مشكله في القير

[gllx]

السلام عليكم
كيف الحال شباب
عندي القير يتاخر في لتعشيق من اول لثاني وباقي التعشيقات مشاء الله مافيها شي وتوني مغير زبت القير والفلتر ولا زبطة
ياليت تفيدوني

[M~أمير بكلمتي~M]

وعليكم السلام ورحمة الله وبركاته بعض الاحيان اخوي اذا السياره قديمه والقير قديم

تبدأ تضعف شوي شوي والتأخيره تقدر تشيك عليها ممكن الحساس الي فوق الماكينه

اسمه TPS واحيان التأخير يكون طبيعي جداً ان سيارتك كارونتها كبيره او شئ من هذا القبيل

بس مادام القير عندك تمام والحمد لله يبدل كل النمر وحتى بعد المشاوير انسى السالفه

وخليه على حاله لان القير من المعروف مايحتاج توضيب الا اذا طاح مره

يعني ماتقدر تعشق او تعشق بس السياره خلاص ماتمشي هنا نقولك الله يعينك ع التوضيب

حاول تواضب على تغييز زيت القير كامل مع الطنجره 12 علبه وفلتر القير

ايضا شيك على الحساس الي قلت لك عليه

أخوكـ

[gllx]

يعيطك العافيه والله لايحرمني منك يابعد قلبي

[( قلب الأسد)]

احيانا يكون من الكهرب فشيك على الكويلات اولا لأن بعض الكويلات يكون خربان او يجيه تهريب من الثلاجة فيمنع الكهرب فتصبح تبديلة القير متأخرة

هذه المشكلة حصلت معي

[gllx]

يعطيك العافه اخوي وبيض الله وجهك وان شاء الله بشيك عليها