السلام عليكم
اسعد الله صباحكم / مسائكم بكل خير
اخواني الكرام حبيت استشيركم في اكثر من موضوع يخص الموضوع الاساسي
اولا قدر الله علي انقلبت ب اف جي 2008 قلبه و نص
وللاسف كان هناك بعض الاصابات لي ولبعض الراكبين
لكن المفاجئه !!
مع ان السياره انقلبت قلبه ونص والسياره فيها اضرار بالغه
ماطلع ولا اير باق !! مع العلم ان المندوب قبل ما اشتري السياره اخبرني ان السياره فيها اير باقات خلفيه وماطلع ولا واحد
طبعا قررت ارفع شكوى على عبداللطيف جميل
هل باعتقادكم راح اطلع بفايده ؟ لاني شفت الموت انا و اللي معي بعيوني وما استفدت اي شي من الايرباقات بالعكس كان فيه رضوض قويه يعني مبلغ زايد على السياراه ويقول لك حاطين لك ايرباقات وما ايرباقات وماشفنا شي
هل تعتقدون انهم بيتحججون او بالعاميه بيصرفون ؟ وكيف بتكون تصريفتهم ؟
مع العلم اني اتصلت برقم الشكاوي وطلبو مني احضار السياره لفحصها
ابي نصايحكم في هالموضوع الله لا يهينكم و رأيكم يهمني
النقطه الثانيه في الموضوع
وين تنصحوني اصلح السياره مع العلم ان التنده تضررت و الابوب و الرفارف وحتى فيه مشاكل داخليه اتوقع العكوس جاها شي لان وقت سحب السياره ماكانت طبيعيه
النقطه الثالثه والاخيره
لو فكرت ابيع السياره هل ابيعها مصدومه او اصلحها و ابيعها ؟
وش الافضل وكم تتوقعو بتجيب سعر في كل الحالتين من واقع خبرتكم
واسف على الاطاله ويعطيكم العافيه مقدما
