انا عندي سيارة كابرس موديل 90 فيها عدة مشاكل راح اعددها لكم وابي منكم الحل:-
ان شاء الله
1-عزمها ضعيف خاصتاً في القومة ايضا تغييرات القير قوية لازم تدعس بنزين بقوة حتى يغير 1و2.
القومة هذه بحسب مفهوم كل واحد البعض يقول ان القومة ضعيفة و سيارته ماشاء الله ولكن هو يتوقع منها اكثر او هو راعي مسابق وقومات
و الضغط الطويل على الريس في انتظار التبديل يتعب الجير وعليك بتريح الموتر حتى يبدل او اذا قريب يبدل ويحن تريح وتعطيه مجال لتبديل
او ان فعلا فيه خلل قد يكون ناتج عن نقص في زيت الجير او انه يحتاج تبديل زيت مع فلتر او يحتاج تغيير كلتشات للجير
والله اعلم
2-الدركسون ثقيل جداً حتى بعض الاوقات تحس انه ما راح يلف معك الا بالقوة مع اني مغير قبل فترة دودة دركسون واذرعة ومصلح تصليحات في الطرمبة لانها تهرب زيت وبعدها وزبط الدركسون لكن الحين رجع.
انت صلحت ومابدلت المضخة الي تحط فيها الزيت العلبه لو كانت تسرب فهي مازالت لاتعمل بشكل جيد
او انها تحتاج ان تمليها زيت باور الي مكتوب عليه ترانزميشن الاحمر وتقيس الزيت وهي باردة على المؤشر الحديدة عند( ماكس كولد )قد يكون فيها هواء عند تبديل الدودة او تصليحها ومازال الهواء فيها برغم من اضافة الزيت
لذلك عليك بان تتركها حتى تبرد وتتابع الزيت من جديد كل يوم بعد ثلاث ايام ان كان هناك نقص وزدته ان شاء الله يروح الثقل من الدركسون او تشوف احد الخراطيم يكون اكيد يسرب زيت
وتجربة بطريقة الاتية
تلف الدركسون على الاخريمين و المحرك شغال وتابع الخراطيم ان كان فيهم تهريب يبين
كذلك على اليسار
هذا و الله اعلم
3-الفرامل ما تمسك عندي بسهولة جميع الاقمشة مغيرها نورت لمبة البريك وغيرت علبة زيت الفرامل وطفت اللمبة لكن الفرامل للان ضعيفة.
الفرامل ماتمسك برغم من ان الفحمات جديدة
قد يكون من الهوبات تعبانه وانت اعلم بسيارتك ان كانت تمام ولا تحس ان الموضوع من الهوبات بيكون من علبة الفرامل البوستر او الماستر سلندر اما ان تستبدله بالكامل او بتدل فيه الماستر كت الي فيه ويجي طقم كتات (جلد ) للبساتن الي داخل الماستر سلنر (البوستر ) كما هو في موضوعي السابق
ان كتنت بدلت هذا الشي ومازالت الشكله عندك بيكون السبب من البساتن السفليه للفرامل قد تكون متصلبه وتحتاج فك وتنظيف وتريكب فقط لاغير وتبديل زيت الفرامل بالكامل
4- مركب دينمو جمس وصراحة الجمس كبير على القاعدة ومثبته بتوصيلات ومع ذا كله الدينمو يهتز ويطلع صوت السير لكن انا احتاج كهرباء لاني مركب جهاز مضخم صوت مع سماعتين كبار .
قد لاتحتاج الى هذا الدينمو و دينمو الوكاله يكفي
او انك تظبط كرسي الدينمو ويكون في خط مستقيم مع السيور
غير هذا لن ترتاح من الاصوات لان الدينمو بيكون فيزاويه غير حركة السيور
والله اعلم
