دعوة للمناقشة وش رايكم بهاذي السيارة وش مزاياها وعيوبها؟

والله يخوي مني كفؤ عشان أقلك رأيي فيها

ولكن مجرد إني أبي أخبرك عن حقيقة شهدتها بنفسي عن هذه السيارة
خالي أول ما تعين في آرامكو حب يكشخ شوي وفاجأ العائلة بسيارة لنكولن داون تاون حق سنتها وكان هذا سنة 1996م
خالي أخذ السيارة من غير ما يستشير أحد وفاجأ حتى زوجته فيها، مثل ما ترك التدريس في الجامعة واشتغل في آرامكو وفاجأ الجميع من غير ما يستشير أحد :)

المهم العائلة كلها لامته وصارت رهانات ان السيارة بتخرب بعد 6 شهور وبعضهم قال بعد 3 شهور على سواقته وبعضهم قال الجربوكس رح ينضرب والبعض قال رح تهربد السيارة ....إلخ

الحقيقية خالي لما رح أرامكو راتبه صار الحين حوالي 40.000 ريال :)
ولو استمر على التدريس راتبه يمكن صار 11 أو 12 ألف بس

أما بالنسبة للسيارة فهو حار ولا يوقف مطبات ويسافر فيها لتركيا وأوروبا سنويا باالبر، والجربوكس للحين ما صار له شي :) والسيارة للحين ماشية وشغالة :) ولا غير فيها أي أي شي ميكانيكيا ذا أهمية أو يذكر

ولكن السيارة فيها هربدة مدري هو الشكمان والا شي ثاني وأصوات غريبة :)
طبعا حط في بالك سواقته الغير طبيعية وعدم صيانتها الصيانة الدورية تبعها

ويمكن أكون أفدتك بشي وليت نسمع آراء الأخوان