ابي مساعدتكم باختيار سيارة (فان للعائلة )

LTZ @user_3133 · 10-04-2003

السلام عليكم شباب
والله بغيت مساعدتكم بخصوص اختيار سيارة للعائلة فان عائلية

وقلت نشوف آرائكم بحكم خبرتكم او تجربتكم .
وانا محتار بين 3 فانات
1- تويوتا بريفيا
2- ميتسوبيشي سبيس واغن
3- فان مازدا <<< ماعرف اسمه

ويليت تعطوني عيوب ومميزات كل واحد منهم ولو حصل اسعارهم بالسوق السعودية ( الرياض )

شكراً

LTZ @user_3133 صاحب الموضوع · 14-04-2003

تسلم خبير صغير
ولكن كرهنا الامريكي والكوري
وودنا نجرب الياباني وعسى الله يكتب فيه الخير والبركة ,,,,,

خبير صغير @user_4095 · 14-04-2003

شكلك نسيت (الوند ستار) فورد برضو سيارة جميلة ولايوجد بها عيب وهي المنتشرة كثيراً اكثر سيارات فان والسعر على حسب معلوميتي رخيص

LTZ @user_3133 صاحب الموضوع · 13-04-2003

شكراً لكم جميعاً
وابشركم ولله الحمد اننا بنرسي على البريفيا ان شاء الله ,,,
والله يعيننا جميعاً

N.M.N @user_4374 · 13-04-2003

اخوي البريفيا ولا تدور وكافي انها من تويوتا والله ان تقعد معكم على مر السنين وتتمنون انها تخرب عشان تشترون سيارة جديدة

تحياتي

abbodi @user_4180 · 13-04-2003

بريفيا و لا تتعب نفسك..............و مبروك مقدما

T O R N A D O @user_2487 · 10-04-2003

شوف التويوتا بريفيا حلوه مررره وقويه ولك ولزمن ,,, لكن المشكله انها ماهي مريحه .. <<< الكلام هذا عن الموديل القديم .. انا الجديد ما ادري ..

اما الهوندا اوديسي والله حلوووو مره راحه وما فيها خربات كثيره وقويه لكن قطع غيار غاليه شويه ..

اما السبيس واجن ماهي حلوه ...

الفانات الكوريه ما تتحمل وضعيفه ما تنفع الا داخل البلد وسنتين ولاها طايحه ..

احنا عندنا h1 هونداي موديلها 2001 بس المشكله انها ضعيفه في المكينه وما تنفع خارج البلد لكن ما فيها خرباات ابدا ..

باي

LTZ @user_3133 صاحب الموضوع · 10-04-2003

شكراً لكم جميعاً على تفاعلكم

وصراحة انا حاط عيني على البريفيا

بس المصعب الموضوع أن الغائلة ماتبغى البيبان السحب مثل البريفيا
وهذا خلى الاختيار الثاني عندي ياالسبيس واغن أو المازدا

شكراً

مارين @user_1315 عضو · 10-04-2003

السلام عليكم

الاخ الكريم

بعطيك الترتيب حسب الافظليه من جميع النواحي ...

كقطع الغيار والاعتماديه والشكل العام والراحه وكل ما يتطلبه المالك فهذه سياره عائليه

في المقام الاول ومن اصعب الامور وقوف هذه السياره في وسط الطريق خاصه في وقت الظهر

في زحمة الرياض وركابها من النساء والاطفال وتكمل المساله اذا كان الي معهم سواق...

1- هوندا اوديسي

2- متسوبيشي سبيس واقن

3- تويوتا بريفيا

وهناك موديلات كثيره مثل الهونداي والكيا والمازدا والدوج والشفر ولكنها تاتي بعد ما تم ذكره

بفرق كبير ويبقى الخيار الاخير لك ...

وتقبل تحياتي

مارين

مسامح @user_1002 · 10-04-2003

شف تويوتا بريفيا تراها ممتازه و يكفي انها تويوتا .. لاكن !! فيه سيارات عائليه اخرى منتشره بكثره مثل : كيا كرفان. و هوندا اوديسي و تراها ممتازه و يكفي ايضاَ انها من هوندا .......

ALANEED @user_1721 · 10-04-2003

انا ابوي عنده
فورد وندستار
والله انها ممتااااااازه
ومرييييييييييييحه
وخرابها قلييييل
وعلى مااعتقد
ان سعرها
79000
وارشح من هذي السيارات
1- تويوتا بريفيا
2- ميتسوبيشي سبيس واغن
3- فان مازدا
(تويوتا بريفيا)

اخوك
ALANEED

AHMED900 @user_2918 · 10-04-2003

عزيزي LTZ
فان المازدا اسمه MPV

أنا أرشح تويوتا بريفيا بكل المقاييس
فهي أفضل في القوة والفخامة والحجم
صحيح إن سعرها غالي قليلا ، لكن
خذ المضمون أفضل.

ولك الرأي النهائي

وتحياتي للجميع من AHMED900

بريال خبز @user_3929 · 10-04-2003

طيب ليش ما تفكر بالفانات الكوريه ؟ الي اشوف انها منتشره انتشار رهيب واسعارها معقوله وخصوصا الهوانداي والكيا والاخير شكله جميل جدا