بعد التفكير مليا وكثيرا
رسينا على كراون فكتوريا 2010 و هوندا اكورد 2010 فل كامل 4 سلندر
ياجماعه الخير تكفون وش رايكم وشو مشورتكم
يقولون الفورد مو راسي يحوص بسرعه وكبير وحرارته مش ولا بد
وبنفس الوقت يقولون قع غياره موب غاليه واي احد يصلحه ويدوم معاك لفتره طويله وتكده وتعلم عيالك عليه بعد لا كبرو :)
الاكورد بعد يقولون التكييف تعبان والباب فيه تنسيم وفي صوت بالديكور والمكيف يفصل من وقت لوقت وقطع غيارها نار
ويقولون قويه وتتحمل وتعيش معك وفيها لمسه شبابيه
انا احترت ياجماعه وش رايكم ,,شورو على اخوكم مع العلم لاني براعي سرعه وجنان وهجوله وراكد بسواقتي وللامانه قلبي مايل للاكورد بس متخوف من هالعيوب الي سمعتها
وودي بالفورد بسب قوه تحمله
وعلموني لو تبوني اخذ فورد وش الفئه ؟ اخذ الفل او النص او السياحي
مع العلم السياحي بدون هدروليك والنص هدروليك ومكيف لمس والفل زياده فتحه سقف على النص فل
مع العلم محتار هل اخذها اجر تمليك عن طريق البنك؟؟ او اطق قرض واخذها كاش
ابي الاوفر والانسب من ناحيه التامين
دلوني ياجعل من جابكم الجنه
