اريد رايكم في تركيب الحساسات في الدينالي 2008

موضوع قديم
لكن قاعد ابحث عنه
وكل فترة اصمخ لي صبة والا رصيف ومرات اصفق بحديدة المواقف
الجمس مشكلة ودك انهم مركبين وجهية دينا بدل وجهيته على الاقل تشوف وش تحت رجلك ههههههه

مشكورين ياشباب على المعلومات .. وبروح للغرابي بالرياض اتأكد من الي يعرف يركبها بدون ما يحوس علي الصدام والكهرب
والي عنده خلفية عن احد ركبها بالرياض وبسعر حلو يرد لي خبر

الله يجزاك خير

والله العليان مريتهم وفعلا قالي المصري بهالقيمه وطلبت منه امامي بعد وقالي ب700 :c0214:

لكنه رفع ضغطي :a1120(82):
قلت له ابي اشوف الجهاز ورفض يطلعه لي وقام يتحجج مش موقود دلوئتي

اخوي ماك ماك ..

من خلال اطلاعي وسؤالي المطول جدا .. ( صار لي سنه ونص حيره بتركيب الحساسات )


وجدت ان افضل محل متخصص وفاهم بالتركيب بفنيين .. العليان فرع خريص ..

كان عندهم نوع ماليزي الظاهر مع التركيب بـ 480 ريال 4 حساسات خلفيه ..

طبعا هذا سعرهم قبل سنه ونص تقريبا ..

طبعا يقبل الصبغ على لون السياره ..


وفيه صيني .. انتبه تاخذه لانه رديء جدا ..


وبالتوفيق ..

لوهو مهم كان حطوه الشركه
وجهه نظر

8
8
8
8


واضافة لكلام اخوي
والخلفي يشبك على لمبة الريوس وخلاص يعني اول ماتدق ريوس يشتغل وانتهت السالفه

لكن فعلا السؤال وين تلقى الفني المضبوط لاني ادور لي فتره ووش نوعية الجهاز ومالقيت موضوع مغطيها بشكل كبير

مريت الغرابي وحصلتها رخيصه تقريبا ب200 ريال لكن ما اثق في شغلهم وياليت اذا احد يعرف يفيدنا عن طريق هالموضوع

اولا : الشباب اللي مصعبين المسألة وكهربا وتأثير ومدري ايش!!!!

من وين جايبين هالكلام ؟؟؟؟؟؟؟؟؟


الحساسات من ابسط القطع الكهربائية اللي تركب بالسياره ..

شغلتها اسهل من السهولة نفسها ..

لكن وين الأهميه فيه ؟؟؟ بالتخريم نفسه ..

يعني تركيب الحساس على الصدام هذا اهم شي .. وعليه الكلام ..

يعني لا جا واحد فاهم ولو شوي راح يضبطها .. انا اتكلم عن 4 حساسات ..

اما حساسين 2 اسهل ..


اما تشبيك الكهرب فما فيه اسهل منها .

يربط سلك بالبطاريه .. وسلك بفيوز عشان ما تحترق .. ويحط لك فاصل on\off .

ويقدر يربطها لك مع الفرامل ( اختياري )


اما تأثيرها على الكهرب فما له اي تأثير .. لو سياره صينيه ..



----------------------------------------------------


اما بالنسبه لك يا صاحب الموضوع تحتاجها اول لأ , فـ اولا :

هذا يرجع لك .. هل ترى انك تحتاجها ؟؟

هل بغيت تصدم عامود صغير ولا رصيف مرتفع ولا حتى طفل في احد المرات ؟؟

انا انسان معي سياره صغيره وركبت لها حساسات تحسبا لمثل هذي الامور ..

لان فيه واحد صدم له مره طفل وهو راجع .. ما شافه لانه طفل صغير وما بان بالمرايه ..

ولله الحمد ما جاه شي ..


لكن انت معكسياره كبيره .. وواجهيتها مرتفعه .. يمكن تدعس بني آدم وانت ما تدري :D ( ما شاء الله )


فمن رأيي :

اذا اجتمعت عندك القدره الماليه ( مع انها ماهي مكلفه ) + وجود شخص فني فاهم ( وان ترتاح وتثق فيه ) = توكل على الله ولا يردك شي ..


------------------------------------------

معلومه :

فيه انواع من الحساسات قابله للصبغ ..

يعني تصبغها على لون السياره ,,

لا تاخذ الا هي ..

حتى لو كان لون سيارت اسود ..


لان اي سياره بأي لون لو تركب عليه حساس لونه اسود بيخرب الشكل ..

فـ لا تاخذ الا الحساسات اللي تنصبغ ..


وبالتوفيق ..

أنا أشوف إنك مع الوقت راح تعرف مدى السيارة من الأمام

للرفع،،،،،،،،،،،،

جزاكم الله خير

الحساسات الأمامية ممتازة جدا ً
والفكرة حلوه لكن الكلام وين تركبها ؟
وكيف الشغل ؟
وضمان أمنها على السيارة لاتنسى فيه مخاوف كثيرة
خصوصا ً إذا كانت على السيارات الأمريكية ..:rolleyes1:

والله انا اشوف ان الامامي مهم في هذا النوع من السيارات و عيب على شركه
كبيره مثل جنرال موتورز انها تتغاضى عن موضوع الحساسات الاماميه

كم مره اصدم في رصيف او حصاه كبيره بدون ما انتبه :smilie16:<<<<< مفهي

انا اقول ركبها و توكل على الله و اذا انت في الدمام ركبها عند كاركير
لان الجميح يضمنهم ( حسبي الله عليهم اثنينهم )

فكـــــــــــــــــــــــــــــــــــــــــــــــرة حلـــــــــــــــــــــــــــــــــــــــــوة