استفسار عن مشكلة رجة في سيارة فورد

شوف يا عزيزي ..

قبل 7 سنوات كان عندي فكتوريا 1996 وكانت فيها رجه وإتضح انها من عمود الكردان كان فيه ضربه لكنها ماتبان الا اذا فكو العمود .. تبان في الجزء الغير مرئي والعمود راكب، وغيرت العمود ومشى الحال .

قبل سنوات كان عندي ماركيز 2002 ، وبرضه كان فيها رجه وغالبا وهي واقفة في N واذا دعست بنزين كنت أشعر بالرجه أسفل السيارة من المنتصف على يمين رجلي اليمنى تحديدا ، رحت لأكثر من ورشة ما لقو شي ، وأخيرا رحت لورشة كبيرة متخصصة بالفوردات وقالي هذه الرجه طبيعية وتلقاها في أغلب الفورود ، وخلاني وقتها أشغل اكثر من سيارة واقفة عندهم في الورشة وشغلت 3 سيارات فورد وكانت فيهم الرجه بشكل متفاوت !

هذا اللي اقدر افيدك به ، وربي يوفقك ، وانصحك حتى ترتاح انك تروح لورشة كبيرة متخصصه بالفورد والسيارات الأمريكية حتى تقطع الشك باليقين ، وانصحك لا تقولهم غيرت وسويت ، خله يفحص واذا قالك غير قطعه انت اصلا مغيرها .. قوله مغيرها من اسبوع .. واذا كرر طلبه في قطعه ثانية مغيرها انت .. فإعرف انه قاعد يجرب ولا قدر يوصل لتشخيص صحيح .

آسف للإطالة وكل عام وأنت بخير