السلام عليكم ورحمة الله وبركاته ...
كيف حال الشباب طيبين ؟؟!
أول شي وقبل ما أبدأ الموضوع أحب أبدأ بهاذي الدعوة ::
(( اللهم لك الحمد حمداً كثيراً طيباً مباركاً فيه ))
اللهم لا إعتراض على القضاء و القدر والحمدلله على كل حال
يعلم الله إني أنسان أرضى بقضاء الله وقدره في كل الأحوال ...
---------------
ندخل في الموضوع الآن :: >> بدري
بصراحة الموضوع متشعب شوي فأنا راح أحاول أجمع خيوطه لأني
أنا نفسي ملخبط على الأخير ومشتت البال !!!
أملك سيارة سوناتا 2010 ماشية حاليا 4200 كم تقريباً ولله الحمد
لم أواجه أي مشاكل تذكر تقريباً .. >> ماشاء الله تبارك الرحمن
ومن يوم ما طلعت السيارة من الوكالة أثناء تشغيلي للمكيف ما
تعديت مستوى 2 في المروحة أبداً وذلك لسببين أول شي مكيف
السوناتا بشكل عام بارد ماشاء الله والثاني إن صوت المروحة على 3
مزعج شويتين المهم اليوم خرجت من الدوام وأخذت معاي واحد من
الزملاء أوصله في طريقي والجو اليوم كان حار في جده عشان كذا
شغلت المكيف على الدرجة 3 لأول مره منذ شرائي للسيارة ومشيت
الأمور تمام والتكييف طبيعي جداً ودفع الهواء كذلك والحمدلله لين ما
جات بداية المشكلة لما وقفت في إشارة مزحومة كثير ( تقاطع
طريق الأمير ماجد مع طريق النزهة ) بدأت أتباطأ بشكل طبيعي
و وقفت بشكل كامل وعشقت من الـ D للـ N وفجأة حسيت إن دفع
الهواء خف !!!
تعاوذت من إبليس وسألت صديقي إللي جنبي يا عبدالرحمن إنت
حسيت باللي أنا حسيت فيه ؟؟؟ رد علي : بصراحة إي حسيت !!
المهم وتفتح الإشارة وبمجرد ما اعشق على الـ D عشان أمشي
إلا يرجع دفع الهواء لوضعه الطبيعي وأنا قلت الحمدلله شكله خلل
بسيط وراح وطبعا الإشارة من الزحمة حمرت علينا ونوقف مره ثاني
ونفس الشي يوم ضغطت فرامل وفضيت القير على N خف دفع الهوا
بشكل ملحوظ وبعدين خضرت الإشارة ومشيت ورجع دفع الهوا مثل
أول طبيعي ,,,
أنا بصراحة وجهي تطربق على الأخير وعلى طول سألت صديقي
وراك شي ؟؟ قالي لأ ... قلته أجل يلا معاي على الوكالة والله لأقلبها
اليوم على الناغي ... و كلها خمس دقايق إلا حنا في الفرع الرئيسي
لصيانة الناغي وأرمي المفتاح مع الإستمارة عند الفلبيني وأبدأ أشرح
المشكلة وأنا كنت ماسك نفسي لين ما جاني واحد من الموظفين
مصري داخل عرض ولا هو فاهم عن السالفة ويقول طبيعي يا افندم
دا كل السوناتات بيحصلها كدا >>
يسوق امها من جدالمهم هذاك الوقت أنا انفجرت ( يا حرامية يا نصابين إنتوا كل شي
تعتبروه طبيعي لو أدخلكم وشايل الماكينة بكيس بلاستيك حق هايبر
بنده تقولون طبيعي وو .......... كلام كثير ) لين ما هداني صديقي وجا
مدير الصيانة واحد سعودي محترم جداً وأخلاق اخذني مكتبه وطلب
اشرح له المشكلة وبعد ما شرحت المشكلة ارسل معاي مهندس
فلبيني عشان يطلع معاي ويفحص السيارة وطلع معاي الفلبيني و
كان قمة في الأدب الرقي وطلب انه هو اللي يسوق ,, المهم شغل
السيارة وشغل المكيف على الدفع 3 ومشينا شوي وبعدها فرمل
وفضى السيارة وفعلا قوة دفع الهواء انخفضت بشكل بسيط ولكن
ملحوظ !!
عشق على الـ D ودعس بنزين ومشي إلا رجع دفع الهوا طبيعي
جربها كم مره نفس الشي ... زاد دفع المكيف على 4 وجربها نفس
النتيجة بعدها نقص دفع المكيف على 2 وجرب نفس الخطوات التي
ذكرتها والنتيجة نفسها لكن لا حظنا إنه الإتخفاض في دفع الهوا قليل
جداً ويكاد لا يلاحظ !!! >> شي حلو
المهم رجعنا المركز وبدأ الفلبيني يشرح المشكلة وقال ::
الوضع طبيعي تماماً وهو عبارة عن تقنية من نفس الشركة للحفاظ
على الكمبروسر وذلك بتخفيف دفع الهواء أثناء توقف السيارة سأله
صاحبي طيب يمكن المشكلة من المروحة ؟؟؟ قاله لأ المروحة ما
فيها شي والدليل إنه لو طفيت المكيف وتركت الهوا شغال بدون
مكيف ومشيت ما راح يحصل أي ضعف في دفع الهواء وفعلاً جربها
امامنا طفى المكيف ( الفريون ) وترك دفع الهواء على 3 ومشينا و
فرملنا ومشينا مره أخرى بدون أي تأثر في دفع الهواء !!!
شوي وقف السيارة وقال تعالوا راح أوريكم شي ثاني موجود في كل
سيارات السوناتا .... وقف السيارة وعشق على الـ N وشغل المكيف
على دفع هواء 3 وفجأة كبس فرامل إلا يضعف دفع الهوا ولما شال
رجله من دواسة الفرامل رجع الوضع طبيعي بعدها نفس الشي فجأة
شغل النور العالي إلا دفع الهوا يخف بشكل بسيط لكن ملحوظ !!!
أنا بصراحة كنت محتار بين حاجتين إما إني أمسك الفلبيني وأدخل
فيه التوقيف 6 شهور على الصدمة هاذي وإما أني أتصرف بعقلانية
>> والأخيرة أصعب
المهم سألته ليش كذا طيب وهل هذا الوضع طبيعي ؟؟؟
قاللي عادي كل سيارات هيونداي كذا وما أعرف إذا كان الشخص
من الممكن يعتبر الشي هذا طبيعي أو لا !!!
المهم قلتله شكراً ونزلته من السيارة وتوكلت على الله ومشيت
وأنا بصراحة نصف مقتنع بهذا الكلام وقلت باكتب هذا الموضوع
لأجل نشوف آراء أصحاب السوناتا في هذا المنتدى الخالي وخصوصا
أصحاب موديلات 2009 / 2010 !!! والسؤال الآن :::
1- وش رايكم بهذا الوضع ؟؟ يصنف كوضع طبيعي ولا شلون ؟؟
2- أسمع ان السوناتا كهربتها ضعيفة بس معقول لهاذي الدرجة ؟؟
3- أتمنى من الشباب أصحاب السوناتا يجربوا تشغيل المكيف على
دفع هوا 3 أو 4 والسيارة واقفة على الـ N وبعدها يكبسوا العالي و
يجربوا دواسة الفرامل ويخبرونا بالنتيجة !!!!
والموضوع مفتوح لجميع النقاشات ...
وســـــامحونا على الإطالة
أخوكم / محمد ,,,
