروبه مثل القير او المكينه او اي شي يكون غالي واغلب الورش حراميه الا من رحم ربي

    والله انك طيب قسم بالله لو انا مكانك لاحط هالسوادني مكان القير

X