ابي رايكم بسيارهـ للسواق محتار بين سيارتين

[Halz]

هلا وغلا


شخباركم ؟.؟.؟.؟.؟.؟.





ودنا نشتري سيارهـ للسواق ومحتارين بين سيارتين


1ــ فورد اكسبلوور 2008 حصلنا مستعلمه راعيها امريكي بالرياض ماشية 35 ونظيفة


2ــ شفرولية ترافيس طبعا ما حصلنا الا جديد



ومعروف السواقين الحلال موب حلالهم ما يحفظوون ع السيارت زين

والله يعطيكم الف عافية

[hayoulek]

السيد Halz الله يحييك

انت قلتها بنفسك السواقين!! وفعلا السواقين ماشين على مقولة ((جلد مو جلدك جره على الشوك))
والله ماهمهم غير استلام راتبهم وبس، اما غير كذا لاتاخذ منهم شيء

والمشكلة لو جات على السواق لوحده ما فكرت في نوع السيارة اللي بيركبها
لكن الموضوع الاهم مين بيركب مع السواق؟ أكيد انت او اهلك .. ومن حقهم يركبوا سيارة جديدة وفخمة وحلوة

*الموضوع يرجعلك يا اخوي بس انا اشوف انه سواق حرام تعطيه سيارة يكون سعرها فوق 100ألف
وسواق يفترض تكون سيارة عملية وقطع غيار رخيصة

فإما انك تشوف سيارة اكثر عملية من هذول الاثنين
أو اذا مصر عليهم خذ الفورد معروف انه عملي ولكن ترافيس عشان جديد صعب تلقى جواب اذا عملي او لأ

هذا من وجهة نظري .. وتحياتي لك

[Halz]

يعطيك الف عافية اخووي Hayoulek


طيب رايك في سيارة عملية وحلوووهـ وقطع غيار رخيصة وش هي؟

[Marquis lover]

بدون تفكير الاكسبلور 2008 ومع امريكي ومواصفات سعودية وماشي 35 بس وتفكر يااخوي ؟

[DENZEL]

كراون فكتوريا مستعمل .. او جديد على حسب ميزانيتك . (( اذا كانت عائلتك الكريمة كبيرة وماتكفيهم الفكتوريا فـ الاكسبلور خيار مناسب ))


بالتوفيق اخوي

[أبو ديـــــالا]

طيب ليش ما تختار سيارة عائلية بحته

مثل الكيا كارفان ومن هي على شاكلتها لأني أشوف إنها أفضل للعائلة من ناحية الركوب والجلوس وخصوصا باب السحب

[Halz]

كراون فكتوريا مستعمل .. او جديد على حسب ميزانيتك . (( اذا كانت عائلتك الكريمة كبيرة وماتكفيهم الفكتوريا فـ الاكسبلور خيار مناسب ))


بالتوفيق اخوي

والله مفكير فيها بس العائلة ما تكفينا كروان فكتوريا

[Halz]

طيب ليش ما تختار سيارة عائلية بحته

مثل الكيا كارفان ومن هي على شاكلتها لأني أشوف إنها أفضل للعائلة من ناحية الركوب والجلوس وخصوصا باب السحب

كان معنا فان هونداي بس مو مريحه مرررهـ


نبي شي مريح وخصوصا السواق 24 ساعه يدودينا اشغالنا


حنا نبي شركة قوووية بسووق مثل فورد وشفرولية