حسبي الله ونعم الوكيل عليك يالناغي !!!

والله بصراحه ماتدري من تثق فيه الوكاله والاالورش الي برا . لكن الله يعينك اخوي

أخوي الزياده اذا كانت بسيطه ان شاء الله مافيها ضرر على الموتر لان المكينه ممكن تتخلص من الزيت الزائد عن طريق التعرق مع وجه المكينه أو تتضرر صوفة المكينه اذا كانت الزياده كبيره
نفس المشكله صارت لواحد من الشباب هوندا 2009 الهندي اللي في البنشر يعاملها معاملة جمس قام الل....:mad1: وعباها 7علب زيت وانفقعت صوفة المكينه :a1120(82): لولا ستر الله كان خبطت لكن الحمد لله عدت الامور واقتصر الضرر على الصوفه وتم تغييرها والامور تمام

يا أخي الكريم ألزم ما عليك صحتك .. مثل ما قالوا الشباب الزيت الزايد أسحبه وإن شاء الله ما راح يأثر على المكينة وأن تضررت مستقبلاُ ما راح تتعدى إن شاء الله تغيير صوف فقط وبعد مدة طويلة إن شاء الله .. تخيل لو كان نقص زيت لا سمح الله الضرر بيكون أكبر بحيث تتآكل البساتم بشكل أسرع وينقص من عمر المكينة .. وعوافي إن شاء الله

الله يهديك بس لو الموضوع متعبك الى هذا الحد نزل الزيت شوي و السلام

لو فحصت الزيت مرة ثانيه على ارض مستويه بتلاقيه صحيح وزيادة سم ماتسوي مشكله ولا تحتاج كل هذا العتب و التعب و الزيت الي شفته على البواجي قد يكون مسكوب من راس الماكينه عند وضع الزيت الجديد
لاتقلق بالمره

المشكله انها تعد من السيارات اللي المفروض يهتم فيها الوكيل لانها سياره فارهه
لاكن ما عندك احد يحميك يا المستهلك للاسف :mad1:

نصيحة اخ ارجع الوكالة عشان يشوفوا الي الموضوع مو بالسهولة الي تتصورها

مااقولك الموضوع يوصل للتوضيب لا سمح الله لكن في صوف ووجيه للمحرك تحتاج تغيير

والافضل تروح لمدير الصيانة وتوضح له الموضوع وصدقني مايضيع حقك وراح يصلحوا

المشكلة ....

لو قلت الزيت ناقص علبه اقولك مو مشكله 500 كيلو ماتضر ...لكن الزياده دائما تاثيرها سلبي

اخوي بخصوص الزيادة ان شاء الله ما فيها ضرر لأن الزيت الزائد راح يبحث له عن مخرج يا من غرف الاحتراق او وجية وصوف المكينة وان شاء الله احترق الزيت الزائد وانت عليك الان شفط الزيت الزائد ومعايرة الزيت مرة من كل اسبوع واذا كان هناك اي نقص زائد للزيت فهو بأغلب الاحيان من صوفة المكينة الخلفية او الامامية وتقدر تعرف ذلك من مكان تواجد الزيت المتسرب فأذا كان التهريب من خلف المكينه فهو من الصوفة الخلفية واذا كان من امام المكينة فهو من الصوفة الامامية0 وان شاء الله انها سليمة
واذا كانت عندك اي تفتفه في السيارة فهو من الزيت الزائد اضر بالبواجي وتحتاج تغير البواجي اذا فيه تفتفه 0 بالتوفيق

مـــدري وش أقول لك بصراحة

لكن الموضوع مو بسيط ممكن يسبب لك خلل في البساتم

وكــل الله وارجع لهم وبين خطاهم ولا تطلع الا وانت راضي كمال الرضى عن السيارة

وسوي فحص شامل للمكينة و خذ منهم أثبات على خطئهم هذا اذا قدرت

وانصحك تستشير احد من معارفك من وزارة التجارة بخصوص أي اثبات على هالمشكلة

ممكن مستقبلا تصير عندك مشاكل بسبب هالغلط فيكون حقك محفوظ بالاوراق وتاخذة من عيونهم وانت تضحك

[COLOR=black]أما بخصوص رد الشباب ان الزيادة مو مثل النقص فانا أقولهم النقص أهون بكثييييييييييير من الزيادة [/COLOR]


بخصوص شبهة تهريب الزيت تراها ماكينة مو جرة فول

تأكد منة بالغالب يكون مجرد بخار

وأن شاء الله حقك ما يروح ياولد العم

هدي هدي




ما في مشكل

ما اضن اخوي في تهريب لصوفه ابدا والزياده مو ذيك المشكله المشكله التنقيص هي الا تاثر اكثر رووح لقرب بنشري يسويلك شفط وانتهت مشكلتك لاتوسوس وانا خوك السيارات كلها تاليتها تقدم وتنتهي ويجي غيرها اليوم تحافظ بكره تبيع وتشتري غيره اهم شي راحت البال وانا اعرف ايش قدر انت متضايق قد مريت بهالمشكله