السيارات الكورية ( تصويت )

لم تعد كالسآبق ,, ولم يعد الإنتآج الكوري ذو جودة سيئة كمآ كآن ..

تطور وبـ شكل رآئع جدًا وفي فترة أتوقع إنهآ قصيرة .. ونآل إستحسآن الجمهور بـ شكل كبير ..

لن أدخل بـ كلآم منمق وسـ أأتي بالحقآئق ..
كآن لدي ألنترا 2004 طلعتهآ بـ موديلهآ .. وجلست معي إلى 2007 في هالفترة مشت معي أكثرر من 200 ألف كيلو والله مآ شفت منهآ الا كل خير وجودتهآ ممتآز جدًا رغم إنهآ تفتقد إلى وسآئل الأمآن وهذه المسألة حتى في سيآرآت أغلى منهآ تفتقد أيضًا هالشي .. ( أقصد الإيربآقآت بالتحديد .. حيث لآ يوجد الا للسآئق فقط ) .. أستمرت معي ولم أغير فيهآ الا قطع إستهلآكية فقط سيور أو فحمآت ...... إلخ ..

تجربة أخرى .. أخوي معه الآن سونآتآ 2009 أول نزولهآ لهآ أكثر من سنه تقريبًا معه .. ومآشآء الله عآل الـ عآل ولآ منهآ شكوى أبد وكأنهآ جديده مآشآء الله مع العلم إنهآ مآشية الآن تقريبًا 70 ألف كيلو ..

تجربة أخيرة أطرحهآ وهي لـ شقيقة هيوندآي ( كيآ ) حيث أن صديقي يمتلك كيآ أوبيروس 2005 فل كآمل يعني فيهآ تقنيه شوي ومكينتهآ قوية وهي معرضه للمشآكل بـ حكم تقنيتهآ .. وفوق هذه وتلك الولد رجله حآره ع السيآرة ( إذآ ركبت معه أتشهد .. :( )
السيآرة إلى وقتنآ الحآلي موجوده معه وأقودهآ أحيآنا أنآ .. مآشآء الله تبآرك الله الله يعطيه خيرهآ ويكفيه شرهآ السيآرة مآقآلت له لآ أبد جودة وثبآت وقوة بالرغم ممآ ذكر أنه حآر جدًا عليهآ ..


اللي أبي أوصل له إن فكرة جودة الكوري سيئة هذي أكل منهآ الزمآن وشرب .. وأنآ أبصم وبالعشرة أن الكوري تفوق على بعض اليآبآني وبـ مرآحل عديده لآ من نآحية جودة أو تكنلوجيآ ( خذ الجينسس والإيكوس ,, كـ سيآرآت فآرهة ) ..
وتبقى أسعآر الكوري في المتنآول رغم إرتفآعهآ التدريجي لكن تبقى أقل من اليآبآني .. :)

تحيآتي لك يآ صآحب الموضوع .. وتقبلوا رأيي بـ صدور رحبه لأنهآ من وآقع تجربة ..

ودي ..

ممتازة ، وخير دليل زميلي عنده سونتا موديل 98 والى الان 2010 وهي في حالة جيدة
ذهبنا عليها من عمان الى مكة ما يقارب ثلاث مرات والله الحمد لن تخذلنا في الطريق ، وايضا كانت عندي كيا اوبتيما ومكثت سنتين وبعتها لضروف مالية وهي بحالة ممتازة ، ولان عندي سونتا 2009 والله الحمد ماشكيت منها اى شيء ......... هذا والسلام لأخي مراهق...

تتحمل يالغالي .. 100%

لانو معاي ازيرا 2007 قوة مكينتها 3.3 ماشاء الله معاي الحين لها سنتين الصلاة على محمد

ما قد اشتكيت من إرتفاع حراره ولا ضعف في تبريد مكيفها والحمد لله

ولكن يبي لك كل 6 شهور تغير زيت وفلتر الجير عشان الفلتر بلاستيك ولا يتحمل اكثر من سبع شهور نظراً لعوامل الحراره بالخليج

تحياتي ...

من متى الهونداي طلع كم سنه 30 سنه اقل من ذلك ولكن الكوريين في اقل من 30 سنه استطاعو يصنعون سياره فخمة عمليه سهوله بصيانة اقتصاديه واعتمادية ومع الاسف الشديد فيه شركات صار له تاريخ عريق ما يقل عن مية سنه مو قادرة تصنع سياره يعتمد عليه بدون مشاكل مثل الكديلاك الامريكي والجمس الشفر

والقادم احلى يا الكوري

والله شف وآنا اخوك .. ماسجلت بالمنتدى إلا علشان آقولك تجربتي ..وإلا آول بس ادخل المنتدى اتصفح .. آنا تجربتي في البدايه مع كيا كلآرس موديل 99 .. كرفته 4 سنوات وآنا شاريها مستعمله .. ماشاءالله عليها عزم وقوهـ وعطيتها أخوي الصغير من بعدي وطلعت إلنترا 2006 على إيدي من الوكاله له 4 سنوات .. طلعتها علشان اكرفها آنا آدرس بالقصيم وآهلي بالرياض وآتردد كل اسبوع للرياض وآغلب الأوقات آطلع الظهر من الجامعه وآمسك الخط والمكيف شغال (الظهر) وماشي طبلوني الله يهديني ..الحرارهـ ميه الميه .. ماترتفع ولون السياره آسود يعني على قولت بعض الناس الألوآن الغامقه ماتساعد مع الشمس لكن بسم الله ماشاءالله عليها الحين الموتر ماشي 106 آلآف ولآآفتح كبوته من يوم طلعته من الوكاله إلا عشان آغير الزيت ...والهوبات والفرامل ماسويته إلا مره وحده من سنه وكآنت آول مره من بعد الوكآله والموتر ماشاءالله .. عآآآل العآآل

يعطيكم العافية صراحةً اقتنعتموني ..

انا ناوي إن شاء الله اطق سوناتا 2011 فل اوبشن وكنت متردد ..

بس بعد ماشفت ردودكمـ ومدحكم للكوري .. اجل توكلنا على الله .. لا خلا ولاعدم

تحياتي

الكوري وارفع يدك

ما شاء الله تبارك الله

عملية جدا واقتصادية

انااا معى ازيرا جدا ممتازه

إذا قلتلي عطني سبب واحد تفوق فيها الكوري على الألماني راح أقولك الحرارة

وإذا قلتلي عطني سبب واحد تفوق فيها الكوري على الأمريكي راح أقولك الهدوء

وإذا قلتلي عطني سبب واحد تفوق فيها الكوري على الياباني راح أقولك السعر

ليس معنى كلامي أن الكوري أفضل من هذه الصناعات العريقة

ولكن حقيقة يجب تصديقها الآن الكوري غير جميع المقاييس وأثبت إنه جدير بثقة الناس

والتجربة خير برهان كيا كارينز 2008 ما شاء الله سنتين من الراحة ما دفعت فيها إلا البترول وماي المساحات !! وكنت ماخذها على عرض جميع القطع الإستهلاكية على الوكالة لمدة سنتين يعني بالفعل بترول وماي مساحات !!

والله على حسب نوع الموتر ..

صرآحة من خـلآل تجربتي الـH1 + الأكسنت + الأزيرآ ..

تتحمل أكثر من التويوتـآ تقريبـآآ < هذآ من خـلآل تجرتبي =)

يعطيك العـآفية :)

مع ولد عمي سوناتا بالرياض...وماشا الله تبارك الله لها خمس سنين ..

وولا أي مشاكل....بس المكيف خرب عليه وسواه ...والحين تمام ..

مع العلم إنه كارف أمها,,,

تحياتي لك....وأكيد ممتاز

مع ولد عمي سوناتا بالرياض...وماشا الله تبارك الله لها خمس سنين ..

وولا أي مشاكل....بس المكيف خرب عليه وسواه ...والحين تمام ..

مع العلم إنه كارف أمها,,,

تحياتي لك....وأكيد ممتاز

تم التصويت جيد:a1120(82)::a120(115):

وش اسوي هي كذا

في جميع المقاييس الكوري الى الافضل

اعرف واحد معه اكسنت 2001 على يده
ولليوم ما حط فيها الا استهلاكات
وما زالت تعطي ومكيفها زي الثلج
مع العلم انه كل يوم يقطع ابها 100 كيلو

صوت ممتاز لاني امتلكت كوري قبل الفورد والى الان اعز الكوري واهله

خربات قليله ( خربت 3 مرات خلال سنه ونص ) بالنسبه لسمعة السيارة السيئه جدا لدرجة اني صرت اقول العالم ذي نصابه

سيارتي هي دايو لانوس والى الان معي جنب الفورد وفخور جدا جدا فيها واي واحد يتكلم فيها يودع اهله

ممتآزهـ جدآآ

السلام عليكم...والله التصويت اكثر من ممتاز حسب تجربتي للسوناتا والازيرا لاكثر من سنتين في أجواء العراق القاسيه...وكذلك اكثر السيارات الكوريه تنافس الياباني في قوة التحمل لاكثر الاجواء حراره..شكرا

السيارات الكورية جيدة جداً واخص منها الهونداي

لاكن اخشى ان يستغل وكلائها ثقه الناس فيها ثم يرفعون اسعارها كثيراً حتى تنافس الياباني في السعر