سؤال عن السحب بقوه ( النتل)

يعطيك العافيه على التوضيح بصراحه نقطه ما كنت عارفها بس كنت اسويها بدون قصد يعني لما احاول اطلع موتر مغرز على طول لازم احط الثقيل ما اعترف بالخفيف للنتل لان اخاف الموتر ما يتحمل اذا كان على الخفيف وما يطلع الموتر الي بتسحبه
وتشكرات

^^^^

المواتر قطرية

والمنطقة أعتقد سيلين او العديد....... :c0214:

المحاولة الأولى للسيارتين تصرفهم على عجاله

لكن الثانية تصرفهم كان ممتاز

هلا بك يالخل الوفي .. انا قلت انه الحل الاخير يعني اذا لابد منه مالك عنه غناه.

بالنسبه للمقطع اولا المفروض انهم نقصوا الهواء في السيارتين (باين الكفرات مليانه هواء.. الظاهر كسلوا ينقصوا الهواء او مامعهم منفاخ) ولو تلاحظ في الشده الاولى السياره طلعت لكن بسبب دعسه على البنزين بشده دفنها ثاني وهذي دائم تحصل لما اسحب سياره مغرزه (يقوم صاحبها بالدعس الشديد فتحفر السياره وتتعلق ثاني).. والظاهر انهم في الهاف مون.

انا اتوقع لو نقصوا الهواء ماكان احتاجوا للنتل ابد ولو ان السياره المغرزه ماهي باينه كامله.

يعطيك العافيه اخوي ابو الخل وتسلم على نصايحك

بالفعل مثل هالموقف ممكن يمر فيه الكثير يعني في مقطعه وصاحبك معك وصار معه هالشئ استحاله تمشي وتخليه واستحاله تطلب فزعه وانت موجود واصلا مقطوعين

واكيد زي ماقلت اهم شئ الطريقه الصحيحه ومفترض بعد مااتنتهي النتله الوقوف حتى ماتعطي السياره جهد عكسي هذا حسب خبرتي المتواضعه امام الخبرات ماشاء الله عليكم

الحمد لله القير عندي أوتوماتيك، ونتلت عشرات المرات وإلى الآن لا يوجد أي مشاكل في القير نهائياً، وسيارتي ماشية أكثر من 170 ألف. أهم شيء تكون مشغل الدبل الثقيل وتنتل بطريقة صحيحة.

صحيح كلامك أخوي المهنا ...

لكن فيه حالات ما لك إلا النتل، مثل لو أن السيارة مغرزة في رباضة، لو حاولت تسحبه سحب عايدي بتغرز وراه.

هناك تنبيه، لما تنتل أحد ما تقعد شاد على السيارة، لا بل توقف السيارة أول ما تنتهي من النتلة، فإذا ما خرجت السيارة ترجع ثم تنتل مرة أخرى، يعني ما تقعد شاد على السيارة. تماماً مثل ما فعل صاحب السييرا في الفيديو، فقد كان تصرفه ممتاز

لاتخوفني ياشيخ :smilie20:

لكن الله يستر هذا اللي اقوله

اعتقد ان النتل يؤثر على كلتشات قير الي فازع اذا كان قيره اتوماتك ... الله يخلف عليه
.
.
هو لن يتأثر في لحظتها ... بل بعد كم شهر ... ممكن يصير له مشاكل عديده

يعطيك العافيه اخوي ابو الخل وانا استخدمت قماش لكن الخوف من دقة السياره اذا دعست وما طلعت السياره الثانيه




يعطيك العافيه اخوي المهنا وانا صار لي موقف وفعلا كان اخر الحلول لان السياره اللي سحبتها دااقه مره وجكس ار ثقيل مره وعلى جرف



يعطيك العافيه اخوي صالح والله يستر هي مره وعدت والله يستر مره ثانيه :bigggrin:

السلام عليكم

الاخوان ماقصر ومن مضار النتل تاثر شاصي السيارة ولو بشكل طفيف خاصة اذا ساحب سيارة كبيرة وثقيله

باوضح حاجه ممكن تلبس على البعض ماهو كل الحبال فيها خاصية التمدد . لكنها طبعا ارحم من السلسله او الواير الحديدي ..

الافضل الواحد يشتري من شركات معترف بها ويبتعد عن الحبال الصينيه وخاصه في سحب السيارات الثقيله..

والشركات العالميه تكون واضعه مقدار التمدد على الحبل كخاصيه. حبل الARB ماهو بذاك الغلاء (بين ال 200 وال 300 ريال عند الرمايه) تشتري لك واحد وتحط معه حبل عريض ثاني صيني من ابو 30 ريال للسيارات الصغيره (عشان ما تستهلك الحبل الاصلي) .. ياما بتلاقي سيارات صغيره وتسحبها وهذي ما تحتاج نتل ولا تأثر على سيارتك.

الموضوع الثاني النتل هو آخر الحلول . وعادة يستعمل لما تكون السياره المغرزه اثقل من الي تسحب او ان السياره نازله على الشاصي ومتعلقه .. وهو بلا شك فيه ضرر على السيارتين من جميع النواحي مهما كانت جودة الحبل (الا ان جودة الحبل تخفف من هذا الضرر)

الي في المقطع ماكانت محتاجه نتل ... لكن واضح انهم ماهم اهل بر ابد ..

إذا كان الحبل حديد فلا ينبغي إستخدام النتل أبداً أبداً، لأنه يكسر كل السيارتين.

لكن إذا كان قماش، فالقماش يمط بطبعه وممكن استخدام النتل. وأفضل شيء الحبال العريضة وكل ما زاد طوله كل ما كان أفضل، مثل حبال ARB. والنتل بهذه الحبال مفيد جداً ويجعل إخراج أثقل السيارات بسيارة خفيفة ممكن.

يعطيك العافيه اخوي ابو ماجد

ما ادري والله وش مشكلة المقطع والظاهر انتهى وقت التعديل

لكن هذا رابط المقطع مره ثانيه


http://www.youtube.com/v/k2siJQofWpo&hl=en&fs=1