مشاكل غريبة في سيارتي ( فزعتكم ترا مطفر و ما عندي الا هي )

[KlNG]

السلام عليكم و رحمة الله و بركاته

.
.

اخواني الله يرضى عليكم ساعدوني

معي سيارة التيما 6 سلندر جير عادي موديل 1991

السيارة فيها مشاكل مو مشكله

راح اقول لكم وش المشاكل :

الحين يا اخوان اذا جيت ادعس السيارة تناتع بقووة

لدرجه اني كنت ماشي 160 على الخامس

و عداد الضعط وصل 5 بعدين نتعت مدري وش فيها

و الكهرب ينخفض

واحد من الشباب يقول و انت ماشي اللمبات الحمراء تنخفض و ترجع

ايضا يا اخوان كنت ماشي 120 بعدين بدلت نمرة و حاولت ادعس ما دعس

يعني 3 ثواني ما دعsت فكيت الدعسه و دعست من جديد و مشت

و خويي اللي كان وراي

يقول الشكمان مطلع دخان اسود كثير

فالحين زبدة الكلام اللي فوق هي :

1 - اعاني من مشكلة الدخان الاسود
2 - اعاني من مشكلة ضعف الكهرب
3 - اعاني من مشكلة النتعه

فايش الحل يا اخوان

[KING ALCVR]

- اعاني من مشكلة الدخان الاسود
لا اعلم
2 - اعاني من مشكلة ضعف الكهرب
شيك على الديلمو حق الكهرباء ممكن يبيله فحمات
3 - اعاني من مشكلة النتعه
شيك على البواجي واسلاك البواجي وزيت القير

[!MAX]

الدخان الاسود يمكن يبيلها تنظيف كبليتر او تغيير

[كاابرس90]

الدخان الاسود يمكن من البواجي

واجهتني نفس المشكلة الكهرباء تظعف ودخان اسود من الشكمان غيرت البواجي والحمد لله تمام

[kmn]

تشيك على الدينمو وكذلك تصفية ( فلتر + صفاية بنزين + اسلاك بواجي + بواجي )

[2009 كامري]

السلام عليكم

فالحين زبدة الكلام اللي فوق هي :

1 - اعاني من مشكلة الدخان الاسود

الدخان الاسود له عده اسباب الكربيتر نضفه ومنهم البواجي بعد والا الموتر مكربن كانك تمشي فيه داخل الديره كثير ومبطي مامسكت خط

2 - اعاني من مشكلة ضعف الكهرب

90 % دينمو شيك عليه

3 - اعاني من مشكلة النتعه

هذي لها عده اسباب شيك على صفايه البنزين البواجي وغير اسلاك البواجي والكربيتر بعد

الواحد مايقدر يحكم عليها لما يشوفها بس عطيناك الاشياء لها اسباب بما ذكرت

ولاتشيل هم اخوي ترى ماتكلف كثير القطع هذي ماهي غاليه حيل

بالتوفيق ان شاء الله ويفيدونك الشباب اكثر

[KlNG]

يعطيكم العافية اخواني

و السيارة ما امسك فيها خطوط ابدا ابدا

بس دعست فيها 160 يمكن و طلع دخان خخخ