وعليكم السلام
اول شيء لا فحصت الموتر و جاز لك البدي و المحركات
و لازم تدوس عليه تشوف يدخن و الا لا ؟؟
ثم اذا سمت
اذا قلت ب 20 الف صافي يعني عليك تدفع 20 للبايع و 500 لحراج المعرض سعي و دلالة
و اذا قلت 20 [COLOR=darkslategray]الف كدر[/COLOR] يعني ما تدفع غير 20 الف فقط و هم يتفاهمون البايع و المعرض
ثم يكتبون ورقة المبايعة و تسلم الرجال قروشه
ثم تقعد السيارة بالمعرض ما تطلع لين تنقل ملكيتها و تأمنها
بس لازم تتأكد هل هي مفحوصة و مجددة و الا لا
لان بعض التجديد للاستمارة قد يكلفك 2000 ريال
اتمنى اكون افدتك و استفاد الجميع :)
في اي ديره 500 ريال حق المعرض من قال لك
شدعوه مستأجر شقه من مكتب عقار الله يسلمك حق المكرفون 100 + 100 حق المبايعه+50 حق اتعاب المرور
و نقل الملكيه يروح صاحب السياره ينقلها بنفس اليوم من مكتب المرور الي في المعارض
تسدد الرسوم و قيمة التأمين وتقدمها انت و تستلم الاستماره
اذا من الحراج
لا تعطيهم الا 100 ريال او 200 و لا تزيد و اذا طلعت بالسياره من تحت المكرفون انت الي سوقها
و حتى لو بتشتري من الساحه مو من الحراج لا تدفع عربون اكثر من 200 ريال
لا تطيح بسياره رايحه فيها ثم تروح فلوسك
و التأـمين عليك و نقل الملكيه عليك و تأكد من الفحص الدوري و لا تشتري لا ظلم الوقت
و اشرط على صاحب السياره الفحص قبل كل شي و لا تتسرع بالشرى و خذ معك رجال خبره
و اهم شي خل شخصيتك قويه في المعارض ترى والله انهم وحوش
اما اذا بتشتري من معرض بسيطه شيك السياره مضبوط و توكل على الله
