هذا موضوع منقول عن منتديات مكشات ,,للأخ : فهد 325 .. للأمانة والفائدة .. وإعجابي بالفكرة ..
و ما يجوز اننا ننقل افكار اي شخص بدون ما يذكر الله يجزاه خير
نترككم مع الموضوع..
بسم الله الرحمن الرحيم
والصلاة والسلام على رسول الله
أما بعد ..
نخش في الموضوع على طوووول
الواحد كلما راح للنفود لازم ينسم كفراته
علشان يقدر يمشي في الرمل بكل سهولة ويريح السيارة
على ما تنسم الكفرات يأخذ وقت منك !!!
والبعض ينسم من السرعة على مزاجه ولا يعاير الكفرات
تحصل واحد فيه هواء 5 والثاني فيه 10 الثالث فيه 20 والرابع .....
وفيه ناس معهم مفك الإبرة حقت البناشر تلقاه يفك الإبرة أسرع له
وبعدين تطير الإبرة ويأخذ إبرة الأستبنه
ولكن لا تعب بعد اليوم
تقدر تنسم وتعاير الكفر في وقت واحد بكل سهولة ويسر
المقادير
1- معيار هواء مستغنى عنه .
2- الكنكتر أو رأس اللي يربط لي المنفاخ ببلف الكفر .
طبعاً في الصورة مقارنة برأس المعيار الأصلي (غير ثابت على البلف)
ورأس منفاخ الهواء (الذي يثبت على البلف)
3- قسام لي مكيف (صحراوي) اللي كنه علامة مرسيدس
((لازم يكون حق لي مكيف لأن قسام الغاز يكون كبير))
طريقة التحضير :
نقطع لي المعيار
نشبك القسام بين المعيار واللي اللي قطعناه
كيفية الاستخدام
تكون بتثبيت الرأس على بلف الكفر وأصبعك يكون على القسام بحيث تفك أصبعك من القسام ينسم الكفر تسد القسام تشوف المعيار وين وصل ضغط الهواء
متمنين لكم تنسيما متقناً ,, وطلعة سعيدة .. : ) ..
والسلام عليكم ورحمة الله وبركاته ..
