وش تنصحوني اظبط بالكابرس 96

يعطيك العافيه فديتك

:a1120(86): لالالا يررررحم والديك خل عنك الدبات والخرابيط انا طااااااالبك :bigggrin:
لا تخرب صوته الاصلي
لو صوته تغير عن صوته الاصلي يصير موب صابونه .. الا يصير علبة كلوركس :bigggrin: لالالا تغير دبته الاصليه

شف نماذج للكابرس كتعديل هيكلي .. بس خذ فكره .. اذا تبي تعدل شف الي يجوز لك : بس انا من رأيي انك ما تعدل شي عن شد البلد :








شووف الرايق شلون مدلعه :


اضافات خفيفه كلها جنوط وكفرات :wink:
بس مشكله هالجنوط كلها مافيها ثقه في السفر لو تاخذ مطب بسيط او حفرة ممكن تأثر او تكسر الجنط ووتوهق فيه خصوصا في السفر .. لذلك الخبراء ينصحون باستخدام الجنوط الكروم داخل البلد فقط




شف هذا وش حلاته دلـــــــــــــع سعودي :



:xyxthumbs:




واذا شفت الوضع متأزم معك وناوي تخربها مره مره .. فحاول تعدله مثل هالصورة خلها يردح بالخط ههههههههههههههه /








شوف الجمال الطبيعي للكابرس :
وهو سياحي بدون مواصفات .. شد بلد رايق



وهذا لعيونك يا غالي ss بعد التعديل :



شكله قمه في الاخلاق :bigggrin:

يعني اذا تبي الشور وانا اخوك لا تسوي شي بموترك ابد خله على طبيعته يطلع احلى ..
واذا مره مرررره مره الا تبي تعدل .. فلا تغير شي غير الجنوط والكفرات مثل الي بالصورة حقت كشخه داخليه مع العلم ممكن تخدم حتى لو تسافر بها خط لكن للأمان الواحد يشتري عمره بالخط ويركب جنوط شد بلده افضل هي الوحيده الي تتحمل

ارجو اني قدرت افيدك
:xyxwave: تحياتي لك

دخلها DUB

هههههههه

المهم ركب دبات وطنيه
ولمعة ولا تخلي فيه ولا شمخ

عالعمووم مشكوريين وصدققتم الصابونه وهي على شكل الوكاله شكلها فللللله

وبعدين ياشباب انا قصدي دباات اركبها موب زي الفورد والتشارجر انا قصدي

يصير صوتها زي التسعاوي او الجموس القديمه فهمتو كيف اللييسمونها دبه وطنيه عل ما اضن

فعلا اترك على طبيعته
و اصلا هو روعه من دون تعديل ماشاء الله نصبه

يابعدي حاول تضبط بديه كااامل وخصوصا الوجه واشمعات اصليه واكسسورات اصليه واسطبات اصليه وطيس جديده اصليه وتليمع كاامل من براا وشوف كيف النظره

الصابونه اذا جتك نظيفه والله مافي اروع من شكلها وهيبتها ( على الرغم من قدم تصميمها الا انها رووعه وتحفه )

عاد تركب لها دبات ويطلع الصوت وعلى كابرس 96 ملها سنع ههههههه
لو انها على فورد ماركيز او فيكتوري على الاقل مهضومه شوي لأن صوت الفورد دلع

من ناحية الزينون بصراحة ما يصلح له يصير شكله دفش .. من وجهة نضري
والأفضل وانا اخوك تتركه على طبيعته

حلاة الكابرس خصوصا القديم منه كل ما تركته على طبيعته وصكيته ذيك اللمعه من برا وداخل وتلميع الازياق يعطيه شكل موب طبيعي .. بس لا تروح الطايف لا يصكونه بعين

نصيحتي وانا اخوك اضبط لمعة بديه وانواره وازياقه وداخليته ولا تضيف له لا صوت ولا شي يطلع جنتل بصراحة
اما الصوت والزينون فصدقني ان الشكل فيها يضايق العالم .. الي يقول الحمدلله .. والي يقول ربي تعطيه عقل والي يقول وش هالعقليه ههههههههه لا تزعل علي بس هذا حديث الشارع وانا اخوك

بس خل عنك واسمع كلامي وطع شوري حتى انت بنفسك لو تشوفه شد بلد كل شي تصير ما تمل من السيارة كل يوح تحبها اكثر :)

تحياتي