في البداية الف مبروك السياره
والله يجعلها مركب خير لك ولعيالك ويعطيك خيرها ويصرف عنك شرها
ثانيا انا بعطيك سالفتي عندي اكسبلورر2010 وكل الي حولي قالو لي لاتلبسها ارضية ولا تنجد المراتب وجلست السياره معي شهر واول طلعه للبر ويحوسونها البزارين حوس بالطين والتراب وخذ دوس على المراتب والفرش ووقتها عرفت قيمة التلبيسة والتنجيد واليوم الثاني على المغسلة وعلى محلات التنجيد والتلبيس والبس الارضيه
شفاف 5مل والبس مراتب جلد والحمد لله مرتاح الحين اطلع البر ويدعسون البزارين على راحتهم وكلها تروح بالمسح وفي البيت بعد
اما التظليل فانصحك بالتظليل الامريكي العازل واذا انت في الرياض مر صناعية العروبة في محل على الشارع العام اسمه sun x ممتاز جدا ورخيص تبع الوهيبي مظل عندهم ب700 ريال وعليه ضمان سنه وشغل فلبينيه وملبس الارضيه ب400 ريال ومنجد مراتب جلد الماني بسعر 1000 ريال وشغلهم مرضيني والحمد لله ويعلم الله مالي فيهم علاقه ابد بس تجربتي وحبيت انقلها لك
