قناة السيارات
السلام عليكم ..
من خلال تجربتي لسيارة الوالد ـتحفة BMW الفئة السابعة للموديل الجديد 2009 ولمدة قاربت النصف سنة -6 أشهر تقريباً - حبيت أن أقدم لكم انطباعاتي عنها ..
طبعاً أنا وأنتم قرأنا الكثير من التقارير عنها وهي في الغالب إن لم يكن جلها لا تكون مفيدة بشكل كبير وذلك لأن معد التقرير لم يجرب السيارة وإنها هو ناقل في الغالب أو مجرب السيارة لمدة ساعات كما في التجارب في هذا المنتدى الغالي .. لكن كما ذكرت سابقاً أنا تجربتي لمدة ست أشهر وسأسعى إن شاء الله لأبين لكم الحسن والقبيح من خلال التجربة وليس من التنظير ..
الموديل 2009
أولاً :
الإنطباعات الإيجابية :
1- السيارة مريحة جداً وفي غاية الفخامة ..وتتجلى راحتها خصوصاً في السفر سواءً كنت السائق أو الراكب ..فالسائق ومع أنظمة الرادارات الجبارة مرتاح وكأنه يسوق طيارة..لدرجة إني إذا سقتها في السفر أربع
لأني ما احتاج دواسة البنزين أو الفرامل ..أثبت على سرعة محددة وإذا جت سيارة قدامي .. نظام الرادار يخلي السيارة تهدي من سرعتها وإذا راحت ترجع السيارة للسرعة اللي أنت مححدها ..وتقدر تتحكم بالبعد بينك وبينها بدرجات .. لدرجة إنه في درجة تكون شبه ملحم باللي قدامك
.. وفي حال إنك سهيت وانحرفت السيارة عن مسارها يهتز المقود وذلك قبل أن تسمع صوت عيون القطط ..: ..وطبعاً ما أنزل راسي واتلهى عن الطريق عشان أشوف الطلبون لأن الطبلون موجود أمامي مباشرة على الزجاجة الأمامية- بروجوكتر عاكس على الزجاجة .. مثل الكورفيت
..لدرجة إنه من الطرائف في واحد ساقها ويقول الطبلون مكتوب على الشارع
2- الشكل الخارجي أسطورة ..(ماشاء الله*تبارك الله ) .. وقبل لا أشري السيارة كنت أشوفها بالصور وأقول .. من قدام ماتغيرت كثير عن الشكل السابق .. ومن الخلف مشابهة للكزس .. ولكن على الحقيقة الوضع مختلف تماماً .. من الأمام الشبك كبير .. ومن الخلف فرق كبير عن اللكزس ..وكم مرة أشوف السيارتين جنب بعض ,, وألاحظ الفرق الشاسع .. لدرجة إني قرأت إن شركة BMW قدمت عرض لمصورين فوتغرافين .. بأن يصوروا الخلفية ليلاً وتكون صورة الإسطبات قريبة للحقيقة ,, إلا أن جميع المصورين لم ينجحوا بعكس الصورة المشابه للحقيقة ..يعني في الصور غير والواقع غير ..خصوصاً في الليل ..( مشاء الله )
3- السيارة فيها نقلة نوعية لعالم السيارات الفارهة,, نظام الرادار ..نظام البروجوكتر العاكس ..نظام اهتزازا المقود والتنبيه في حال انحراف السيارة ..الكاميرات الجانبية .. ( ماشاء الله )
ثانياً الانطباعات السلبية :
1 - أكبر مشكلة في الـ BMW واللي يعاني منها أغلب إن لم يكن كل المالكين لها - وما اعرف شخص مع السيارة إلا يشتكي وبحرقة عن هذه المشكلة - : الإطارات ,, وما أدراك ما الإطارات.. بما إن الكفرات المستخدمة من نوع ( رن فلات ) يعني مافي مشكلة تمشي عليها مسافة 150 كم وهي مافيها هواء .. المهم مشكلتها إنها تحبر على طول خصوصاً الأمامية .. ما أدري هل هي تحبر لأنها 1- رن فلات ..أو 2- مقاس 20 ..أو 3- نوعية جوديير.. وجميعها أعذار غير مقنعة لشركة عريقة مثل BMW .. علماً إنه سعر الكفر الواحد بـ 3700 ( يعني طقمين لكورلا
.. المهم رفضت وأوريه العين الحمراء وقالي خلاص نغير لك الكفرات مجاناً وهذا خطأ من المصنع ..لأني حاججته بسيارتين لاقاربي فيها نفس المشكلة فأكيد إنه خطأ مصنعي ..لكن قالي مالك إلا تنتظر شهر نطلبلك الكفرات من ألمانيا .. أو تدفع لنا الف ريال قيمة شحن الكفرين بالطيار للسعودية ( وهذي على ما أظن كذبة .. إنه موموجود عندهم بس لازم يطلعوا فلوس بأي طريقة ) وافقت أخيراً على هذا الحل ..لأن السيارة جلست أكثر من شهر ما اسافر فيها ..
الخلاصة .. اكبر عيب في السيارة الكفرات .. وخصوصاً إن السيارة مافيها إستبنة نهائياً ..لأنهم يقولون إنك ماتحتاجها وعشان كذا أنا ما اسافر عليها إذا كان الكفر محبر لأنه لو قدر الله وبنشر والسيارة بتمشين 150 كم طبعاً لكن هل توجد محطات متوفر فيها كفر مناسب للسيارة أو لا .. هنا السؤال :: وهذا طبعاً لأن السيارة مصممة على النظام الأوربي اللي هو كل 120 كم على أي خط يجب ان تكون فيه محطة متكاملة يعني موجود فيها أنواع الكفرات ..لكن هنا يمكن تحصل بنزين ويمكن لا :
2- نظام الكاميرات الجانبية لا أعرف منه فائدة أبداً ولم أستفد منه حتى الآن ..!
3- الحساسات الامامية والخلفية فيها مشكلة إنها إذا كنت ماشي مثلا وأسرعت بعدين توقفت تماماً وقدامك سيارة لا زم تضغط زر عشان تشتتغل الحساسات يعني صارت يدوية .. بعكس كل السيارات اللي تكون الحساسات أوتوماتيكية يعني إذا نقصت السرعة عن 20 تقريباً تشتغل أما الـ BMW لا ..لازم أنت تشغلها..
4- التلفون أو البلوتوث ..مافيه قائمة بالأرقام ..يعني إذا جيت تتصل لازم تتصل من الجوال وفيه طريقة ثانية لكن غير عملية اللي هي مثل التلفونات القديمة:: بالفر
5-السيارة الآن تخطت الـعشرين ألف كم ,, ووديتها للصيانة وهي ماشية عشرين ألف على إنه صيانة البي إم كل 20 لكن يوم وديتها قالوا لي لا زم نتصل على جدة ونسألهم كيف نسوي لها صيانة لأنك المفروض جايبها وهي ماشية 4000 و 10000 .. وإنك مغير الزيت خارج الوكالة .. لأن الكمبيوتر يقول كذا .. وأنا ماعمري فتحت الكبوت أصلاً .. والآن لهم أسبوع .. ولا ردوا علي ..الظاهر إلى الآن مامسك الخط معهم
5- أول ماشريت السيارة رحت لفرع الوكيل عندنا عشان اقوله السلبيات وقالي مانعرف رح لجدة يعرفون .. ويوم رحت لجدة وقابلت المسؤؤل طلع مصرف ومهرج من الدرجة الأولى وأحييه على هذا
وسالته عن المراية الأمامية ليش ثقيلة يعني ماتتغير بسهولة ..قالي إنه أطوال السائقين تقريباً واحد فما يحتاج تتغير ..وعشان إذا صار حادث ماتنكسر ::!!!!!!!!!
وقلتله عن مشكلة الكفرات .. واعترف وقالي فعلاً نوعية كفرات شركة جوديير سيئة وألغينا التعامل معهم في موديل 2010 واستبدلناهم ببريلي ..قلت له طيب وأنا الي أخذتها في 2009 قالي الحل إنك تبدل الكفرات والجنوط من عندنا بـ 40000 أربعين ألف فقط
6- نظام الرادار ..خشن أو رياضي يعني إذا جت سيارة قدامك يفرمل بقوة ..يعني ينتبه اللي معك وإذا راحت السيارة يدعس بقوة وكأنك تطارح ..
* بعض العيوب فقط في سيارتي مثل الحساسات !!!!!
--
في الختام السيارة رائعة لولا مشكلة الكفرات ..وهي صرحة تستحق التضحية والمغامرة حتى لو لم تحل مشكلة الكفرات ..
وكتبت هذا الموضوع لسببين ..الأول ..لأفيد غيري من الذين ينوون شرائها ..والسبب الثاني لكي تجدوا لي حلولاً للمشاكل التي أعاني منها ..طبعاً لاتقولوا رح الوكالة ..لأني أنا أروح الوكالة وأعلمهم بعض الأشياء
وأعتذر عن طيلة الموضوع لأني حبيت اقول كل اللي عندي ..وأنا كل يوم أقول بكرا أبنزل الموضوع لكن اليوم فضيت الحمدلله ونزلته ..والعذر لتأخري ..لأنه المفروض إني منزل الموضوع لي شهر كما وعدت لكن الظروف ..
هذا الموضوع سأطرحه في منتدى آخر مختص بـ BMW ..
وتقبلوا خالص تقديري ,,,
رد مع اقتباس
المشاركة الأصلية كتبت بواسطة a-a-q
