السلام عليكم ورحمة الله وبركاته
مساكم الله بالخير
كالعاده اذا صار اي خراب قبل ما اتهور واروح لاي ورشة اجي اشوف وش رايكم انتوا : (
لان الاتراك والبنقاله و اليمنه والمصاريه ذممهم وسيعه :bigggrin:
فأهل البلد اولى بالمعروف
اخواني الكابرس الله يهديها كل ما دلعتها كل ما اكلت من جيبي
ولكن العشق وما يسوي .. والله انعرضت عليه فوردات و كوامري بس القلب وما يهوى :blue:
المهم ما لكم في الطويله
قبل امس رحت للبنشر و حطيت السياره وقلت له لا تخلي فيها مويه ولا زيت ما تغيرها
المهم العامل ما قصر غير لي زيت المكينه وزيت الدركسون وزيت الفرامل وباقي زيت الجربكس المهم العامل قال زيت الجربكس يبغى له تغيير بس الصدق انا ما اعرف له لانه لازم تغير الفلتر بعد
فقلت بخليها بعدين بعد كذا رحت غيرت الاقمشه الاماميه والخلفيه للسياره و كل شي مضبوط
وبعدها انحرقت الشمعه من حالها وغيرتها على السريع << احس اني اقول قصة حياتي :rolleyes1:
المهم رحت وقفتها عند البيت فاليوم الثاني جيت اشغلها
جلست خمس دقايق بالضبط الا طلع لي تحذير وقسم بالله حسيت ان السياره بتنفجر :bigggrin:
والتحذير يقول Service vehicle soon (SVS)
المهم طفيت السياره ورجعت شغلتها ونفس التحذير فمشيت فيها وراحت العلامه واذا وقفت يرجع التحذير ومعاه صوت يقلب الراس وعلى هالحال طول الليل
فصلت البطاريه وشبكتها ونفس الكلام حاولت احذف العلامه بعد ما ادق السلف بس ما رضيت تطلع لي
رحت مسكت خط وشديت عليها ونفس الحكايه ففيه ناس يقولون حساس الزيت وفيه ناس يقولون من زيت الجربكس وفيه وفيه وفيه .... ولكن الله يصبرني : (
المهم انا متأكد ان المشكله بسيطه فما ابي اوديها الوكاله لانهم بيلطخوني بين عيوني
فأذا المشكله تكلف 200 ريال بياخذون مني 15000 ريال :bigggrin:
اعرفهم تربية ايديني ما خلاني افلس الا الجميح
فالله يرحم والديكم اللي عنده خلفيه بسيطه يساعدني والله يجزاه الف خير
و على طريقكم ترا اللي يبي كابريس انا حاضر وبعنف
اللون فضي
البودي اتحداك واراهنك اذا فيه نص صدمه
والسياره على يدي وكاله و استخدامي ولله الحمد نظيف جداً
السياره ماشيه 150340 كيلو بالضبط
فحصتها كمبيوتر قبل شهر ونص ولله الحمد سليمه ومافيها اي شي يعيبها
ابي سومتكم حتى لو ما بتشترون بس ابي اعرف في حدود كم لو ابي ابيعها
وما شاء الله تبارك الله : )
جعل اعماركم طويله رديتوا ولا ما رديتوا واعذروني طولت عليكم :smile:
