بسم الله الرحمن الرحيم
مساء / صباح الخير للجميع
عندي استفسار الله لا يهينكم
شريت لي سيارة تاهو LT اليوم (الله يعطيني من خيرها ويكفيني شرها)
ومثل ما انتوا خابرين
مقاس الجنوط 17
وأنا ناوي أغيرها لـ 20
سؤالي لكم
وش المناسب للكفرات، هل هو القود يير أو بيرللي أو نوع غير هذي النوعين
وفي أي محل أغير فيه
يكون شغله نظيف وراعي ذمة
على فكرة
كنت في الغرابي، طبعاً جالس أسأل عن الجنوط المطفية واللماع
الكثيرين من أصحاب المحلات قالوا لي خلك على المطفي
لأن اللماع ممكن مع الوقت يشهب
ولأن المطفي هو نفس الـ LTZ يعني مثل الوكالة
هذا واحد
ثانياً
قالي أحد أصحاب المحلات ان نوع القود يير الحالي هو مستورد من دبي
المشكلة ان أصحاب المحلات راح يعطونك ضمان على الكفرات
لكن الوكيل ما راح يضمن لك أي عطل لا سمح الله
مثل لو حبب الكفر أو اسنلخ
:c0214:
قلت له ليه؟ قال: لأن نوعية الكفرات تعتبر مقلدة
والوكيل ما يضمن لك إلا حاجة من استيراده
وقال لي ممكن تجي دفعة بعد كم يوم من الوكيل نفسه
يعني مسألة وقت من يومين إلى اسبوعين تقريباً
وقال لي انصحك بنوع Mastercraft
وش رايكم يا جماعة الخير
أبي رايكم بأسرع وقت ممكن
لأن بكرة إن شاء الله راح أغير الكفرات
موفقين للخير يا حلوين
تحيتــي للجمع،،،
.
