اذا تقصد البترول 2009 انا اقول لك خذ برادو 2010
اما بالنسبه للبترول الجديد ما ادري عنه ولا شفته
وإذا تبي تسال عن برادو2010 هذا تعليق احد الاخوان باحد المنتديات بعد تجربته للبرادو
السلام عليكم
اخواني الكرام حبيت اشاركم في تقرير بسيط جدا جدا لتجربه برادو 2010
واتمني ينال التقرير رضاكم نبداء بسم الله
اولا كان مقر القياده التجريبيه مجمع الراشد
الحقيقه يا اخوان وبدون مجامله السياره تحفه لدرجه اني سويت تست درايف مرتين
طبعا الفئه الموجوده للتجربه هي vx2 جلد
بصراحه الانظمه الي فيه حاجه خيال جدا اول شي شد انتباهي النافقيشن
شي خرافي تصدقون ان النافقيشن يتحدث معك طول الطريق ويعلمك اذا في منعطف
بزاويه حاده عشان تخفف السرعه قبل لا توصل للمنعطف
طبعا السياره فيها 17 سماعه تحس الصوت مشاء الله تبارك الله سوند سستم متكامل
بس عندي ملاحظه بسيطه الي بيستخدم التليفون بالسياره لازم يقصر الصوت لانه عالي
وايضا جربت السياره على خط سريع عزمها قوي جدا جدا والماكينه مالها صوت رغم قوتها
الي لاحظته بعد وجود نظام اقتصاديه الوقود جدا حلو لتوفير كميه الوقود
الي شفته بعد ان السياره جدا مريحه بالمطبات وجربته على منطقه فيها رمل
والله ياخوان مو مجامله بس كانك مو ماشي على رمال كانك يالشارع من خفتها
ماكنك تسوق جيب كنك راكب سيدان الي شدني بعد ان الاضاءه تتجه مع السياره
الدركسون جدا خفيف ومريح مره واذا لفيت الدكسون السياره كانها تزحف مو تلف
يعني كان الكفرات صارت بالعرض عشان تسهل عليك عمليه تغير المسار
الكميرات خرافيه جدا ايضا جربت السياره بدوران سريع يعني كاني داخل دوار بسرعه
السياره ثابته جدا ماحسيتها بتقلب بس مسكين اخوي معي راكب ورا ماربط الحزام
النتيجه انقل من جهة اليمين الى اليسار وجلست اضحك عليه
بصراحه ما امداني ادقق بالمواصفات اكثر لان القياده التجريبيه قصيره
لكن اسال الله ان يرزقني برادو vx2 واعطيكم احلا تقرير
وسامحوني اذا طولت عليكم واعذرونا على القصور لا القياده التجريبيه قصيره جدا
ولكم مني اطيب التمنيات بدوام الصحه
اخوكم طارق ( الشروق )
[COLOR=black]هذا تعليق شخص جرب السياره ولك مني اطيب تحيـه[/COLOR]
[COLOR=#000000][/COLOR]
[COLOR=#000000]دمــت بود
[/COLOR]
