بسم الله الرحمن الرحيم
كيف الحال اخواني اعضاء منتدى السيارات
لاحظت كثرة الكلام وحيرة بعض الاعضاء عن الاكسبديشن وعن عمليته واستخدامه
الموتر مايبغا لها كلام 100% من رجل نشيط في رجل نشيط وماعليه
طبعا راح نتكلم اول شي عن عيوبه ومميزاته
من عيوبه انه نازل شوي من الجهة الامام وفتحات الشبك الامامي وسيعه جدا ومراياته كبار
والشي اللي بهذلني CD حقه يدخل الشريط ويالله يطلع ((طبعا الخراب كان من حوالي 4 شهور والى الان مافكرت ازينه))
مره قد اكلت به مطب قوي في البر وانفقع المساعد الامامي جهة الراكب وغيروه عالضمان
باختصار اغلب عيوبه ماتستاهل الذكر
من مميزاته التي لا حصر لها
1- افضل قير وافضل مكينة مقارنة بمنافسيه من ناحية التحمل والقوه
2- ديكوره الداخلي قوي وميزته انه جاي كانه قطعه واحده يعني القرقعه انس انك تسمعها
3- الموتر داخليا و مريح جدا
4- من ناحية التحمل الموتر ماشي 100000 كلم تقريبا ماشفنا منه الا كل خير .....فقط مرة واحده حسيت ان الموتر وهو واقف يتفتف ولما وديته للوكاله قالوا حساس المكينه خربان وغيرة وماكلف الا 400 ريال فقط لاغير .
5- في الخطوط ثبات بشكل رهيب وعزل جيد جدا للهواء
6- دبله الخفيف ممتاز في النفود والطعوس الخفيفه((لايجي واحد يقارنه بالياباني لان الامريكي ثقيل وكبير))
طبعا الموتر كل 8000 صيانه عند توكيلات الجزيره
واسعار صيانتهم مابين 300 الى 1200 ريال
على حسب الجدول اللي عندهم لان كل 8000 يكون فيه تغيير قطع تختلف عن اللي قبل
والشي الوحيد اللي بهذلني فيه الفحمات
الاكسبديشن استهلاكه للفحمات رهيب وخصوصا في فصل الصيف مدري ليه
هذا كل اللي عندي تقريبا واي استفسار انا جاهز
اثبات ممشا 100 الف تقريبا
http://up4.m5zn.com/9bjndthcm6y53q1w.../0hp6b3mq3.jpg
صورة للطبلون والممشى 99الف وكسور
http://up4.m5zn.com/9bjndthcm6y53q1w.../ll5sz64sm.jpg