ماذا لو أن السيارات الأمريكية بنفس جودة و إعتمادية اليابانية "التويوتا بالأخص" ..؟

:c0038: ترى الكبر شين ....

و اسمحلنا يا السياف ... لا اتقوم و اتسيفنا الحين :a120(115):

كلامك صحيح 100%

وليه انا شريت هونداي اصلا ....

الا علشان تريحني وتخدمني

ولكن في نفس الوقت اذا المكينه قويه ونشيطه اكون مبسوط زياده وهذا قصدي

siaf = سياف :bigggrin:

ما عليك اخوي ... بس لا تسرع . ترى السرعه قاتله ..

انا من ناحيتي ضد الناس اللي يعيشون علشان يدفوهعون قيمة سيارة هم موب بحاجه الها .. يعني المواتر الالمانيا الصراحة للتجار فقط ..
صيانه 5000 ... سفايف ( اقمشه ) 2000 ... يعني الموظف موب قد هذه المصاريف

انا اشتري سيارة اول شيء اتريحني
وثانيا استفيد منها

موب علشان 5 سنوات اشتغل علشان اسدد قيمتها ؟؟!!!

صح كلامي اخوي سيف

اذا الباقي بتعطيه فقير الله يجزاك خير يعني 250000 درهم

فما اقول الا
.
.
.
.
.
.
لله يا محسنين

كأنك تقصدني ................؟

طيب انا معي سياره كوريه
واكيد اني فرحان فيها واتحدى عليها وعزم ومدري ايش

اشتري سياره استخدمها واتمتع بمميزاتها او اشتريها علشان اخاويها او احطها في الحوش .... كشخه ؟؟؟؟؟؟؟؟؟؟؟؟؟؟؟؟؟:a1120(121):

مثل ما قالوا الشباب المقارنه شركه بشركه ... موب دوله بدوله و لكن المعروف انه

السيارات الامريكية ما تنفع في شيء .. كلعا خرابات و مشاكل ...و خصوصا ذات 8 سلندر و فوق ....
حتى اي سيارى نفس نيسان او تويوتا .... يتم تصنيعه في امريكا اتشوف جودتها متوسطه الى ضعيفه ... مقارنه بالقديم ( الياباني الاصلي )
يعني ربيعي عندهم التيما 95 للحين ماشي حاله و ممتاز
اما اخوي عنده 2006 اول ما كمل 100 الف كيلو متر بدت الخرابات فيه ..!!! (مع العلم انه صنع امريكي )

وانا الصراحة ما راح اشتري اي موتر امريكي لسبب ( السعر + الجوده )

و الكوري صحيح انه ما يعمر نفس الياباني بس والله افضل لانه يعطيك راحه و مواصفات و سعر ممتاز بالنسبه للسيارة اللي تشتريها ....
و الياباني ممتاز بس الله ياخذ الوكالات عندنا ضاربينا الاسعار ×10 .. يعني من الكل يقدر يقتني اي موتر ياباني ....

في الوقت الحالي افضل آخذ بدال المرسدس ( هيونداي ايكوس ) 250 الف و الباقي اعطيه حق فقير يدبر حاله له و لاهل احسن من اني آخر موتر ب 500 الف درهم ..!!!!
وجهة نظر .

لا يقارن بين الياباني والامريكي

الامريكي يفوقه بكل شيء

يكفيك انه بدى صناعة السيارات باليابان بعد ما بدؤها الامريكان بثلاثين سنه

يعني مارح توصل للأمرييكي


(( بس بالوقت الحالي صنعت سيارات مستهلكه بكل الدول حتى الصين وكوريا يوردون لنا سيارات اي كلام وحنا فرحانين ونتحدى عليها وعزم ومدري ايش ))

الله المستعان متى نصنع زيهم حتى لو سيكل بس نصنع

كلامك رائع و مافي زيادة

ما ازيد على كلامك :xyxthumbs:

من قال ان الصناعه اليبانية غير مريحه شكلك ما ركبت الافلون ومن قال ان الامريكي بيوصل الى اعتمادية الايباني ما اضن النجاحه مقصور على شي وحد الامريكي قد يكون مريح للجسد ولكن غير مريح للجيب

للعلم وجود الامريكي في السوق ضروري لو ماكان موجود الامريكي كان الكورلا واصل سعرها 200 الف
سياره مثل الكراون فكتوريا جودة وراحه وسعه وصيانه سهله وقطع رخيصه ومحرك 8 سلندر بسعر مناسب جدا لوكانت سياره يابانيه بهذي المواصفات ماحصلتها باقل من 200 الف

شوف سيارات GM مثل الكابريس و البيوك رودماستر موديل 91-96
تحصل فيها جوده ممتازه واسأل مجرب ( رودماستر 95 استخدام 5 سنوات والعداد 388000 ميل بدون مشاكل )

اما سيارات كرايزلر مستوى الجوده فيها سيئه كما هو الحال في سيارات فورد ( وجهة نظر )

قصدي من كلامي هذا لا تقارن دوله مع دوله
بل قارن شركه مع شركه

شوف اليابانيين صنعوا تويوتا ونيسان وسوبارو وهوندا ومازدا وسوزوكي ........
لكنها في جودتها متفاوته

وقد تكون سياره كوريه جودتها افضل من بعض السيارات اليابانيه

تحياتي

السيارات الامريكية بالاخص فورد

صيانتها سهلة على ما اعتقد

وجودتها متوسطة تقريبا

وانا بصراحة احترمها على الراحة الموجودة فيها واعتمادهم على الدفع الخلفي اكثر

ولا اعتقد انها ذات جودة رديئة جدا لا تستحق الاقتناء

بالمناسبة ترى السيارات الجديدة اغلبها في نفس المستوى يعني لا تقول ياباني او امريكي او كوري او استرالي

سيارات الراحه والفخامه لها ضريبه

كالسيارات الألمانيه فهي فخمه جدا والتقنيه ايضا متطوره جدا >>>>> ضريبه اكثر

اي اعطال اكثر من اي سيارات اقل فخامه وتكنولوجيا

وقس على ذلك

التويوتا جعلت سياراتها اعتماديه على حساب الراحه والفخامه
ولكن في السنوات الاخيره بدأت سياراتها في الانحدار

اولاأ احب ان اشدد على ان الغرض والسبب الرئيسي لأقتناء السيارة هو النقل ..
(اي تنقلك من مكان لمكان)
اما بالنسبه للسيارات الأمريكيه ..(شخصياً)
انا راح اشتري السيارة الأمريكيه انشاء الله اذا وقفت الحكومه الأمريكيه استخدام هذي الأموال واموال دافعين الضرائب في حروب ضد المسلمين (قد تكون الراعي الرسمي لهذي الحروب)
اما اليابانيين اعتقد انهم مسالمين لحد ما ولم يحتلوا اي دولة عربيه او مسلمه ولم يدعموا الصهاينه بل يتاجرون معهم تجاره عادله
اما بالنسبه للراحه ...
أفضل البحث عن الراحه النفسيه في المقام الأول
(وهذي وجهة نظر شخصيه قد اكون مخطىء ..)
والله اعلم
تقبل تحياتي