وياهل الخبره بالمكس حراراه
السلام عليكم ورحمة الله وبركاته
مكسيما موديل 2000 فل
الحراره بهذلتني بهذلتني ياخوان تكفون علموني شاسوي اخاف الورش تلعب علي وتاكلني وانا طفران
راجع من الجامعه يوم وصلت حول البيت الحراره فوق النص اول مره تصير ع طول طفيت ودخلت البيت
المهم وديتها الصناعيه وكانت الحراره قبل الاتش بشرطتين
لمحل الاديترات شكيت انها بلوف المويه قافله قمت شريتهم جدد وغيرتهم مع فتحه الغطاء حق الاديتر وركبت مويه ذهبيه اس ديلك ووماراحت الحراره نفس القصه والمراوح عندي سليمه مره ودفعها قوي يعني مهيب خربانه
روعني الباكستاني يقول يمكن شعر المكينه وخالطه ناظرت العيار وزين مافيه شي ابد
وبعدين قالي طرمبه المويه يمكن خربانه ولادرى عن سعرها وشغل تصليحها والله
وانا شاك بالاديتر لاني كل سنه اصيخه وماعمري غيرته ومصدي رايح فيها بقوه واخر مره صيخته من 4 شهور يمكن
والباكستاني يقول زين الاديتر مافيه شي والبلى مومنه والله احترت وش اسوي الحين
السياره راميها بالصناعيه من 4 ايام يمكن بعد ماغيرت البلوف وماصلحت طفشتني
البلوف بعد مافكهم مصديه مررره وخربانه وكنت اتوقع انها بتصلح بس المشكله ماصلحت
وشاالحل الحين والله طالب الفزعه افكر ابيع السياره تشليح بحرارتها وماعنديي استعداد اخسر فلوس على اشيياء على ا لفاضي
المراوح سليمه
البلوف جديده
الخراطيش سليمه
غطا الاديتر جديد
الاديتر يقول حق الاديترات زين واشك فيه
طرمبه المويه مدري عنها بس شغلها غالي
الاعراض بشكل اوضح
لما اشغل تكون بارده السياره بس بعد ربع ساعه بالظبط توصل الحراره اتش
يعني موب على طول وش دليل عليه هذا ؟
رديتر طرمبه الراس مشعور ؟ شي حيرني
وكيف اعرف ان الراس مشعور ومنكسر وش اعراضه وكيف اعرف الطرمبه سليمه وبعد شلون اعرف ان الاديتر سليم بعد
وكم التكاليف تكفووون
لاتوجد اي تهريبات او نقص بمويه ابد
هل المشكله حساسات كهرب وهل فيه الماكسيما حساسات كهرب تودي الى ارتفاع الحراره ؟
وهل ممكن من الطرمبه او ان الراس مشعور على اني لارجح ان الراس مشعور
تكفون علموني ياهل الخبره انا فريت المواقع فر اقرا مشاكل الماكسيما من موقع لموقع وماسجلت الا عندكم بس كودني القى حل يريحني
