زين شرايك في باجيرو 2010؟؟
أنا ولله حطيطها في بالي والنية أجيب وحده
سعرها 110 ألف درهم
فل كامل المواصفات
إنت إكتب باجيرو وشوف صورها من الداخل والخارج
إدخل اليو تيوب وإكتب باجيرو بعد شوفها
رهيبة ولله
أنا صرلي فترة بس أشاهد الباجيرو وأقرأ عنها
إلي ستنتجته إنه الباجيرو ما عليها كلام وكل من جربها يمدح فيها وما حصلت واحد مجربها إلى يمدح فيها ويقول رهيبة وفيها أوبشن حلو
والموديل 2010 فيه يو إس بي وماكينة أكبر من إلي قبله غير المواصفات إلي فيه
وبنسبة للي فهمته من المواضصيع إلي قريتها فيها نظام دفع رباعي ذكي يمتاز به الباجيرو
ومن أحد سلبياتها يقولون إنه يوم تروح البر والتطعيس يدخل رمل داخل السيارة ومب الكل أجمع على هذا العيب وبعد يقولون إنه صوت الهوا يكون داخل السيارة بس بعد يقولون إنه جميع الجيبات تقريبا شي
أنا إلي ستنتجته من جولتي إنه كل واحد عنده باجيرو مخبول فيها يعني مستانس فيها وايد ومبسوط
مشكلتها الرئيسية والكل مجمع عليها قطع غيرها غالية والبترول تصرف
بس بنسبة لقطع الغيار غالية بسبب إنها يابانية صرف يعني أصلية مب مجمعة في بلد ثانية وتعمر وايد وهذي ميزة مب عيب
يوم تدفع شوي زيادة في عمر أطول
وبنسبة للبترول بنظري الشخصي إنت ودعست البانزين
أنا إنشاءلله الله بيسرها وياي وبجيب باجيرو
شوف هذا إعلان عنها شوف الفخامة القوة والاناقة
طبعا موصفات الإمارات ما بكون فيها شاشة بس بتكون مدعمة في الخشب في المقود ومني ومني
ولله رهيبة هاي السيارة بنظري مع العلم ما جربتها مول بس انا طبيعتي بحب أسئل وايد ولا واحد قلي والجوااب كالآتي : وووووو باجيرو ثابته ومريحة بس قطع غيارها غالية وبتصرف بترول
بس في ناس تقلك كروزر ومدري شو
وانا وياهم ولله هذولاك سيارات فخمة بس كلشي سعره فيه يوم تفرق الضعف
سعرها في الوكالة خلال هاي الفترة الصغيرة 110 اما سعرها هو 114
وبنسبة للخيارات إلي حطيطها مدري عنها مب لانه مب معروفة لانه أنا ما عندي خلفية إلى بهذي السيارة
شوف مقطع الفديوي هذا
http://www.youtube.com/watch?v=VQgAO7YHSW8&feature=related 
