السلام عليكم ورحمة الله وبركاته
ناتيفا
بصراحه هذا الجيب استهواني كثيرااا بسبب صلابته ومتانة القاعده ونظام التعليق
وكنت اتمنى اني امتلك واحد مثله
طبعااا الحمد لله لقيت واحد موديله 2008 لونه ابيض ورفارف ذهبي وماشي 45 الف
وسعره 55 الف .... يوم فكيت الباب حقه الا ريحة الوكاله باقي فيه .... طبعاااا انا دخلت ودورت في النت على اي معلومات عنه
وكان اغلب عيوبه اللي تكلمو عنها الناس :
الشكل من الداخل والخارج
وضعف المحرك .... واسعار القطع
وطبعاا عطيتهم عربون وجربت الجيب وطلعت على الخط وانا مشغل المكيف ومشيت لغايه 160 كم وكان ثقيل بالمكيف بس بدون المكيف ممتاز ويعجبك واهم شي انه هادي اذا استوى على الخط
طبعاا انا مايهمني لا شكل ولا سرعه لان شكله عندي مقبول واحس انه شكل السياره يوحي بالخشونه اكثر
وجربته على النفود وكان ادائه مقنع بالنسبه لحجمه وقوة مكينته
اللي انا ابغى اطمئن فيه ياشباب وابغاكم تفيدوني بكل امانه :
1- هل يستهلك قطع غيار وراعي خرابات ..؟
2- هل يتحمل المسافات الطويله فوق 1000 كم متر ؟؟ وبسرعه عاليه 160 مثلا
3- هل اقدر اشبك الدبل اثناء المسير زي تويوتا ..؟؟؟
4- هل السعر معقول 55 الف ..؟؟
وياشباب انا عربنت فيه بـ 2000 ريال الى الان
مع اني دورت تويوتا وما لقيت شي نظيف يستاهل احط فيه المبلغ ذا الا من الانواع القديمه اللي انكرفت لين داخت
طبعا اللي حفزني على الشراء .... انه ياباني 100% وموديله قريب وما مشى واجد واعتبره شبه جديد وما قريت عنه من كلام انه خدوووم
المهم انا طولت عليكم
واتمنى اني القى اجوبه مقنعه بعيداا عن التحيز لاي شركه حتى مستبيشي نفسها
اخوكم
القطيي
