هل هو ضعف شنبر أو توظيب مكينه أو ؟؟؟

هلا ياخوي بالنسبة للممشى

انا طالب في جامعة اللك سعود وساكن في اقصى شرق الرياض اروح للجامعة وارجع يوميا 90 كيلو يعني احسبها ( 90 في 5 يساوي 450 كيلو اسبوعيا )

450 ضرب 4 يساوي 1800 كيلو (1800 كيلو شهريا)

طبعا المسافه هذي بس للجامعة غير المشاوير الخاصة لي !!!!!!!!
والسيارة فيها شنبر كبير مو مثلك بداية شنبر


ومن ناحية السفر اذا كانت حررة سيارتك تمام عااااادي لو تروح عرعر ياشيخ بس خذلك علبة زيت يمكن ينقص عليك وانت بالطريق

واحسن لك قبل ماتروح عب زيت 40 احسن لك


والسلاام

هلا براعي التسعاوي بس عندي شي واحد ابقوله لك

انت تقول اذا خرطت اخر خرطه راح يصير عندك حرارة كبيرة وهذا اكبر غلط بالعكس راح تقل حرارة السيارة اقل من اول

صحيح انا معك في بعض الناس وضبوا سياراتهم وصارت عندهم حرارة والسبب من هذا الخرط الغبي تلقاه راح مخرطه بنقاليه خخخخ

اهم شي في مرحلة التوضيب الخرط الصحيييييح

الله يعطيكم الف عافيه

وكفيتم ووفيتم

وما قصرتوا يا النشاما .. بيض الله وجيهكم ..

اخوي السياره سافرت فيها بس من زمان واكثر استخدامي لها في داخل الرياض
يومياً مشاوير على الرغم ان عندي سياره ثانيه لاكن هي أكثر شيئ استخدمها

اذا تبي تسافر فيها عادي ماعندك أي مشكله بس خل رجلك خفيفه على الموتر ولا تسرع
وشيك أول بأول على الزيوت وقبل كل شيئ توكل على الله
وراح تعيش معك المكينه سنين وراح تتذكر كلامي ذا
وماقلت هالكلام إلا بعد تجربه واقعيه وطويله مع سيارتي الرودماستر
أهم شيئ الاستخدام والمحافظه على السياره
وصدقني بعض الناس تخبط معه مكينة سيارته وهي جديده والسبب سوء الاستخدام

وأي إستفسار أنا حاضر

وتذكر أخوي سبق وأن قلت لك اذا كانت مكينة السيارة موظبة فهذا من صالحك

هذا الكلام يوم كنت تبي تاخده بالموضوع

اخوي

تحصل لك مكاين وارد امريكا مجددة بسعر 2500 في الدمام لكن فوين بالضبط ماعرف

واكيد عندكم في الرياض او المكان الا ساكن فيه

الا اذا انت تبي توضب هذا راجع لك

شباب المشي على المكينة للين تجيم مشكلة ليييييييييييييه

راح توصل المكينة لحالة تحتاج لخرط بزيادة عن لونك وضبتها من أول

وأحتمال يصبح عندك حرارة كبيييير جداً

كان عندي سوبر 87 وضبته بقطع تمام وشغل ميكانيكي ممتاز
ومن بدري لحقتها النتيجة ( كانت آخر توضيبه لها)

فوق الوصف أستخدام 6 سنين لو أحلف يمكن مشيت عليها أكثر من 200 ألف

الحرارة طبيعيه الربع وفصيف والمكيفات شغاله قدام ورى (بس على الشبك الرديتر مروحة تبريد ممتازة كانت تضب حرارة الموتر )

وكانت نهايتة على يد أخوي طلع فيه تهريب في الصوفه الخلفية وينقص الزيت
ومشاوير من50 الى60 كيلو يومياً للين قامت المكينة تحرق زيت

السلام عليكم ورحمة الله وبركاته

بصراحه كلام أخوي عاشق المدمر في محله

عندي بيوك رود ماستر موديل 92 نفس مكينه الكابريس الي معك
ونفس مشكلتك في الدخان ونقص الزيت وكل ماجيت ميكانيكي قال وضب
بس ماردني عن التوضيب الى إن حرارة الموتر تمام
وشفني للحين ما وضبت والكلام ذا قبل أكثر من سنتين
والحمد لله ما اشتكيت من شيئ بس أزود الزيت كل فتره
تصدق إني ما عاد اغير زيت بس أكمل والصره لها أكثر من ست شهور مافكيتها
بصراحه مكائن الكوابريس اول قويه وتتحمل كرف

وهذى نصيحتي لك لا توضب لين تجيم المكينه مادام تمشي معك مشها
بس أهم شيئ لا تشد على الموتر بقوه وخلى سواقتك هاديه وشيك على الزيت
بين كل فتره والله يوفقك

وشكراً

الله يعطيكم الف عافيه

وما قصرتم .. وبيض الله وجهكم ..

ياخوي نصيحة لك مني

انت سويت مشكلة كبيرة والدعوى تافهه جدا

انا معي كابرس مثلك 90 والموتر مشنبر ياكل زيت ويطلع دخان ابيض من الشكمان وبعض الاحيان يطلع ازرق

وقررت اوضب الموتر وبعد مارحت اكثر من ورشة دااااخ راسي كل واحد يقول شي

واحد يقول شنبر والثاني يقول جلد بلوف والثالث يقول الراس منشعر والخ

عاد انا شفت الدعوى كذا قلت في نفسي ليش اوضب ليييييييش مادام السيارة تمشي ومافيها اي خلاف معي صحيح اني ازود زيت كل 3000 كيلو لكن السيااااااااااااارة تمشي معاي والعزم يمشي الحال

يعني اللي اعنيه من كلامي سواء قال جلد بلوف او شنبر او اي شي بالمكينة اكيييييييييييييييييييييد وابصملك بالعشرة انك لازم توضب المكينة وتدفع بالكثييير 3500 ريال

فنصيحة مني لك لاتوضب خلي السيارة تشبمبر بديها ورجليها بلعنه لاتوضب الا لا جيمت المكينة يعني تحاول تشغل السيارة بس ماتقدر وذاااااك الوقت رح وضب المكينة وانت مرتاااح تعرف انها مجيمه وراح تغير كل القطع

منها استفدت كم سنة او شهر والموتر مشنبر عاااادي والسعر هو هو

تراك معك كابرس = حمار مكده

التوضيب الكامل افضل بكثير من المكينه المستعمله لأنها ممكن تكون على وشك تنتهي وماتدري عنها ,كانت عندنا كرسيدا 91 غيرنا مكينتها مرتين ولا صلحت, اما الحراره في البدايه ممكن ترتفع شي بسيط لأن المكينه تكون مليانه ولكن مع الوقت تصير طبيعيه إذا لم يخرط الرأس ماراح ترتفع الحراره ’إذا انك تبي تستعمل مده طويله الأفضل التوضيب لأنك تخسر على مكينه وتكون شبه جديده وتعرف وش حطيت بها اما المستعمله حظ نصيب يمكن متعرضه لحراره او بها عله ماتدري عنها ..


بالنسبه لأسئلتك ,~هي تعتمد على الورشه والمهندس بعض الورش مايضبطها لكن لو رحت لورشه ممتازه ومعروفه راح ترجع زي الوكاله وراح تخدم لايقل عن 10سنوات

هلا وغلا

أبو ماجد أول شيء الله يعطيك العافيه .. ثاني شيء يا الغلا : الكثير يقولي جيب لك مكينه من التشاليح ما إنفكت أحسن لك .. لأنه أذا وضبت فيه إمكانيه ترتفع حرارتها والزيت ينقص بسبب إتساعها ويقولوا لازم يودوها المخرطه ويشوفوا كم مقاسها 10 ـ 20 وإذا كانت فوق فمستحيل تنخرط .. المهم إنت دامك وضبت وش تنصحني أخذ مكينه من التشاليح وعليها ضمان << ولا أوضب من جديد .. وهل إذا وضبت من جديد تروح كل المشاكل وما ترتفع الحراره ولا تنقص زيتها وترجع المكينه شد بلدها ؟؟

بإنتظارك

تغيير الشمبر لوحده خسارة فلوس على الفاضي إذا السياره ممتازه والقير تمام ومتحركاتها الأخرى تمام مالك إلا توضيب كامل خرط سرندل وتغيير بساتم وتغيير جلب عامود التايمن مع طرمبة الزيت والصبابات اصليه وكل مايطلبه المهندس وان يكون المهندس عنده خبره بالتوضيب والورشه ممتازه ومن المفترض انك تخلي شغلك من البدايه واحد لأن كل شغلك الأول ماله اي قيمه لكن التوضيب الكامل إذا السياره تستاهل اريح لك وراح تدوم معك مع توفيق الله اكثر من 10 سنوات انا معي كابرس وضبته توضيب كامل قبل 12 سنه وإلى الأن ولله الحمد ممتاز والقطع اللي انا اشتريت فدرل ,,إلا الصبابات اصليه GMوهي بحدود 450ريال في ذلك الوقت وعددها 16 ليش الصبابات اصليه لأنها هي اللي ترفع الزيت لالاأعلى ولاتطلع صوت وتدوم اكثر من التجاري ,,وهي تعتمد على الله ثم على الورشه اولاً واخيراً ,,,,اما تغيير شنابر مارح يفيدك ابداً لأن السرندل اكيد بيكون مشفف ولازم خرط ويرتب عى ذلك تغيير البساتم

بالتوفيق

ماينفع لازم توضيب

888888888888888888
كلام الاخ في محله