صوت ماركيز 2007

اخوي مقرود اذا موترك 2007 بدون اصدار رسمي او غيره

يعني موترك 2007 زي مواتر خلق الله فالجنوط مغيره لانه من 2006 وطالع صارت الجنوط

زي شكل الجنط اللي بالصورة

الله يعطيكم العافية ويجزاكم خير

اخوي راعي الكامري 04

بالنسبة للجنوط انا يوم فكيتها لقيت مكتوب جوى الجنط made in china يعني صيني

وهذي صورة جنوطي الحالية مثل هالصورة




مع العلم ان موتري ماركيز 2007 جي اس ستاندر يعني مثبت سرعة ومرتبة متحركة للسائق فقط استعمال امريكي

وكثير قالو لي ان جنوطه 2007 مفروض تكون مثل هذي



وانت وش قولك؟؟

وعموما باسوي اللي قلت لي اشحم مفصلات الكبوت والقفل والترصيص وان شاء الله خير

بس استفسار ثاني ان شاء الله تجاوبني عليه

اذا شغلت السيارة وخاصة اذا كانت المكينة باردة يعني زي الصباح واذا جيت طالع من العمل

بعد ما اشغل السيارة وانا احميها تجي رجه في المكينة مرة قويه ومرة خفيفة لفترة اقل من 15 ثانية وتروح ( والسيارة واقفة ) وانا امشي الوضع طبيعي وش تتوقع منه؟؟؟

والله يجزاك خير

الفحمات والهوبات لاتركب اي شي تجاري لانك تبي تدخل في متاهات واصوات وضعف فرامل

وغير الاصلي لاتدور ,, غالي شوي لكن لك وللزمن وسيارتك ماشاء الله توها جديده 2007

,,,,الهوبات لاتخرطهم مره ثانيه وركب جديد والفحمات لاتأخذ الا اصلي وكاله درجه اولى

هذا اذا تبي شغل مضبوط وفرامل صح ومده اطول بالاستهلاك

اما اذا تبي شغل اي كلام ومشاكل كل شوي ركب فحمات تجاري او درجه ثانيه واخرط الهوبات

والله يعينك وتحياتي

حياك الله اخووي

بالنسبة للرجه عليك بترصيص الكفرات

انما اصوات الصرصره فعليك بالفحص اسفل السيارة يمكن ربل او مسمار منحل

يعطيك العافية

بس عندي استفسارين زود ولاعليكم امر

1- يطلع صوت ( صرصرة ) هبل بي مدري وشو منه اذا مشيت على اسفلت ( مبطنج ،، بطناج ،، سفلت غير سوي ،،

2- كنت ما سك خط وصار لي شي عجيب
اولا اذا مشيت 120 رجه في الدركسون خفيفه وهادية وتقدر تقول طبيعية
ثانيا اذا مشيت 140 - 150 تجي رجه قوية في الدركسون بشكل تدريجي يعني يبدأ الرج بشويش بعدين يقوى تدريجيا ( لدرجة ان قوطي الببسي في درج الطفاية يخترش منها واذا راحت الرجه يركد) وتستمر الرجه هذي تقريبا 5 ثواني


ملاحظات -- من القرادة توي خرطت الهوبات والمفروض انعمها ومركب فحمات امامي وخلفي


بانتظار اجاباتكم

رحم الله والديكم