ميزانيتي 60-65 ألف ... هل أشتري ماركيز و إلا فكتوريا ..

قادم وبقوة @user_122351 · 31-01-2010

السلام عليكم و رحمة الله وبركاته ...

بعد تفكيييييييير طويل ...
لم أجد بحدود ميزانيتي سيارة مستعملة و نظيفة و وتتحمل الكرف .. مثل الماركيز و الفكتوريا .. ( وجهة نظر )

سؤالي :

ما الأفضل الماركيز أو الفكتوريا ؟؟

هل تختلف عن بعض السواقة من ناحية الثقل و العزم والرساوة .... ؟؟

من الأعلى سعر وقت البيع ؟ سعر القطع ؟

وش أفضل لون ( من وجهة نظرك ) ؟

من الأفضل الفورد الأمريكي و إلا السعودي ؟؟

اعذروني على الأسئلة الكثيرة :smilie16: ..

لكن إن شاء الله انكم منتم مقصرين في إفادة أخوكم ..

طبعاً كل كلامي عن موديل 2008-2007 م
النوع ( نص فل )

وشكراً .

accent 4 ever @user_208898 · 02-02-2010

اذا تبي حمار مكدة (عزك الله ) الفكتوريا يصبر اكثر من الماركيز وسعره ثابت
اذا تبي فخامه خذ الماركيز وانت مغمض
اذا تبي عزم الفكتوريا اقوى من الماركيز
باختصار تبي دلع وبتحافظ عالموتر خذ لك ماركيز
راعي كرف وخطوط وتعديل خذ لك فكتوريا
تقبل وجهة نظري ..~

الغزالss @user_179957 · 02-02-2010

خد الماركيز وراح تدعي لي

د عـــســـل @user_173106 · 01-02-2010

ماتفرق لكن إذا تحب اللمسات والشكل عندك الماركيز

وعند البيع الموديل الجديد 2007 وانت طالع تقريباً الأفضل السعودي

والموديلات الاقدم قليلاً أشوفهم يفضلون الامريكي هذا عند البيع

أتمنى أن أكون أفدتك

ن أن @user_190772 · 01-02-2010

خذ ماركيز احسن الفكتوريا بتمل منها

Mashari @user_53720 · 01-02-2010

ق

قادم وبقوة

أشكركم إخواني على التفاعل معي في الموضوع :ch19:

لكن أنا سمعت أن فيه فرق بين الفورد الأمريكي و السعودي

من ناحية حجم الراديتر ( السعودي أكبر ) و من ناحية قوة البودي للسيارة ( الأمريكي أفضل ) و أكثر سمكاً حيث أنهم يشترطون سلامة أفضل من اللي عندنا ..

هل الكلام هذا صحيح ؟؟؟

الكلام هذا عار ٍ من الصحة، أنا معي ماركيز 2004 امريكي وخويي معه فكتوريا 2003 سعودي، مافيه فرق ابد بالرديتر، الحجم واحد.

قادم وبقوة @user_122351 صاحب الموضوع · 31-01-2010

أشكركم إخواني على التفاعل معي في الموضوع :ch19:

لكن أنا سمعت أن فيه فرق بين الفورد الأمريكي و السعودي

من ناحية حجم الراديتر ( السعودي أكبر ) و من ناحية قوة البودي للسيارة ( الأمريكي أفضل ) و أكثر سمكاً حيث أنهم يشترطون سلامة أفضل من اللي عندنا ..

هل الكلام هذا صحيح ؟؟؟

عاشـ الفورد ـق @user_169556 · 31-01-2010

الماركيز والفكتوريا اخوات بس الماركيز افضل من ناحية الفخامه

مجنون المارودر @user_159909 · 31-01-2010

انا اشووووووووووف الفكتوريااا افضل

الله يعطيك خيرهااا ويكفيك شرهااا مقدماا

hayoulek @user_159061 · 31-01-2010

بدون اي تردد

((( جراند مراكيز )))

لانه اكثر فخامة في المواصفات سواء على الصعيد الخارجي او الداخلي

بالنسبة لقطع الغيار الميكانيكية لا يوجد فرق يذكر

بالنسبة للالوان
لاحظت انه اكثر الناس تبحث عن الالوان التالية
حسب الاستمارة: ذهبي، وفي الاصل تقدر تقول على نسكافه بالحليب:smile: الي بدأ من 2002 وفوق

وفي لون حسب الاستمارة: فضي، وفي الاصل لؤلؤي على فضي وبعضهم يقول حجري يبدأ من 2006 وفوق

.. هذه اكثر الالوان مطلوبة في السوق حسب ما شاهدت ..

بالنسبة للفروقات

فقط ان الاستعمال الامريكي يكون غالبا انظف من الاستخدام السعودي
+
الامريكي يفصل على سرعة 170 كلم .. اما السعودي يقال انه يصل لسرعة 200كلم
+
الامريكي مخرج واحد للشكمان .. اما السعودي 2 مخرج للشكمان

والله اعلم .. وربي يكتبلك الي فيه الخير

تحياتي

$$ أبو يحيى $$ @user_50764 · 31-01-2010

و عليكم السلام عليكم و رحمة الله وبركاته..

الفكتوريا و الماركيز و جهان لعملة واحدة ..

اللهم الماركيز فيها لمسات فخامة أكثر من الفكتوريا ..

وجهة نظري أن الماركيز أفضل بحكم أن شكلها جديد إلى حد ما (2006)
أما الفكتوريا فشكلها الخارجي ما تغير من عام 98 إلا بعض الأمور البسيطة ..

من ناحية السعر كلها متقاربة و إن كنت أحس أن الماركيز أفضل.. و القطع الداخلية كلها وحده أما الخارجية فالماركيز أغلى بشيء بسيط ..

و أنا أفضل الإستخدام السعودي و ذلك لأنه مهيء لأجوائنا الحارة .. و لكن الأمريكي أنظف في الغالب من السعودي ..

في الختام .. كلا السيارتين خيار موفق سواء الماركيز و لا الفكتوريا ..

لا تنسى الإستخارة و فقنا الله و إياك لما فيه الخير ,,