أنا عندي جيب مورانو كنت أغير زيت المكينة كل 8000 كيلو مع الفلتر. ليش؟؟!!! لان الناس الله يصلحهم اقنعوني ان الورش وشركات الزيت تلعب علينا وتقول غير كل 3000 كيلو:c0038:.
بعد فتره سرت أسمع صوت في المكينة أول ما أشغلها وامشي وبعدين يقعد ثواني ويروح قلت أكيد يا رمان بلي يا سير امكينه، بس ما كنت أتوقع ولو للحظة أن الزيت فاضي من المكينة. وسبحان الله اليوم اللي وديتها الورشه صاير الصوت معي طول الوقت، طبعا بلغوني الورشه ان المكينه يبغالها توظيب. نصحوني بعض الاخوان اني أشيلها على الوكالة وفعلا اخذتها على الوكاله وقالولي فك مكينه بس 5،000 ريال والباقي نعلمك عليه بعدين ، طبعا سألت اذا ما عجبني السعر بعدين قالولي تاخذ مكينتك مفككه ( يا حبيبي):a1120(121):، وقالي واحد في الوكاله مستحيل تنزل عن 20،000 ريال.
قررت اشتري من التشليح مكينه رحت هناك حصلت النصب والكذب وحصلت مكاين مصديه وحالتها حاله ، قلت والله مالك بالطويله أحسن شي تروح توضب المكينه في ورشه معروفه بالرياض عمالها مختصين ومن العماله الفلبينية المدربه. طبعا مكينة المورانو هي نفسها مكينة الالتيما.
ياليت منكم يأخوان تدلوني على ورشه حتى لو كانت غاليه (بالرياض) أوضب مكينتي وترجع مثل أول من غير مشاكل في المستقبل؟
وياليت بعض الاخوان من اللي وضبو مكاين سياراتهم يعطوني تجاربهم وكيف كانت سياراتهم بعد كذا وكم سنه جلست معاهم؟
ملاحظة: أعتقد اني لحقت على المكينه قبل تبوش يعني الصوت يظهر فيه طقطقة مزعجة أول ما تتحمى السياره ما بين سرعة 20-45 كلم وبعدين يخف بكثير لمى السياره تسير حاميه.وبعض المرات بس ما هي كثيره الشكمان يطلع دخان ابيض لمره وحده بس عند التشغيل.
أشكركم وياليت ما تنسوني وتفيدوني في مشكلتي.
