بسم الله الرحمن الرحيم
طبعا اكيد كلنا سمعنا عن هذا الجهاز , وكل ماصدم واحد فينا صدمة بسيطة قالوله سويلها شفط !!!
وين جهاز الشفط هذا ؟؟
وين الورشة اللي عندها هالتقنية ؟؟
الوكالة وهي الوكالة ماعندها هالجهاز!!
الجهاز هذا ماهو الا عبارة عن كذبة لا ادري مالهدف الاساسي للترويج لها بهالشكل الواسع.
وإذا أحد يقول إن الجهاز موجود ياليت يجيب الصور عشان نتأكد.
انا اللي خلاني افتح موضوع اني مرة صدمت صدمة بسيطة وانعفط الباب, واللي صدمني قال بسيطة كلها شفط وانتهينا, وطبعا هو الغلطان, ودقيت على المرور ومحد رد.
فكرت وقلت دام الدعوة كلها شفط اجل روح وتوكل على الله , وراح اتنازل.
يوم انزل الصناعية وافرها كلها ورحت للوكالة وطلع جهاز الشفط مثل بيض الصعو.
نسمع به ولا نشوفه.
وطبعا اضطريت اسمكر الباب وكلفني 300 ريال.
فالمطلوب انكم تنتبهون ولايصيرلكم مثل ماصار فيني , لا قال سوي شفط قله لا ياشيخ !!
ابي باب جديد وبيني وبينك المرور.
وسلامتكم
